tgoop.com/doseofoptimismforbacalorea/5646
Last Update:
------
✨🌙نـصـائـح دراسـة لـشـهـر رمـضـان الـمـبـارك✨🌙
-----🏮-----🏮-----🏮-----
--🌙--لــنـــصـــيــحـــة الــثـــانـــ٢ــيـة:
-كــيــف أنــظــم وقــتــي برمــضــان؟🏮:
الدراسة برمضان مفيدة جداً وفرصة ما لازم نضيعها علينا، أولاً رمضان شهر كريم ومميز يتقبل به الدعاء🤲
ثانياً برمضان معظم الوقت رح يكون للدراسة بما انو ما في فطور أو غداء أو عشاء ورح تحسوا انو النهار طويل لأنكن جوعانين😵🤤
بس مهم كتير ننظم وقتنا في رمضان بعدة طرق رح أذكرها بهالمنشور لحتى نستغل كل ثانية ودقيقة وساعة في الدراسة✨
لتنظيم الوقت برمضان لازم نعمل هالشغلات:
١) تــحــديــد وقــت بــدء الدراســة (يفضل يكون صباحاً حيث تكون خلايا الدماغ نشطة واتطلعوا على منشور النصيحة الأولى حتى تتعرفوا على الأوقات الأنسب)
٢) تــحــديــد الــمــواد والــأقــســام (حددوا المواد والأقسام يلي مقصرين فيها لحتى تخلوها الأولوية لليوم)
وهلأ خلينا نبلش التنظيم!📍📏✏️
جيبوا ورقة وبلشوا فيها من ساعة الاستيقاظ واكتبوا فيها كل المواد يلي رح تدرسوها والأقسام مع الساعات، تجنبوا ذكر أي تفاصيل وأشياء فرعية، بس اذكروا من الساعة كذا لكذا..
هاد النظام الأول..
هلأ رح أعطيكن مثال!🔖
[من الساعة ٥ حتى ١٠ دراسة (مادة)
الساعة ١٠ حتى ٢ دوام
من الساعة ٢ حتى ٣ استراحة
من الساعة ٤ حتى ٧ دراسة (-)
من الساعة ٧ حتى ٨ استراحة
من الساعة ٨ حتى ١٠ دراسة (-)
الساعة ١٠ نوم]
في عنا نظام تاني، للناس يلي ما بتحب نظام الساعات بل الكميات✨
لهدول الناس، بس حطوا المواد يلي بدكن تدرسوها والأقسام وجنبها مربع صغير وبس تخلصوها حطوا إشارة صح✅ طريقة كتير حلوة ولطيفة وتحفيزية..💪
طيب طريقة خفيفة بسيطة معروفة لكتابة البرنامج وتنظيم الوقت..، طيب كيف أتبع البرنامج؟!🙂🤔
هات ورقة وقلم واكتب معي لأقلك..
1⃣ الــتــنــويــع
معظم الطلاب ما بيمشوا على برنامج لأنو ببساطة ما بحبوا الروتين..، لذلك ما الك حل غير انك تكتب كل يوم نظام متل السابق👆 بأوقات مختلفة ومواد مختلفة وأقسام مختلفة، هيك ما رح تمل أبداً ورح تتشوق تجرب كل يوم نظام جديد✨?
⃣ مــكــافــأة:
عمرك ما سألت نفسك ليش امك بتقلك "إذا درست بخليك؟" بعدين بتروح نط على الدراسة؟ لأنو صار في مكافأة ودافع، طيب ركز معي شوي ممكن لأنو النجاح حالياً شي غير ملموس فهو ممكن ما يكون بالدافع الكافي للشخص..إذاً بدنا شي ملموس💸
3⃣ الــمــؤقــت:
جرب البرنامج لأول مرة وأثناء الدراسة حاول تحط مؤقت على الموبايل للساعات المقرر انك تدرسها مثلاً ٣ ساعات (للقعدة الوحدة، وطبعاً بينهن استراحات ربع ساعة أو نص ساعة)..
يمكن تكون الكمية أهم من الساعات بس ممكن نستعمل الساعات كوسيلة تحفيز، كل ما ندرسها عدد ساعات معين ونشوف الرقم نتحفز نزيد عليه أكتر يوم ورا يوم..✌️✨🌼
4⃣ تــزويــد الــأهــل بــنــســخة (المستعصية)
سميت هالطريقة بالمستعصية لأنو أنا شخصياً ما بحب أدخل أهلي بدراستي لأسباب كتير..
أولها انو بحب أعمل كلشي من حالي ولحالي😅
بس إذا استعصى الالتزام ممكن تدخلوا مراقبة الأهل بالموضوع😄
-
ترقبوا النصائح القادمة!😃😄
-
#نصائح_دراسية📚📍
#Elma✨🌼
#بناة_المستقبل_نحو_الحلم⬆️
@doseofoptimismforbacalorea✨
BY بُناة المستقبل😌💪نحو الحلم🔝
Share with your friend now:
tgoop.com/doseofoptimismforbacalorea/5646