tgoop.com/doseofoptimismforbacalorea/818
Last Update:
القسم الثاني عشر من الكليات 💚
{{الهندسة المعلوماتية}}💻
قبل كلشي وقبل المقدمات والتعريف
صديقي هل انتابك الفضول حول تكوين علم الحواسيب وتطبيقاته؟؟ أو هل رغبت أن تنشئ تطبيقا خاصا بك؟؟ هل أنت مهتم بعالم مليء بالأرقام والحسابات؟؟
إذا كانت إجابتك #نعم 😍 فأهلا بك إلى عالم #الهندسة_المعلوماتية😍❤️
🔵 الاختصاصات الموجودة بالكلية:
1_قسم هندسة البرمجيات ونظم المعلومات.
2_قسم نظم التشغيل والشبكات
3_قسم الذكاء الصنعي
هدون هنن الاختصاصات الموجودة طبعا لكل قسم في شغلات مميزة ورائعة ❤️😍
بس حابب نوه ع شغلة انو هالاختصاصات بتختلف من جامعة لأخرى.
يعني اختصاصي البرمجيات والشبكات موجودين ب(دمشق و حلب و حمص و اللادقية) بينما اختصاص الذكاء الصنعي موجود ب دمشق وحلب فقط❤️👍
🔴هلق شو الاختلاف بين هالاختصاصات وبختار الجامعة حسب الاختصاص مثلا؟!
-مفي جملة بيلخص هاد الشي كل اختصاص لحالو وكل اختصاص منو مهم وهوي منحى علمي كامل بيحوي مناحي ضخمة ما بتنوصف☑️
كلية الهندسة المعلوماتية بتتميز ب نخبة طلاب مستواهم العلمي رفيع جدا،وتقريبا هالكلية بتنال سنويا بنخبة طلاب الثانوية العامة المتألقين بدراستهم والمتعطشين لتحصيلهم العلمي🔥
♦️منهاج كلية الهندسة المعلوماتية:
لو بقعد بحكي واكتبن ما بخلصن لأن كتيرة😅❤️ بس جد حلويين كتيير😍
والشغلة يلي بتتميز فيها هالكلية أنو مفي شخص #ناجح بهالمجال إلا وصار غني😳❤️
ليش ليصير غني؟؟!
لأنو الرواتب خيالية؛ فيو يعمل مشاريعو الخاصة لوحدو.. وآلاف الشركات بتطلبو👍
لأن مفي أي شركة عالمية او محلية بتقدر تأقلع من دون مهندس معلوماتية 🌹
⚫️ سلبيات هالمجال:
1-دراستك الجامعية 1% من المجال بدك تقضيها يوتيوب وكتب وسهر ومشاريع و دورات
2- عيونك رح تتعب وضهرك رح يوجعك ورح تسهر كتيييير.
بس تذكر أنو بس تعشق هالمجال مارح تحس بهالسلبيات❤️
⚪️ الحياة بعد التخرج والدراسات العليا:
لا شك الحياة بعد التخرج هية أكتر شغلة بتخوف طلاب الجامعات وخصوصا بالسنوات الأخيرة..
بس خوف الطلاب من عدم إيجاد وظيفة بعد التخرج هوة أقل بكتير من باقي الكليات وبشكل خاص يعني😅
في كتير من طلاب الهندسة المعلوماتية بتشوفن بيشتغلو قبل التخرج وبرواتب مقبولة👍❤️
وحسب التصنيف أنو بالولايات المتحدة الأمريكية مهنة مطور البرمجات أفضل مهنة في العالم ومحلل أنظمة الكومبيوترات بالمركز التاني وكتير مهن بتخص هالكلية فايتة بالتصنيف❤️😍
لهك الحياة ما بتتعلق بالأمور بعد التخرج وبس..
وتأمين قبول الدراسات العليا بالجامعات المحلية والدولية هوة أمر مانو بالصعوبة لخريجي اختصاص المعلوماتية❤️
أصدقائي صدقوني المجال بينعشق والله😍
وملاحظة صغيرة:
بكرا بالجامعة ما بعلموك كيف تهكر الفيسبوك أو تخترق بروفايل حدا مفي هك شي😅 عم حطكن بالأمر الواقع يعني😅❤️
#كلية_الهندسة_المعلوماتية💚
#mohmmad
#Ward_sham 💛
#بُناة_المستقبل_نحو_الحلم ✨😌
https://www.tgoop.com/joinchat-AAAAAFHqQDzwFleC3fqAdg
BY بُناة المستقبل😌💪نحو الحلم🔝
Share with your friend now:
tgoop.com/doseofoptimismforbacalorea/818