tgoop.com/elkhafaji110/2524
Last Update:
آ يمهــدي القــدس منتظـرة نــــورك
آ يمهــدي كلنــا نحتـاج لحضــورك
آ يمهــدي يمتـى تنقذنــا بظهــورك
آ يمهــــــــدي
┈┉┅━•❀ـ❀•❀•❀ـ❀•━┅┉┈
يا سليل العترة شوف اشصـار بينه
بالعجل إحضر تــرا اعيـالك حزينــة
القاتِلَـوا جــدك علي رجعــوا علينــه
ثــار خيبــر رادوا ايطلعــونــه بينــه
ماتشاهد؟.. الدمــاء ابكــل نــويّــة
ماتشاهد؟.. كـــم طفل جثــة رميــة
ماتشاهد؟.. كم يتيمة وكـم ضحيــة
آ يمهــــــــدي
┈┉┅━•❀ـ❀•❀•❀ـ❀•━┅┉┈
ننتـظر طلّة بــــدر وجهــك يِلالـــي
كلمــــة اللهُ أحــد ترفعهـــا عالـــي
لا ظلــم يبقــى ولا واحــد يبالــــي
ماكو خوف امن العده وسط الليالي
بالليالي... نســوه واطفـال اتّروّع
بالليالي... ابيوت فوك الناس توكع
بالليالي... تـحت الانقــاض اتّكطّـع
آ يمهــــــــدي
┈┉┅━•❀ـ❀•❀•❀ـ❀•━┅┉┈
مــن أثـر كـل هالظلم مـا تم مثيله
دّمــروا يــا بــن علي مليــون عيــله
جيب ياغالي لــوا حامـي العقيــلة
واظهــر وانقــذ هــالارواح الجليـلة
خلي عينك.. يابـو صالح عالمقاوم
خلي عينك.. البالشرف لا مايســاوم
خلي عينك.. راعي حق ومايلاوَم
آ يمهــــــــدي
┈┉┅━•❀ـ❀•❀•❀ـ❀•━┅┉┈
بينه يالمهدي جـروح اشكد قويــة
من عهد كسر الضلع لأمنا الزجية
وطبــرة المظلوم والجبدة الفريـة
وشنهو نحجي عن جروح الغاضرية
والله حانت.. ساعة الثار ونشوفـك
والله حانت.. ابيـا علي كلنا نحوفك
والله حانت.. قَسَم منــا ما نعوفك
آ يمهــــــــدي
┈┉┅━•❀ـ❀•❀•❀ـ❀•━┅┉┈
وهسه تعرف سيدي صرنـا يتامــه
مـن رحل عنّـا الولـي راعي الشهامة
لا شك اشتـاگ ال نبيّـه ولإمامــه
ايسلّم ويرجع معك ويسل حسامــه
هم نشوفه.. يرجــع بذيــچ المهابــة
هم نشوفه.. قائـد ابجيش النجابـه
هم نشوفه.. و نستمع نبرة خطابه
آ يمهــــــــدي
┈┉┅━•❀ـ❀•❀•❀ـ❀•━┅┉┈
✍ الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
https://www.tgoop.com/elkhafaji110
BY الشاعرة زينب الخفاجي
Share with your friend now:
tgoop.com/elkhafaji110/2524