「寧願全世界知我係手足，都唔願意俾人話係鬼。」

平安夜前夕，18歲大埔槍擊案手足上庭前，交低咗依句心聲俾香港人。

大埔手足，我能力有限，只能夠代為轉達，還你一個清白身分作為聖誕禮物。

係，即使公開身分有風險，手足依然想香港人還佢清白。

14年，戴口罩係鬼。
19年7月，衝立法會係鬼。
19年8月，有同隊記號係鬼。
19年9月，用火魔法係鬼。
19年10月，裝修係鬼。
19年12月，有槍魔法係鬼。

歷史一再重演。
假如香港人對「核爆都唔割」依句說話有真正覺悟，手足就無需要為咗一償卑微心願，冒險傳達口訊。

過去半年，我地將 ”Be water” 掛在口邊，隨咗用作臨陣散水口號，思維上都要be water，海納百川。每當有先驅者嘗試以新方式破局，唔好再第一反應話係鬼，變相割！

貫徹執行「核爆都唔割」原則 —— 就係一份對你自己、對所有手足、對各戰線、對大局嘅最佳聖誕禮物。

唔好再令任何手足冒險講「寧願全世界知我係手足，都唔願意俾人話係鬼。」，好嗎？

願平安終歸香港，聖誕快樂。


攬炒 字
2019年12月25日

作畫: Siuyi