🔴#ONLAYN 🔴Ayni paytda Oila va xotin-qizlar qo‘mitasi raisi Ozoda Parpiboyeva Namangan viloyati Uchqo‘rg‘on tumanini mahallalarida bo‘lib, O‘zbekiston Respublikasi Prezidentining “Xotin-qizlarning tadbirkorligini yo‘lga qo‘yish va rivojlantirishni qo‘llab-quvvatlashga oid qo‘shimcha chora-tadbirlar to‘g‘risida”gi 122-son qaroriga muvofiq amalga oshirilayotgan ishlar holati bilan yaqindan tanishmoqda.
🔴Mahallalarda xotin-qizlarni tadbirkorlikka keng jalb qilish bo‘yicha dasturlarning shakllantirilishi, xonadonma-xonadon yurish orqali ayollar va oilalarga tegishli muammolarni aniqlash, aniqlangan muammolarni tasniflash orqali ularni mahalla, tuman, viloyat va respublika darajasida hal qilish choralarini ko‘rish bo‘yicha ishlar holati o‘rganilib, tegishli tavsiya va topshiriqlar berilmoqda.
🔴Oilalar daromadini oshirish, xotin-qizlar bandligini ta’minlash va tadbirkorlikka yo‘naltirishda banklar tomonidan tayyorlangan 250 dan ortiq biznes loyihalar targ‘iboti hamda kam daromadli ehtiyojmand xotin-qizlarga banklar tomonidan biznesga birinchi qadam va oilaviy tadbirkorlikka ajratilgan kreditlarning sarflanish holati o‘rganildi.
🔴Shuningdek, kasb-hunar o‘rganishga jalb qilingan ishsiz xotin-qizlar, ehtiyojmand ayollar, shuningdek, «Ayollar daftari»ga kiritilgan xotin-qizlar bandligini ta’minlash maqsadida mahallalarda tashkil etilgan xotin-qizlar bandligini ta’minlash va salomatligini mustahkamlash markazlari faoliyati bilan tanishildi.
Mutasaddilarga tegishli topshiriqlar berildi.
🌐Veb sayt |🌐Facebook |🌐Instagram |🌐Youtube❗️ 
