tgoop.com/dinigilem/935
Create:
Last Update:
Last Update:
✍ Дуҫлыҡ монументы
Бына!
Салауаттың ҡолаҡтарын
Һәм танауын ҡырҡҡан ер – бына.
Таштан юнып "Дуҫлыҡ монументы"
Төҙөгәндәр уның урынына.
Ил сигендә торған межа кеүек,
Күккә ашҡан был таш манара
Талап ҡуймаҡ, минең азатлыҡтың
Сиге бында, тиеп ҡарарға.
Арҡаларын ҡуйып бер-беренә,
Дүңгәләктәр тотоп ҡулына,
Ике әбей әрепләшә шып-шым:
– Ике дуҫтың береһе ҡол була.
– Ике дуҫтың береһе ҡол була.
...Тағы июнь. Парлы сәскә тотоп,
Киләм бына һинең ҡаршыңа.
Монумент. Мин ҡарайым бит һиңә,
Ҡарағандай ҡәбер ташына.
Ғәрләнһәм дә, ерәнһәм дә (ахыры,
Күңел күнгән, күҙҙәр өйрәнгән),
Киләм: бында минең азатлығым,
Халҡым азатлығы ерләнгән.
📝 Рәйес Түләк
#шиғыр
© www.tgoop.com/dinigilem
BY Дини ғилем
Share with your friend now:
tgoop.com/dinigilem/935