tgoop.com/dtyruFteRqejkvuccdsqiopkm/7903
Last Update:
قصيده طلب حاجه لاام البنين عليها السلام ✍️
كشفي عني الظيم ياأم الگمر
حيل مابية ولوه اذراعي الدهر
〰️〰️〰️〰️〰️
نخيت ياأم البنين ابدمعتي
تزيد بالايام اكثر شدتي
يمج انه اليوم احطن دعوتي
حيث زادت بيه امواج الخطر
مريم العبوديه اسيرة الاحزان 💔
〰️〰️〰️〰️〰️〰️
أنخاج يم عباس والمدمع يصب
من الالم مولاتي مهموم الكلب
جيت احلفج بلي ضل فوك الترب
زيلي همي وخلي كلبي مبتشر
✍️ ام حسين العامري
〰️〰️〰️〰️〰️
جيت مهضومه ادك باب الكرم
توسل ام عباس وبراعي العلم
هواي مهضوم ودمع عيني نرسم
اقضي الحاجه بحق دم النحر
ام ايه العامري
〰️〰️〰️〰️〰️〰️
طايح بشده وكثر مني الونين
اليوم ناخيتج صحت يم البنين
حاشه يامولاتي عنه تقصرين
يزيل كل اهموم اسمج من يمر
✍️ العلويه ام علي
〰️〰️〰️〰️〰️
اهموم كلبي اهواي ياأم البنين
اثكال حيل اثكال صار الهن سنين
ابفاطمه اقسم عليج او بالحسين
امراد انطي كلمن المجلس حضر
العلويه ام ناصر الياسري
〰️〰️〰️〰️〰️
كشفي عني الضيم ناخيتج اجيت
بالمجالس ابجي لمصابج حجيت
نضره يم عباس لهمومي وبجيت
والنخاج بظيج اكليبه ابتشر
✍️ ام علي السماوي
〰️〰️〰️〰️〰️
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام
https://www.tgoop.com/wertyuippvvvfm
BY . قناة 2-*الشاعره مريم العبوديه اسيرة الاحزان. للقصائد المشتركه 💔🍃
Share with your friend now:
tgoop.com/dtyruFteRqejkvuccdsqiopkm/7903