tgoop.com/damatalatab/241
Last Update:
✍لطميه ثكيله لام البنين ع
اتمنيت من كبل المنيه
كون اندفن بالغاضريه
أنه أم البنين انه أم البنين
🏴🏴🏴🏴🏴
أنه أم الكمر أنه أم البنين
تمنيت روحي تندفن مابين الاثنين
يم ابني عباس الكمر والغالي الحسين
لفركاهم الدمعه جريه
كون اندفن بالغاضريه
أنه أم البنين انه أم البنين
🏴🏴🏴🏴🏴
بفركاهم عيوني تصب مابطل وني
من يوم ماعني مشو الدنيه ولتني
مهدوم حيلي اعله الولد والدهر هدني
جارت الدنيه عليه
كون اندفن بالغاضريه
أنه أم البنين انه أم البنين
🏴🏴🏴🏴🏴
كون اندفن يمك يبن حامي الحمه
تدريها صعبه الفركه يابن فاطمه
حتى مماتي بالغرب ومتالمه
نار بجروحي سريه
كون اندفن بالغاضريه
أنه أم البنين أنه أم البنين
🏴🏴🏴🏴🏴
نار تسعر بالكلب يافركه الاحباب
جتني المنيه يلولد مابين الاغراب
وديت عتبي للغوالي اويه الهوى الهاب
هدني الحزن وشلون بيه
كون اندفن بالغاضريه
أنه أم البنين انه أم البنين
🏴🏴🏴🏴🏴
هدني البعد ومعميه العيون
يمته تجي ويلادي يلفون
ظليت اناطر علدرب بلكت يعودون
الظلت وذر فوك الوطيه
كون اندفن بالغاضرية
أنه أم البنين أنه أم البنين
✍أم نور الزهراء الزينبية🏴أنت المعزى سيدي يا صاحب الزمان
https://www.tgoop.com/damatalatab
BY التمهيد لظهور الإمام المهدي{عج}
Share with your friend now:
tgoop.com/damatalatab/241