tgoop.com/doseofoptimismforbacalorea/3815
Last Update:
#سلسلة_متميزين 😌💜
تجربتي...
جمعت 237.4
أول شي العلوم..💜
1- فهم الفقرة لأن إذا فهمت الفقرة ضمنت 50% منا ..
2-البصم حاول تبصم كل كلمة وخليك دقيق ﻷن عالكلمة بحاسبو ..أنا بترتيب ال50 ماكتبت (عبر المشابك)😅 رحلي 5 لهيك كانت علامتي 295
3-الحيلة:ترتبط الفقرة بكلمة معينة بحيث تتذكر الفقرة من هالكلمة ..واطمن رح تضل لآخر يوم تقول عم انسا العلوم هاد شي طبيعي.
الرياضيات :💜
حل تمارين قد مافيك وأسئلة دورات ونماذح وتدرب عالصعب والسهل والوسط لاتترك تمرين إلا وتحلو
ولاتفكر اذا ماعرفت تحل تمرين بتكون مو فهمان الرياضيات تقريبا كتير تمارين بيكون فيا فكرة جديدة
الفيزيا:💜
أهم شي ترجع تحل المسائل بأيدك وتكمل المسألة للأخير حتى العمليات الحسابية ماتتركا والنظري خصوصا الاستنتاجات تدرب عليها كتابي
الكيميا:💜
مادة سهلة أول السنة بتحس فيا صعوبة بس بعدين بتكرج فيا كمان ضروري تعيد الدرس أكتر من مرة بالاسبوع
القومية:💜
هي بدك تضل تعيدا ليوم القيامة😂 بس والله سهلة وال200 فيا مضمونة
الديانة:💜
الديانة بقلب السنة ضروري تأمن عالأيات والأحاديث وقبل يوم المادة بتكمل وفيك تخصصلا نص ساعة بالأسبوع أضمن
العربي:💜
العربي حفظ كل الأبيات مع أفكارن وحاول تدرب عالأبيات الخارجية والتعبير ووقت تكتب موضوع لاتشخط أبدا هون بتعطي للمصحح انطباع أنك واثق من كتابتك أصعب شي دروس القراءة بس عالتكرار بتضمنن ..
الانكليزي هي والفرنسي: 💜
حفاظ كلمات قد مافيك وجيب دفتر صغير للكلمات والقواعد سهلة وسلسة ولاتهمل الفرنسي عحساب الانكليزي ضمان اللغتين ..
💜-أكتر شي فادني دراسة يلي باخدو بنفس النهار وعدم التأجيل لو كان عندي مذاكرات أترك كلشي وأدرس يلي أخدتو
💜-لاتفكر البكلوريا حبس بالحياة ولازم انعزل عن العالم شوية تخطيط بتدرس وبتتسلا وبتحمل الموبايل 😅💜
💜-توكل على الله دائماً وبعد كل درس ردد :اللهم استودعك مادرست وماحفظت فرده إلي وقت الحاجة...🥺
وأية سؤال جاهزة💜☺️
#Ranim
#بناة_المستقبل_نحو_الحلم 😌
@doseofoptimismforbacalorea
BY بُناة المستقبل😌💪نحو الحلم🔝
Share with your friend now:
tgoop.com/doseofoptimismforbacalorea/3815