tgoop.com/davlatqomita/20282
Last Update:
“Ma‘rifatli oila” loyihasi
O‘zbekiston mahallalari uyushmasi, Oila va xotin-qizlar qo‘mitasi, Respublika Ma‘naviyat va ma‘rifat markazi hamkorligidagi loyiha ishga tushdi.
Maqsad - oilalarga ma‘rifat ulashish, ziyo tarqatish. Tarbiya, sadoqat, vatanparvarlik tuyg‘ularini shu maskandan ulg‘aytirish, oiladan mahallaga, mahalladan butun jamiyatga olib boradigan tizimni yaratishdir.
Bugun ilk bor Toshkent shahri Olmazor tumanida namunali tarzda ma‘naviy-ma‘rifiy targ‘ibot tadbiri tashkil etildi.
Mazkur yirik loyiha doirasida mahallalarda “Oqila ayollar”, “Kitobxon oila”, “Bolalar dunyosi”, “Zakovat”, “Uch avlod uchrashuvi” kabi ko‘plab tadbirlar bo‘lib o‘tdi.
“Mahalla kechasi”da ma‘naviy ozuqa olish bilan birga, mehnat yarmarkalarida ishtirok etishingiz, mahorat egalaridan hunar sirlarini o‘rganishingiz mumkin.
Niyatimiz, mahallalarimizda ma‘rifatli oilalar ko‘p, qadriyatlar davomli, an‘analar barqaror bo‘lsin. Ana shunday maskanda albatta yoshlar tog‘ri yo‘ldan maqsadlari sari dadil odimlaydi.
