ضوء آلَعَ ـتمـة 💚🌸

أكتر حاجة اتعلمتها من الحرب دي - وأظن إنه كلنا اتعلمناها- إنه أشوف النعمة نعمة ، يعني بيتنا اللي كنت شايفاو حاجة عادية وانوو مجرد حيطان وسقف أصبح عندي ليو نظرة تانية ، عبارة عن راحة وطمأنينة لا يجدها الإنسان في أي بقعة من بقاع الأرض ، بيت العادي اللي هو ملكك افضل بكتير من قصر تسكنه مع ناس تانيين .

نعمة الأمن والأمان ودا أكبر درس ممكن الزول يتعلمو من الحرب دي
كونك تكون قادر تنوم كويس في بيتك ماف أي أصوات ضرب رصاص او حتى دانة ممكن تجي واقعه في اي لحظة او اي حاجة تهدد حياتك للخطر فدي نعمة كبيرة ،
انك قادر تنزل من بيتك تمشي شغلك بلا أي خوف نعمة
إنك عندك وظيفة او شغل قادر تلبي منها احتياجاتك او احتياجات أسرتك نعمة برضو .
نعمة الجامعة ، يمكن من ضمن الحاجات الكنت خاتاها حاجة عادية وانو اي زول بقدر يعملها هو انو يقرأ الجامعه ويتخرج منها ، فالحرب دي ادتني كلامي في فتيل .

️لمة الأهل والأصحاب كانت نعمة كبيرة شديد وبرضو ما كنا حاسين بيها ...اسي مستعدين نعمل اي حاجة مقابل إننا نتلمى لمة واحدة ونضحك من جوانا ، بعد ما الحزن خلى ضحكتنا باهته وكل شي ناقص أصحابنا واحبابنا .

إتعلمت إنو الانسان ممكن يخسر أي حاجة في أي لحظة ،كل ما اتذكر حاجاتي الخليتا في الخرطوم وطلعت بقول ياريتني لو شلتها ، تاني بقول اشيل شنو ولا اخلي شنو ، الحاجة دي كانت دايماً بتخليني اتذكر الآخرة وكنت بربطها بانو دي دنيا فانية وانو الإنسان حرفيا حرفيا حيطلع ويخلي كل حاجة وراهو ودا الحصل معانا حاليا ، وانه عملك الصالح بس هو البمشي معاك ..
وانو الصدقة و هي عبارة عن مال ادخرتو لكن لآخرتك.

من النعم برضو اللي قال عليها الرسول صلى الله عليه وسلم: نعمتان مغبون فيهما الناس الصحة والفراغ ، كونك تصحى وانت معافى بدنيا حقيقي إنت بتملك الدنيا وما فيها، انك تتنفس عادي بدون أجهزة ، غيرك بصحى راقد
في المستشفى محاط بكمية اجهزة فدي برضو نعمة وم خاتنها في الحسبان

وآخر شي كمية الوفيات البتحصل وكمية الناس البتفقد ارواحها في الحرب دي وتكون انت لسة عايش فدي أكبر نعمة و هي نعمة الحياة .
#Dania_kamil

www.tgoop.com/diaa_atma/5632

143 viewsdania Kamil, Sep 28, 2023 at 17:17

أكتر حاجة اتعلمتها من الحرب دي - وأظن إنه كلنا اتعلمناها- إنه أشوف النعمة نعمة ، يعني بيتنا اللي كنت شايفاو حاجة عادية وانوو مجرد حيطان وسقف أصبح عندي ليو نظرة تانية ، عبارة عن راحة وطمأنينة لا يجدها الإنسان في أي بقعة من بقاع الأرض ، بيت العادي اللي هو ملكك افضل بكتير من قصر تسكنه مع ناس تانيين .

نعمة الأمن والأمان ودا أكبر درس ممكن الزول يتعلمو من الحرب دي
كونك تكون قادر تنوم كويس في بيتك ماف أي أصوات ضرب رصاص او حتى دانة ممكن تجي واقعه في اي لحظة او اي حاجة تهدد حياتك للخطر فدي نعمة كبيرة ،
انك قادر تنزل من بيتك تمشي شغلك بلا أي خوف نعمة
إنك عندك وظيفة او شغل قادر تلبي منها احتياجاتك او احتياجات أسرتك نعمة برضو .
نعمة الجامعة ، يمكن من ضمن الحاجات الكنت خاتاها حاجة عادية وانو اي زول بقدر يعملها هو انو يقرأ الجامعه ويتخرج منها ، فالحرب دي ادتني كلامي في فتيل .

️لمة الأهل والأصحاب كانت نعمة كبيرة شديد وبرضو ما كنا حاسين بيها ...اسي مستعدين نعمل اي حاجة مقابل إننا نتلمى لمة واحدة ونضحك من جوانا ، بعد ما الحزن خلى ضحكتنا باهته وكل شي ناقص أصحابنا واحبابنا .

إتعلمت إنو الانسان ممكن يخسر أي حاجة في أي لحظة ،كل ما اتذكر حاجاتي الخليتا في الخرطوم وطلعت بقول ياريتني لو شلتها ، تاني بقول اشيل شنو ولا اخلي شنو ، الحاجة دي كانت دايماً بتخليني اتذكر الآخرة وكنت بربطها بانو دي دنيا فانية وانو الإنسان حرفيا حرفيا حيطلع ويخلي كل حاجة وراهو ودا الحصل معانا حاليا ، وانه عملك الصالح بس هو البمشي معاك ..
وانو الصدقة و هي عبارة عن مال ادخرتو لكن لآخرتك.

من النعم برضو اللي قال عليها الرسول صلى الله عليه وسلم: نعمتان مغبون فيهما الناس الصحة والفراغ ، كونك تصحى وانت معافى بدنيا حقيقي إنت بتملك الدنيا وما فيها، انك تتنفس عادي بدون أجهزة ، غيرك بصحى راقد
في المستشفى محاط بكمية اجهزة فدي برضو نعمة وم خاتنها في الحسبان

وآخر شي كمية الوفيات البتحصل وكمية الناس البتفقد ارواحها في الحرب دي وتكون انت لسة عايش فدي أكبر نعمة و هي نعمة الحياة .
#Dania_kamil

BY ضوء آلَعَ ـتمـة 💚🌸