🌸 خطووات وصع مادة ال Composite 🌸

■ اول شيء لاززم نديرو isolagsion ان نعزلو سن عن باقي فم عشان ميوصلش saliva لانها حتخرب .

■ خطوة ثانيه مهمه جداا ان انديرو etching ان نحطو حمض اسمه phosphoric acid نسبته 37% هذا نحطوه ع حواشي متاع cavity عشان يسحب المعادن و يخللي سن فيها حفررر ويمسك composite كويس ، بس الحفر مايباننش عليك ،
• حمض نخلليه عشرين ثانيه بس ونغسلووه ونجففوه ، عشان نحطو الحشوة .
• في احماض اخررى معدنيه يحطو فيه و عضوية و polyacrilc acid مرو عليهن ببس اهم وواحد الاول ونسبته مهمه .
• يجي الحمض ف صورة جل او سائل ويحقن او بفرشه ينحط .
• ينحط 15 ل 20 ثانيه يؤدي الى✔⬇️
• تلحمض هذا يذووب في enaml rods يعني كالسيووم و فوسفيتت .
• يزيد مساحة السطح .
• مساحة سطح متع مواد صلبة كل ماتزيد معناها قدرة الالتصاق عاليه ، والحفرر يمسك فيهن composite .
• السن يقعد شكلها زي طباشير chalky لما نديرو etching او شكلها frosty .
• ال حمض هذا يفتح ف القنوات لي ف dentin اسمهن dentinal tubule تمسك حشوة فيهن اكثرر .
• مادة تخشش منها مواد كيميائيه لما متتتصلبش كوويس .
• الحمض لازم يتحول باميه عشان مايسحبش معادن وواجد .
• حمض يوضع لمدة عشرين ثانيه والغسل عشرين ثانيه وتجفييف كذلك ياخذ عشررين ثاانيه .
•السن لازم تجفف كويس عششان نحط composite .

■ ثالث شيء نديررو bonding لصقه قبل composite .
• لصقه نفس تركيبب composite بضبط بس خفيفه low viscosity وقدر تخش ف حفرر وتيبس بالضي .
• اللصقه لما نديرلها ضي وتخش ف حفر اسم عملية هذي resin tag وهذا يعططي تداخلل ميكانيكي كوويس .
• ال composite يمسك فلصقه لان نفس ترركيب فرق ف لزووجه بس .
• نقدرر نحط مواد زي UDM او Bis A gma .

■ جدوول ماحكش عليه دكتوور

• توا نحطوو ال composite اول طبقه اثنيين او اقلل وانديرو ضي حطت الcomposite ع طبقات اسمها insertion .

🌸 ال Composite ينحط بكم طرريقه 🌸
1اول شيء نحطو ثلاثه طبقه horizontal او نقول flat واثنين oblique .
2 ثانيه نحطو ثلاثه horizontal
3 هنال نحطو ثلاثه oblique
4 ان نحطوو ثلاثه ع شكلل حرف U
5 يعني ثلاثه vertical .
6 هذي لما يقعد عندنا class 2 ، الاداه لي نديررو بيها ضي نخلوها تلمس composite وحتدير حفررة وبعدها نحطو طبقه ثانيه عشان تمسك ونكررو نفس خطوة .
■ لما نديرو backing مش واجد زي amalgam يعني ضغط اقلل ، فلو استخدمنا ال inverted cone هنا حينفك ال composite من السن ويصير secondary caries يعني يستتخدم مع amalgam بس مهمم .

■ في واحد يستخدم مع composite عادي اسمه cone .
محاضرة انتهت 💞

المحاضرة الاخيره كورس Aesthetic restorative materials 🌸

🌸 Finishing of Composite 🌸
• هي عملية تحويل ال surface defects عيوب السطح يعني نعطي الحشوة الشكل النهائي ولو في اي خدوش scratches يتحولن ومش عملية تنعيم هذي متاع polishing .
🌸 Polishing 🌸
• هي عملية نخلي حشوة لامعه gloss surface او smooth .
• يعني هي عملية ازاله الخشوونه ونخلي سطح نااعم .
• طريقة polishing نووعين واحد dry وثاني wet واحد بأميه وثاني لا ، وذكرنا ان الجاف مش كويس .
• لو بنستخدمو دسكه superfine يعني ناعمه لازم معاها ال dry و لو بنستخدم ال coarse لازم يكون wet .
• لا تستخدم دسكه لي تنعم بالقووة لازم نعم بيها باشويا عشان ماتزيدش الحرارة 🥺.
• في عجينه تستخدم ف polishing اسمها polishing paste ، يحطوها ع سن ويديرو مكينه عليها تبدا تبرمم و تللمع سن وتنعمها وتستخدم 15 ل 30 ثانيه .
• ال rubber cup اداه شكلها زي الكبايه تبرم وتحط فيها العجينه وتنعم بيها .

🌸 انواع حديثه من Comoosite اعرفوا اسمائهم بس 🌸 .

1 Flowable comoosite
• نوع هذا يستخدم توا لذلك اكثر اهميه ، وهذا عنده flow عالي يعني filler قللوه واقل لزوجه ، وهذا يستخدم لان يخش ف اماكن الصغيره ويحقن حقن fluid injectibility .
• حجم الفيلر من 0.6 الى 1.
• الفيلر لي نقصوه تقريبا 30% .
• القووة 210 ل 300 .
• هذا نقدرر نحط سمك طبقه حوالي 6 مللي عادي ونحنا اتفقنا ان نحطو 2 مللي بس ، ولكن هذا نقدر نديره سته لان نسبة الفيلر اقل هنا .

2 Silorane
• هذا جدييد ومايصيرلش shrinkage لان هذا اكثر عيب ف composite .
• تفاعل متاعه ring open زي polyether وال eboxy خذيناهن في denture base .
• عيبه low compressive strength بس hardness متاعه عاليه .

3 packable composite
• هذا ينضغط ف سن زي amalgam زي condensation فيه وحتى هذا قوي لذلك يديرو فيه في ال posterior teeth وعنده اسم اهر اسمه PRIMM .
• اهم شيء انه Rigid قوي فيه resin و قووه بال ceramic .
• ال filler اللي هنا نوعين المونيوم و سيليكا .
• حتى هذا نقدرر نحطه 6 مللي

4 Antibacterial composite
• هذا ضافوله عنصر الفلورايد عشان يقووه .
• وظيفته antibacterial .
• وضافوله سلفرر حتى هوا antibacterial .
• ال actinomyces و ال streptococci هذينا اثنين انواع بكتيريا يقتلل فيهن .

5 Nano
• هذا حجم جزيئتت من 0.1 الى 100 nm صغير بكلل ، وكل مانصغر الفيلر حيكون شكله احلى .
• هذا يحسن شكل بصري متاعه يعني nano شكلله سمح .

6 Ormocers
• هذا ضافوله ceramic و لونه مايتغيرش عشان فيه ceramic وهذا البورسالين لونه لا يتغيررر .

7 Compomers
• هذا نوع حدييث خلليط من composite و glass ionomer ويطلع ف فلورايد .
• الاستخدامات ان يسكرو بيها sealing ال pit و fissure ويدير بيها filling .
• وتستخدم في الحشووات لاسنان الاطفالل لان ماتتأثرش بال saliva .
• تستخدم تحت الحشووة يعني تحت composite او amalgam .
• توقف التسوس لان تطلع في فلوورايد .
• نقدر نبني بيها سن مش قاعدده يعني دعامه وسن core build up .
• نقدر ندير بيها اصلاح للحواشي .
8 Giomers
• حتى هذي جديده وعبارة عن هجين من glass ionomer و composite وان نستفيدو من مزايا المادتين .

9 Smart
• هذا انتجاته شركه اسمها ivoclar طلعاته سنة 98 هذا فكرته ان فيه مادة قلوية وظيفته الاساسيه يثبط نمو البكتيريا ويقلل secondary caries .

10 Ceromer
• حتى هذا فيييه ceramic ونوع هذا يديرو بيه حشوات ف معملل وبعدها يشيلوها للعياده ويحطها دكتور فالفم 😂 مهم نديرو بيها inlay و onlay .

الكورس كمل 💞

المحاضرة الاولى كورس Finishing and polishing 🌸

🌸 Abrasion can be divided into 🌸
• تنقسم الى نووعين ⬇️
1 Two body wear
• هذي قوة تأكل تصير بين سطحين زي السن لو نبي نبريها بحاجه اسمها bur هذا يدير تأكل للسن فيعني التأكل صار بين السن و ال bur هذا احتكاك بين سطحين يعني بين substrate و abrasive .

2 Three body wear
• هذا تأكل يصير بين ثلاث اسطح زي غسل الاسنان يعني بين فرشة الاسنان والمعجون و السن او في بودرة يديرو بيها بس هذي مش كويسه تأثر ع enamel ، المهم هذا احتكاك بين ثلاثه بين اثنين substrate و abrasive يتحركن زي معجون يتحرك .
• المثال dental prophylaxis pastes معاجين اسنان .

🌸 مقارنه مهمه بين Abrasion و polishing .
• ال abrasion هيا نفسها finishing ❤
• لازم نديرو finishing وبعدها polishing

■ Abrasion
• ديما نديرو cutting بس عيبه هنا ان يديرن groove في السن لذلك بعدها لازم نديرو polishing عشان نحولوهن .
■ polishing
• هنا ندير تنعييم للحشوة smooth وتلمع glossy ، زي ماذكرت فوق ان نديرو العمليع هذي عشان نحولو تعرجاتت اللي صارررن ، واي سطح لامع يعكس ضي reflect the light regularly .

🌸 Purpose of polishing 🌸
• شن الغرض من العمليه هذي ( مهمم ) .
1 اول شيء تكون حشوة شكلها حلوو
2 انها تكون نظيفه ومايمسكش فيها الاكل hygiene لان لو مش ناعمه يمسك فيها الاكل .
3 لو ماكانتش ناعمه ممكن تسبب trauma ل soft tissue يعني ممكن تجرح الانسجه وتسبب اصابه .
4 تكون مريحه للمريض comfort ويتقبلها بس .
5 تساعد ع نطق phonetics
6 تحمي من corrosion خذيناها ف amalgam لو بنقللوه نديرو finishing و polishing كوويس .

🌸 Desirable qualities an abrasive 🌸
• خصائص الحاجه اللي بتدير بيها cutting او finshing .
1 لازم تكون irrigular يعني مش ناعمه .
2 لازم الحاجه يكون عندها قوة تصاادم عاليه عشان ماتتكسرش وانت تشتغل high impact strength .
3 لازم تقاووم التأكلل not wear.
4 لاازم تكون اقوى من الطاقم از الحشوة لي ببتشتغل عليها .

🌸 Presentaion of abrasive & polishing 🌸
• مجمووعة ادووات نستخدموهن فالعمليتين هذينا وعندنا عدة اشكاللل نقطعو بيهن ونعمو بيهن 😍.
1 Abrasive papers
• هذي وررقة يديرو بيها cutting زي ورقة لي يديرو بيها ف ساس بالضبط 😂 وفي منها نووعين
□ Sand paper
• هذي فيها زي ررمله يقطعو بيها ومصنوعه من silica .
□ Emery paper مهمه
• هذي مصنوعه من oxide aluminum او aluminum oxide نفس معنى مهم تركيبها .
■ Emery
• مصنوعه من oxide aluminum هذا عنده اسم تجاري يقولو عليه corundum وهذي تستخدمم في طواقم اكثررر شيء لما بينعمووه يعني وظيفتها abrasive on acrylic surface قصده طاقم .
■ Sand
• ورقة هذي في sandblasting جوه ممكن حتى يستخدمو الرملهه ف جهاز .

2 Abrasive wheels , burs , discs
• اهم شيء ال bur هذا يركب ف اداة ويديرو بيه finishing و polishing وفي منها اكثر من شكلل ⬇️
□ واحد مصنوع من الماس اسمه diamond bur يحطو فالماس بكمية قليله جدا diamond chips ، وقاعدتها metal وفيها binder يمسكهن واقوا شي الالماس ويقطع كويس لذالك استخدمووا .
□ النووع ثاني من bur اسمه carbide burn وهذا مصنوع من silicone و boron .
□ الثالث اسمه carborandum مصنوع من carbon و silicone .
• في حاجات زي عجله ينعمو بيهن اسمهم wheels .
• في وحدات دائريات اسمهن discs .
■ Diamond مهم
• هذا اقوا حاجه ونقدرر نقطع بيه حتى ال enamel وهذا معتبر اكثر حاجه hard .
■ Carbide
• هذا يقدرو يصنعو بيها ادووات ماحكش عليها اكثر ، حاجه تصنعها زي ال wheels مثلاا .

3 Powder مهمه
■ Pumice
• بودررة اسمها بوميس هذي اكثرر وحده تستخدم وممهمه ومستخرجه من volcanic براكينن ، في منها نووعين fine ناعمه تستخدم ك polishing و coarse حرشه تستخدم ك finishing طبعا الاستخدام اولا يبخوها ب water تقعد paste وينعموها بادوات زي ال brush او felt cone .

■ Tin oxide
• بودرة هذي تستخدم في ال polishing عكس الاولى تستخدم ف الاثنين .
• لونها white ويحطوها ع الاسنان ينعموا بيها وينعموا بيها حشوات معدنيه زي amalgam او gold تتخلط ب water او جلسرين .

■ Sand
• هذا يستخدم ك powder ، تستخدم ف sand blasting واكثر سبيكه تستخدم ف اسنان cobalt cromium وهذي لازم بجهااز هذا ماينفعش معاها تنعيم بادوات او بودرة عاديه .

4 Cake form
• هذينا ينعمو بيهن نووعين tripoli و rouge وهذا اهمم ،
• ال rouge مربعه وبودرة لونها ا احمررر ، وينعمو بيها ف noble metal ،سعرها غاليي وينعمو بيها ف سبائك غالييه وكذلك ال gold .
■ Tripoli
• مادة مستخرجه من rocks صخوور مثقبه و هوا اول واحد اكتشف جنب طررابس ويستخدم ف finishig و polishing .

■ ال Sand blasting جهاز فيه ريح ورمله قوية و تخشش ايديك من جنب ماسك الشيء لي بتنعمه .
⬇️🌸

🌸 ال Types & uses of various abrasive دكتور شرحهن مع الجزئية لي قبلله يعني كتبته فوق ⬆️

🌸 Polishing Agents 🌸
• كل ماتكون الاداة لي بنقطع بيها fine ناعمه وصغيررة كمية القطع تكوون اقل ،و ال groove او ال scratches الخدوش حيكوونن صغارر وحتكون طبقة الخارجيه لامعه اسمها belby layer هذي تعكس الضوء ( مهمه ) .
• مرات يقولك شن طبقه لي تعكس ضوء بعد polishing ❤

🌸 تأكل الاسنان بأكثر من طريقه هنا ثلاثه معناهن تأكل اسنان 🌸
■ Abrasion
• تأكل السن نتيجة شيء خارجي زي فرشة الاسنان مثلاا او السواك يسبب تأكلل against anotjer .
■ Attrition
• هو تأكل سن بسبب سن مقابله teeth against each other .
■ Erosion
• تأكلل سن نتيجة chemical agent مواد كيميائية .

• المحاضررة انتهت 💞

المحاضرة الثانيه كورس Finishing and polishing 🌸

🌸 Other abarasive factor 🌸
■ Chalk اهم واحد
• هذا نوع يستخدم ف معاجين الاسنان dentifrices .
• ال chalk اسم عللمي طباشير و اسمه ثاني calcium carbonate يديرو بيه polishing فالمعاجين .
■ Chromic oxide
• هذي يديرو بيها polishing ل stainless steel ( مهمه ) .
■ Zirconium silicate
• تستخدم ف معاجين وقائيه و يديرو بيها strips و disc يساعدن في تنعييم .
■ Cuttle
• مادة ينعمو بيها وتستخرج من cuttlefish الحبارر ويديرو بيها polishing لبعض السبائك ولونها ابيضض .

🌸 Electrolytic polishing 🌸 جهاز
• ال cobalt cromium اقووا سبيكه وتتنعم بطريقتيين ، الاولى sandblasting وثانيه بال جهاز هذا متاع دائرة كهربائية .
• طريقه ان يعلقو طاقم معدني مثلا ف anode ويولعو دائرية كهربائيه ل 6 دقايق تحطه ف محلول .
• اسم محلوول الي يحطو فيه orthophosphoric acid نسبته 85% والحرارة ل نسخن فيها محلوول °54C ينعمم مرات يسألو فييه .

🌸 Dentifrices 🌸
• معناها اي شيء نحكو بيه الاسنان زي ال paste معجون او gel او powder .
• وظيفة معاجين ينظفن الاسنان وينعمن السطح .
• نستخدمو ف فرشة الاسنان toothbrush عشان نقللو تسوس ونحافظو ع gingiva ونقللو رائحة الفم .

🌸 Function of Dentifrice 🌸
1 عشان نحولو طبقه بيضاء على سن اسمها blaque و نحولو بقايا طعام و ال stains .
2 يخففن الاحماض لان نخافو ع الاسنان من ال Acids وهذا يطلع من تخمرر البكتيريا لذلك معاجين يديرن dilute يخففن ويعادلن بكتيريا ويمنعن نشاطها
3 نحولو halitosis رائحه كريهع و المذاق السيء .
4 معجون فيه fluride وهذا يقلل حساسيه وتسووس ويدير اعادة معادن للسن .
⬇️🌸

🌸 Composition of dentifrices 🌸
1نحطو Abrasive تساعد على حك سطح خارجي للسن زي chalk حكينا عليه فوق .
2 كذلك detergents هذي اسمها sodium lauryl sulfate تقلل surface tension وتحول بقايا طعام من سطح سن .
3 يحطو ف نكهات والوان flavoring و coloring عشان يكون ملائم اكثر ويحسن من مذاق وهكي يعني .
4 يحطو humectant مادة مرطبه زي جلسرين و sorbitol تمنع جفاف .
5 يحطو ف binder اسمه carboxymethyl cellulose يربط كلل مكونات مع بعضهن .
6 فيه Fluoride هذا يحول التسووس decay او caries نفس معنى ، و يقلل حساسية لما يكون رووت متاع سن باين يعني لثه نازله ، انواع الفلورايد ⬇️
□ Sosium fluoride اكثر استخدام
□ stannous fluoride
□ sodium monofluorophosphate

■ Note مهمه
• تركيز المواد لي يديرن cutting في المعاجيين اقلل من البوودرة يكون 25% الى 50% .
• طبعا معجون افضل من بودرة لان فيها abrasive اكثر من 50% وهذا يحول ال enamel ويأثر عليه يعني مش كوويس .

🌸 Herbal toothpastes 🌸
• المعاجين العشبيه زي ال miswak و ال neem tree يستخرج منه ف معجون ويكون فيه فائده ع gum و teeth .

🌸 Reaction of fluoride with enamel 🌸
• ال enamel اساسه كالسيوم وفوسفيت وظايرات بلوررات مع بعضهن اسمه hydroxyapatite هذينا يتحدن تحت مجهر يديرن اشكال عصووية اسمهن enamel rods او اسمهن prisms وبين كل rod نلقى مواد عضوية يعني لاصقات ف بعضهن بالمواد العضوية .

■ Low concentration of fluoride
• كل مايكوون فلورايد اقلل يكون افضل لان يخلي الاسنان لونهن اصفر لو زاد .
• البلوراات hydroxyapatite لما نحكو الاسنان يتحول اسمهن الى fluroapatite وهذينا كويساتت بكل مايخلنش سن تسووس وماتذوبش ف احماض وتقاوم بكتيريا .

■High concentration of fluoride
• كل مايكون فلورايد عااالي حيتفاعل فلورايد زايد مع كالسيووم فالسن ويعطي calcium fluoride وهذا مش كويس بكل يخلي سن لونها اصفررر والفوسفيت مش حيتفاعل حيطلع وتبدا سن تتحللل وتنصبغ ويصير ال flurosis .

الكورس كمل 💞💞

Dental Materials 🖇💜

انتهى المشوار والسنه الصعبه و المُتعبه ، يارب من الناجحين و الفايزين و يارب كلنا نخشوا ثانيه ، شكراً لمتابعتكم و ثقتكم ودعمكم ليا و القناه لولاكم ره ماوصلتش للعد هذا كله في مدة قصيره وشكر خاص لكل من ساعد في وصولها ونشرها بدون طلب ، ولكل من اسعدني بدعاء و كلام طيب ، كنتم داعم كبير ليا سعيده بتجربتي معاكم جدا في السنه الاستثنائثه ، و ان شاء الله نكون تركت اثر طيب فيكم ومانكونش قصرت معاكم ، وفقكم الله و سدد خُطاكم جميعاً ، في حفظ الله و إلى اللِقاء 🤍..

للإستفادة بعض قنوات الشرح الكِتابي لسنه اولى أسنان ، موفقين جميعاً 🤍🤍.
https://www.tgoop.com/anat0myy .
https://www.tgoop.com/dentalanatomyg .
https://www.tgoop.com/Explanation0fhistology .

دعمكم هو أساس نجاح القنوات ربي يفرحني بنجاحكم نفر نفر وربي يقدرني ونخلي بصمه جديده معاكم في ثالثه بالتوفيق ليكم 💕...

السلام عليكم سنه أولى 🌸

هذا رابط قناه لدنتال ماتيريال من طالبه دفعه 46 بالتوفيق ليكم 🤍.
https://www.tgoop.com/+CWS-zp86UII3ZGI0