tgoop.com/elquran563/1530
Last Update:
رمضان باقي عليه 7 أيام ركز فى أهم ٩ حاجات ممكن تاخد بالك منهم :
.
١- ماتتكلمش كثير وإنت صائم، ماتهزرش كثير، ماتعليش صوتك..
ليه..؟
حديث النبى.. فإن كان صوم أحدكم فلا يرفث ولا يصخب..
.
٢- لو حد ضايقك فى أى حاجة...ماتردش عليه..
قل : إني صائم
.
٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!
.
٥- للصائم دعوة لا ترد..فجهز ماتريد من الدعوات.
.
٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ...الخ
.
٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره..
.
٨ - كل يوم ربنا ليه عتقاء من النار،اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، والله عتقاء من النار وذلك فى كل ليلة.
.
٩ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.
.
كل عام وأنتم بخير ، ربنا يتقبل منا ومنكم صالح الأعمال..
- نُقل.
BY رحلة تغير من البداية
Share with your friend now:
tgoop.com/elquran563/1530