tgoop.com/damatalatab/239
Last Update:
#شور
أبو فاضل، ،،،أبو فاضل
يانسخة من علي،،، يا سلطان الحرب
ياريح وعاصفة،،، عالحومة من تطب
يارب المرجلة، ،،،ويا راعبهم رعب
زلزال وقارعة
قتال أواقعة
كفال ورايتك
لو رفت صاعقة
هوة رب الغيرة الاول والأخير
واليطيح بحيرة بيمن يستجير
بالگمر وچفوفة لمن تستغيث
يفزع بتدبيرة ويغير المصير
أبو فاضل، ،،أبو فاضل
بس حيدر يشبهك،،، وأنت تشبه علي
ياحماي الضعن،،، نورك ما ينجلي
ياحيل الله القوي،،يا تربات الولي
يا أية مرتلة
يا راية كربلة
من الله هيبتك
ياروح البسملة
لو دخل للحومة لچفوفة القرار
من علي وعلومة وضربات الفقار
والخزرات أعيونة تسمع بس رعيد
ماكو كلمن يومة وما يحصل فرار
أبو فاضل، ،، أبو فاضل
يا سورة زلزلة،،، ياراعي الگنطرة
يا بركان وغضب،، يا صور الأخرة
تچوي النار غيرتك،، لو صارت زمجرة
يابركان وتهد
ياطوفان ماترد
تجدح نار خزرتك
غيرة ونار وبرد
من تشيل الراية وتهجم عالحتوف
تسكت الحچاية وتنزاح ال ألوف
رجز وسط الحومة وبيمينة الحسام
ما تظل غزاية ويحل الخسوف
أبو فاضل ،،، أبو فاضل
من ريشاتك خذت ،، أوزان المعركة
والريح شما يهب ،، أنت ألي أتحركة
وخشم ألي عارضك ،،بجدامك تفركة
عالحومة من تطب
تمطر غيظ ورعب
بچفوفك زلزلة
ياعزريل الحرب
والمهر لو غارت ما تصمد رجال
والرحة شما دارت تنزاح الجبال
اليهد تقبض روحة واليشرد يموت
والرؤوس الطارت صارت ك التلال
أبو فاضل، ،،،،،أبو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️حسين حمدان الدلفي
https://www.tgoop.com/damatalatab
BY التمهيد لظهور الإمام المهدي{عج}
Share with your friend now:
tgoop.com/damatalatab/239