tgoop.com/doseofoptimismforbacalorea/731
Last Update:
شباب يسعد اوقاتكن 😍🌸
كيف الهمة؟؟ ساعات قليلة كتيرة وبيفصلنا عن شي اسمو بكالوريا😍 خالصين من شي اسمو نماذج و توقعات و ضغط وحكي الاهل والعالم وووو...😂
المهم شباب كونوا رايقين ولا تتوتروا ولا تخافوا بدنا نجيب التامة بالكيميا ان قالوا أي او لأ ح نجيبا ونسكرا بإذن الله💙💪
اول شي أكيد الكل خلص الكيميا وفي منكن ملوا منها من كتر ما عادوها وفي منكن مو زيادة👋
في منكن اكيد عم يقول منين ح بلش راجع؟؟
اول شي وعن تجربة: بلش بالوحدة الزرقا لأن هالوحدة بدا شغل شوي ويلي متمكن منا.. مراجعتا ما بتاخد معو 3 ساعات
الوحدة الزرقا هية عصب الكيميا يعني مسألتين جاية منها ع الأكيد بالاضافة للنظري يعني 😅💙👋
هك نحنا من كون تمكنا منا وضمنا فيها علامات كتيرة 🌸
تاني شي : منرجع من الاول ومنبلش بأول درس لنوصل ع الرابع ومنركز ع التعاليل واسئلة الدرس اكتر شي بالاضافة للمسائل 🌸 لأن من هالاربع دروس ح تجي مسألتين ع الاكيد كمان وركزولي ع مسائل التوازن الكيميائي 💙
وهك منكون كمان خلصنا من هالاربع دروس 🌸💙
وما بيبقالنا غير العضوية يلي أغلب الطلاب بيتهربوا منها مع أنو بحسا أسلس وحدة بالكتاب..
كنت حطلا مسمى لهالوحدة انو ((احفظ معادلات تنجح بمعدلات 🔥😅))
هالوحدة شباب بتحفظو اول شي الصيغ العامة للحموض وللأغوال وووو.. بعدين بتبلشو تسميات مفي أسهل منن اذا كنت متمكن وكمان هالسؤال ح ينوجد بورقة الامتحان بسؤال ال أجب عن سؤالين يعني اعرفوا تسموا و 15 علامة بتضمنوها بجيبتكن..
وبعد ما تخلصوا تسميات بترجعوا ع أول درس بالعضوية وبطالعوا منها كل المعادلات والتعاليل وبتتمرنوا عليهن لبين ما توصلوا للاخير ويمكن اذا جمعتوهن كلن ما بيطلعوا اكتر من 20 معادلة 💙🌸
وبالنسبة لمسائل العضوية انا حفظت بس مسائل الدرس واسئلة الوحدة ما فتحتن لأن حسيتن غليظين شوي 😅💔
ونشالله ما ح تكون متواجدة بورقة الامتحان كمان هالدورة ..
وبعد ما تخلصوا رجعوا حلوا أسئلة دورات لو كنتو حالينن وقعدوا بين اهاليكن وكتبوا مشان اذا صار ضجة وما شابه ذلك تتعودوا عليه ❤️
انا بهالطريقة جبت 200/200 ونشالله بتستفادوا كلياتكن😍🌸
والله يقدرنا ع فعل الخير💙
موفقين يااارب❤️
#Mohmmad
#بُناة_المستقبل_نحو_الحلم
https://www.tgoop.com/joinchat-AAAAAFHqQDzwFleC3fqAdg
BY بُناة المستقبل😌💪نحو الحلم🔝
Share with your friend now:
tgoop.com/doseofoptimismforbacalorea/731