أُونَتِّي 💜🌙

بيحكي صاحب القصة وقال
سنة 2010 كنت شغال في بورتسودان وكنت قاعد مع خالاتي لانو ناس بيتنا كانو في الشمالية وحبيت بت خالتي شديييد وهي برضو حبتني وارتبطنا وسنة 2013 انا جهزت نفسي مع العلم اني كنت صغير لكن برضو حبيت اني اجيها بالبيرضي ربنا ومشيت اتقدمت ليها عديييل واهلها وافقو وعملنا الخطوبة وكانت ايام حلوة شديد وحبنا كل يوم كان بزيد ومشواير وهدايا وطلعات وكان كل يوم انا اجي من الشغل مسافة اخش استحمى هي بتعمل لي القهوة بقعد مع خالتي بنشرب القهوة وامورنا كانت طيبة شديد شديد لمن اجازتي جات كنت راجع لي اهلي ( مع العلم انو نحن اصلا من الشمالية) ورجعنا كلنا سوا حتى خطيبتي قعدنا في بيتنا كلنا وفي راس السنة بتاع 2013 اخوي الكبير حدد عرسو ونحن كنا في البلد وانا كنت جاهز وباني بيتي حتى العفش مشتري وكان البيت في البلد وكان شالتني الهاشمية وقلت حاعرس مع اخوي طوالي وكلمت ناس البيت وفرحو شديد وكلمت خالتي ام خطيبتي وبرضو فرحت شديييد وكنت ماشي اكلم خطيبتي وانا كلي حماس لكن للأسف كان ردة فعلها مختلفة وكشرت وشها وقالت لي انا ما بسكن في البلد وانا ما عندي زول هناك ( مع العلم انو امي دي خالتها اخت امها) حسيت بي عدم احترام من ناحيتها لي امي وزعلت لكن قلت معليش اراضيها واسايسها في الكلام عدت الايام وهي بقت ما بتتكلم معاي حتى بعد رجعنا بورتسودان حتى القهوة بقت ما بتعملها لي ومشاويرنا وكل شي ماف وانا حاولت معاها اكتر من مرة بتقول لي خليني افكر اديتها زمن طويل وبرضو ابت تديني قرار في مرة مشيت ليها قدام امها وابوها وقعدتهم سوا قلت ليهم والله اخوي دا واقف علي وعايز يعرس وقلت لي خطيبتي هسسي اديني قرار قالت لي ما بقدر اسكن في البلد امها جاطت فيها وابوها جاط لكن هي كانت مصرة انا هنا زعلت شديد وقلعت الدبلة وقلت ليها بعد د بي راحتك خلاص وزعلت بالجد لاني حبيتها شديد وم كنت داير القصة تنتهي كدا بعدها بي فترة خالاتي اقنعوها وجاتني وانا رفضت انو نرجع وهسي هي عندها بت حلاتها وانا ما اتزوجت للان ورافض الفكرة اصلا مع انو بيتي جاهز وعفشي جاهز وحالي ميسور لكن بقيت ما قادر
وشكرا

www.tgoop.com/dnaglamahasko/10182

2.0K viewsأُونَتِي💙, Sep 12, 2023 at 20:52

بيحكي صاحب القصة وقال
سنة 2010 كنت شغال في بورتسودان وكنت قاعد مع خالاتي لانو ناس بيتنا كانو في الشمالية وحبيت بت خالتي شديييد وهي برضو حبتني وارتبطنا وسنة 2013 انا جهزت نفسي مع العلم اني كنت صغير لكن برضو حبيت اني اجيها بالبيرضي ربنا ومشيت اتقدمت ليها عديييل واهلها وافقو وعملنا الخطوبة وكانت ايام حلوة شديد وحبنا كل يوم كان بزيد ومشواير وهدايا وطلعات وكان كل يوم انا اجي من الشغل مسافة اخش استحمى هي بتعمل لي القهوة بقعد مع خالتي بنشرب القهوة وامورنا كانت طيبة شديد شديد لمن اجازتي جات كنت راجع لي اهلي ( مع العلم انو نحن اصلا من الشمالية) ورجعنا كلنا سوا حتى خطيبتي قعدنا في بيتنا كلنا وفي راس السنة بتاع 2013 اخوي الكبير حدد عرسو ونحن كنا في البلد وانا كنت جاهز وباني بيتي حتى العفش مشتري وكان البيت في البلد وكان شالتني الهاشمية وقلت حاعرس مع اخوي طوالي وكلمت ناس البيت وفرحو شديد وكلمت خالتي ام خطيبتي وبرضو فرحت شديييد وكنت ماشي اكلم خطيبتي وانا كلي حماس لكن للأسف كان ردة فعلها مختلفة وكشرت وشها وقالت لي انا ما بسكن في البلد وانا ما عندي زول هناك ( مع العلم انو امي دي خالتها اخت امها) حسيت بي عدم احترام من ناحيتها لي امي وزعلت لكن قلت معليش اراضيها واسايسها في الكلام عدت الايام وهي بقت ما بتتكلم معاي حتى بعد رجعنا بورتسودان حتى القهوة بقت ما بتعملها لي ومشاويرنا وكل شي ماف وانا حاولت معاها اكتر من مرة بتقول لي خليني افكر اديتها زمن طويل وبرضو ابت تديني قرار في مرة مشيت ليها قدام امها وابوها وقعدتهم سوا قلت ليهم والله اخوي دا واقف علي وعايز يعرس وقلت لي خطيبتي هسسي اديني قرار قالت لي ما بقدر اسكن في البلد امها جاطت فيها وابوها جاط لكن هي كانت مصرة انا هنا زعلت شديد وقلعت الدبلة وقلت ليها بعد د بي راحتك خلاص وزعلت بالجد لاني حبيتها شديد وم كنت داير القصة تنتهي كدا بعدها بي فترة خالاتي اقنعوها وجاتني وانا رفضت انو نرجع وهسي هي عندها بت حلاتها وانا ما اتزوجت للان ورافض الفكرة اصلا مع انو بيتي جاهز وعفشي جاهز وحالي ميسور لكن بقيت ما قادر
وشكرا

BY أُونَتِّي 💜🌙