tgoop.com/edu_masteruz/302
Last Update:
Йўқ демасдан моҳирона рад этиш санъати
📌 Баъзида иш жараёнида қўшимча ишлаш, кутилмаган сафарга чиқиш ёки дам олиш кунлари ҳам офисга келишни талаб қилиб қолишади. Бундай ҳолатларда талабни бажариш шахсий режаларингизни бузишга мажбур қилса, йўқ дейиш иш жойингизни йўқотишга ҳам сабаб бўлиши мумкин.
❓ Хўш, бундай вазиятлардан қандай қилиб зарарсиз чиқиб кетса бўлади?
1️⃣ "Ҳа, лекин..." структурасидан фойдаланинг. Айтайлик, бошлиқ сизга ҳисоботни бугун тайёрлашингиз кераклигини айтиб қолди. Сиз бу талабни бажаришингиз мумкин, аммо ўз шартларингиз асосида. Масалан, "Ҳа, бажарамиз. Лекин, бугунга бошқа шошилинч ишлар ҳам бор эди. Шу сабабли, ҳисобот бироз кечикиши мумкин".
2️⃣ Қисман рози бўлиш. Масалан, сиздан муҳим бир лойиҳада ёрдам беришни сўрашга, шундай деб жавоб беринг: "Бундай лойиҳага раҳбарлик қила оладиган мендан ҳам яхши номзодлар бор. Истасангиз, мен лойиҳа учун маълумотлар йиғишга ёрдам беришим мумкин".
3️⃣ Масъулиятни олган ҳолда, бошқа ходимни таклиф қилиш. Масалан: "Мен ҳозир асосий лойиҳа билан бандман. Бу ишни Азиз Баҳромовга топширсак бўлади, зарурий материалларни кўздан кечиришда эса, ўзим ёрдам бериб тураман. Шунда ҳеч қандай муаммо бўлмайди".
4️⃣ Йўқ сўзининг муқобилларидан фойдаланиш. Шунчаки, "йўқ" дейиш келгуси фаолиятингизга салбий таъсир қилади. Агар бирор талабни рад этишни истасангиз, гапни чўзмасдан. Аниқ ва қисқа сабаблар билан, хотиржам оҳангда вазиятни тушунтиринг.
📊 Нима бўлганда ҳам, бирор таклифга рад жавобини беришдан аввал бироз тўхтанг ва ўйлаб кўринг. Балки бу таклиф сиз учун ҳам манфаатли бўлар.
✅ Иш фаолиятингизда фойдали бўладиган маълумотларни олиш учун бизни кузатишда давом этинг!
Telegram | Instagram
BY EDU MASTER
Share with your friend now:
tgoop.com/edu_masteruz/302