tgoop.com/damatalatab/229
Last Update:
✨خدمة محبي باسم الكربلائي تقدم:
📜 قصيدة : ياصبرنه ابتعد ماتت الوالدة
✒للشاعر : سيد عبدالخالق المحنة
🔖١٥ جمادى الأول ١٤٣٩ _ العاشور
🎵طور : #رواسي_الصبر
يا صبرنه ابتعد ..... ماتت الوالده
وانه طبع الورد ..... عايش عله الندى
▪️▪️▪️▪️▪️
امي قبلة و اني اتوجه عليها
احلى ما بالدنيا شوفتها و حجيها
همي كله يروح من لمسة ايديها
رحمة الله و رأفته موجودة بيها
ما اظن باللحد .... تهجع الفاقدة
و انه طبع الورد ... عايش عله الندى
▪▪▪▪▪
امي يا جلمة هلا الينقط ملحها
تبتسم كلها الي و تضم جرحها
امي دنيا و الظهر ذبحوا صبحها
يا فراشة من السمه و كسروا جنحها
راحت و اعتقد .... للعرش صاعدة
و انه طبع الورد .... عايش عله الندى
▪▪▪▪▪
اني الحسين و شفت كسرة ضلعها
و ادعي يا رب انتقم من الصفعها
بوية يا حيدر صحت انظر وضعها
شافت الوالد اجى و مسحت دمعها
للضلع يستعد ... حيدر و شاهده
و انه طبع الورد ... عايش عله الندى
▪▪▪▪▪
انتظر حيدر يجي و ندخل سوية
جنت احس فضة تضم سرها عليه
فاطمة طول الوقت تشتاق الي
اني استغني عنها تدري بيه
فضة شو ما ترد... انت متأكدة
و انه طبع الورد ... عايش عله الندى
▪️▪️▪️▪️▪️
من رحت ليها صحت يحبيبة قعدي
و النبي مشتاق الج جم زهرة عندي
انت ما ترضين اظل بالدنيا وحدي
يمة قليلي هلا و بوسيلي خدي
يالمرتّي الجبد ... لسة متوسدة
و انه طبع الورد ... عايش عله الندى
▪▪▪▪▪
ونت عالمغتسل امي اسمعتها
اتقدمت خطوة و طحت لمن شفتها
يمة حاجيني بمحمد حلّفتها
فتحت الذرعان اليَّ و اشبقتها
يالعليج اعتمد ... مر عذابج بدا
و انه طبع الورد ... عايش عله الندى
▪▪▪▪▪
انه شابق امي و دموعي اهلها
والدي يرفعني عنها و ارجع الها
اسمع املاك السمه نادت بعلها
يا علي هالمعضلة انت التحلها
يا علي و القصد ... ادفن العابدة
و انه طبع الورد ... عايش عله الندى
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
💻https://www.tgoop.com/damatalatab
BY التمهيد لظهور الإمام المهدي{عج}
Share with your friend now:
tgoop.com/damatalatab/229