tgoop.com/elafe/4567
Last Update:
🔹 عندما تكون جعان جدا جدا جدا هتوصل لمرحلة انك تاكل اى شئ و لا هتركز بتحبه ولا لا وطريقة تقديمه مناسبة ولا لا وممكن لا تركز في نضافته..
و مثله عندما تكون عطشان جدااا وقاعد ايام من غير مياه ممكن توصل لمرحلة انك تشرب مياه بوحل من الارض لتنقذ نفسك..
الحاجة الشديدة بتجعلنا نتنازل عن ابسط حقوقنا ..
الحاجة الشديدة هى اللى بتولد التعلق وتجعلك تقبل بأى شئ ..
هي اللى هتجعلك تتعامل مع المتعلق فيه على اساس انه منقذك وانه مياه الحياة بالنسبة لك..
▪️مثال : البنت اللي اهلها واصحابها والمجتمع بيمثلوا ضغط عليها علشان لم تتزوج للان وبيحسسوها انه عيب فيها وذنب تتكسف منه وبتوصل انها تتعلق بهدف الجواز لاجل الجواز وفقط لتتخلص من هذه الوصمة.. واحتياجها الشديد يجعلها تقبل بأي شئ وأي شخص بغض النظر مناسب ولا لا.. بتحبه ولا لا تتقبله..
والنتيجة انها هي لوحدها اللى بتعيش حياة لا ترضيها بقية عمرها..ولازم تدفع تمن اختيارها لوحدها وكل اللى ضغطوا عليها كلاً في حياته عايش ولا حاسس بيها..
🔖الخلاصة : اى قرار نتيجة احتياج شديد اعرف انك بسببه هتتنازل عن كتيير ..
و لوحدك اللي هتتحمل تبعاته وكل واحد هيمشي فى طريقه ولا هيحس بيك..
🔹حافظ على نفسك بقدر المستطاع من الاحتياج الشديد ..
لا يوجد فى الحياة اي شئ يستاهل انك ترمي نفسك فى التهلكة عشانه
🔹التعلق نتيجة الاحتياج وليس بحب حقيقي ولا يعبر عنك في الاساس دا عرض مثل الجوع والعطش بيذهب بمجرد ما تسد الاحتياج وليس شئ حقيقي تعيش العمر معاه..
🔹أخيراً .. العمر بيجرى اسرع من الهوا وهى حياة واحدة بلاش تضيعها فى عذاب التعلق ولا احتياج تخسر فيه كل شئ..
.
-عبير رشدى
BY ♡(كنوز نسائية 2)♡
Share with your friend now:
tgoop.com/elafe/4567