tgoop.com/dhwlfqr/9687
Last Update:
هاي الوصية الكربلة اخذيها
ولوشفتي اخوج الوحدة نفذيها
لومارجع وياه عباس
شميلي صدرة الراح ينداس
#########################
راح اموت وتدخل البيتج مرة
اتشاركج بالدمعة لو دمعج جرة
وللكفالة اتجيب سبع الكنطرة
اسمة عباس وكلمته اباترة
ذوالفقار ابكلمته..نذر امه الخوتة
ولو كع يم النهر كولي طاحت خيمتج
جودة لو وياه هوة..شمي صدر القل هوة
حسين اذا وحدة رجع حضري للتل صعدتج
حسبي انذبح لمن تقبلينة
سالم بعد لا ماتشوفينة
كبل الشمر لا يطكع الراس
شميلي صدرة الراح ينداس
#########################
هناك يمة العندة اخو امن الهم سلم
ومايفكر بنار توصل للخيم
وبالعمد عباس لو راسة انجسم
كولي ذبح حسين عالشاطي انفهم
لو وكع يم النهر ..ضهر الحسين انكسر
منهو يحمل رايتة ..وعندة ضل بس النحر
اليبقة وحدة ابلا اخو..ضيعت روحة الدفو
ويحسب احساب الذبح حسبت احساب القهر
والمالة اخو بهالطف يذبحونة
وبعد الذبح زينب يسحكونة
خاف الحوافر تسحك الياس
شميلي صدرة الراح ينداس
#########################
حسين اذا للخيمة من الشاطي رد
وطيح ابجف الحزن ذاك العمد
واخذ منج للذبح اخر ولد
كولي ابو السجاد مايرجع بعد
من تسرجيلة المهر..ودعي وياه العمر
كلبج شيحمل بعد لو رجع ملوي السرج
الشاف ميمون الالم ..ضهرة صاير كلة دم
ايدير وجه الياعطش ..وناسة بالهيمة تهج
اتخيلي الزغار ابحركة الخيمة
اتخيلي التضل مرعوبة بالهيمة
وكبل التخيل كبل الاحساس
شميلي صدرة الراح ينداس
#########################
امن الفروض الخمسة اذا ذبحو فرض
كربلة تركضينها بطول وعرض
وهية مو بس حركة اخيام وتفض
الخمسة والخمسين مو مالت ركض
صعبة حركة خيمتج..وصعبة زينب طلعتج
وصعدتج فوك الهزل رايدة اعيون ودمع
حسين منج لو رحل ..امنية روحج لجل
واليتاني ابموتته هذا عاش ابيا وضع
ماطول عايش فرحت اعيونج
لا ينكع نحرة ويذبحونج
امن حسين ضلت اخر انفاس
شميلي صدرة الراح ينداس
#########################
راح اجيج وجايبة وياية الدمع
لان يخلص دمعج الاول ضلع
يمة والينشاف يفرق عالسمع
ابعين عباس السهم ماينشلع
شلكة ياهو المنكتل ..وشلكة ياهي اعلة الهزل
وياهو مسلوب الهدم وياهو راسة اعلة الرمح
ابجي يمن كلها الي..لومحمد لوعلي
وين الي ايوجع الكلب ..وين اليكبر الجرح
يمة ادري من اتعنه الموذر
ما الكة صدرة والتقي بمنحر
والهذا وصيتج ينبراس
تشميلي صدرة الراح ينداس
#########################
ذوالفقار الزيدي
BY قناة الشاعر ذوالفقار الزيدي
Share with your friend now:
tgoop.com/dhwlfqr/9687