tgoop.com/damatalatab/236
Last Update:
#جديد🔥🔥🔥
#رساله _الى سيدي ومولاي المرجع الأعلى سيد علي #السيستاني✍️
#بقلم خادمتكم إسراء اللامي ام ذو الفقار
ياسيد علي فتوه اكتبلها
ترد جثمان زينب يم اهلها
هناك المايرحمون
وبزينب يعيلون
فدوه اكتب نقلها
تحية خالصه لمرجعنه نكتب
من بعد التحيه انريد مطلب
تطويق العقيله اعلينه يصعب
اجينه وعدنه طلبه
نقل زينب تكتبه
كلفه انريد حلها
فدوه اكتب نقلها
فدوه اكتب نقلها يم اخوها
گلبنه وياها خاف يعذبوها
ميته وبالگبر مايرحموها
يامرجعنه فدوه
لزينب كون فتوه
تجي يم الكفلها
فدوه اكتب نقلها
موش اديارها والناس غربه
ياسيد علي وحدها صعبه
بالدمعات هالمطلب نطلبه
متگطع گلبنه
زينب كون عدنه
اظن هذا حلمها
فدوه اكتب نقلها
حلم ام عون اظن يم النشامه
يم اخوانها تنام بسلامه
بعدها بذيج المتون العلامه
بعد ماتحمل الايد
اتريد اخوانها اتريد
هله بجيتج نگلها
فدوه اكتب نقلها ،،،،،
مو وحدها فدوه ياضوه العين
يجن وياها كون ابنات الحسين
ويلتم الضعن يم الحنينين
ويرد ضعن السبايا
يم صاحب الرايه
الشيعه بيك أملها
فدوه اكتب نقلها
كتبت بدفتر الزهراء ع ومهداة اليها ومن ياخذها او ينسبها. او يغير فيها. يتجرأ على الزهراء.وليس علي ❌✋
https://www.tgoop.com/kjhgkkb
BY التمهيد لظهور الإمام المهدي{عج}
Share with your friend now:
tgoop.com/damatalatab/236