#ሰንበተ_ክርስትያን

በኩር ናት የበዓላት
ኑ ከፍ ከፍ እናድርጋት
በእሷ ደስ ይበለን
በሰንበተ ክርስቲያን

በዝማሬ እንበርታ በገናውን እንያዝና
መልካም ስራ የሚሰራባት
ሰንበት ቅድስት ናት እና
ከጨለማ ብርሀን ከመገዛት ነፃነት
እግዚአብሔር ይህን ሰጠን
ደስ ይበለን በሰንበት
#አዝ
ለአብርሃም ተገልጣለች
ለሙሴም በደብረ ሲና
በነቢያት የታወቀች
ሰንበት ዳራዊት ናት እና
በሳምንቱ ሰለጠነች
ተሰበከች በሐዋርያት
ሃሌ ሉያ ዕለተ ሰንበት
ተሰጠችን ልናርፍባት
#አዝ
በእልልታ እንሞላ እንደ ነቢዩ አሳፍር
በከበረች የሰንበት ቀን ኑ ለቅኔ እንሰለፍ
በመቅደሱ ናቸው እና ቅዱስነትና ግርማ
ውዳሴያችን ይሰማልን
ከምድር እስከ እዮር እራማ
#አዝ
እግዚአብሔር አብ የባረካት
እግዚአብሔር ወልድ የቀደሳት
ከእለታት ሁሉ መርጦ
መንፈስ ቅዱስ ከፍ ያደረጋት
በእርሷ ሀሴት እናድርግ
እናክብራት እንድንከብር
የደጀሰላሙ ታዛ በመቅደሱ እንሰብሰብ

ለኦርቶዶክስ ተዋሕዶ ልጆች👇
•➢ ሼር // SHARE

💚 •✥• @Z_TEWODROS •✥•💚
💛 •✥• @Z_TEWODROS •✥•💛
💖 •✥• @Z_TEWODROS •✥• 💖

#ደም_ግባት_አልባ

ጌታዬ ሆነ ደም ግባት አልባ
ጀርባው በጅራፍ ስለኔ ደማ
የኔን መገርፍ እርሱ ተገርፎ
ክብር አለበሰኝ እርሱ ተገፎ ( ፪ )

በሀሰት ሸንጎ ወጥመድ ተጠምዶ
ጌታ ተያዘ ህይወቴን ፈቅዶ
ክፉዎች ቢያዩት እንደ ወንበዴ
ለኔ ግን ሆኗል መዉጫ መንገዴ(፪)
#ታስረኃል_ስለኔ_ኢየሱስ_መድኅኔ(፪)

(አገቱኒ ከለባተ ብዙኀ ወአኀዙኒ ማህበሮሙ ለእኩያን
አገቱኒ ከለባተ ብዙኀ)
#አዝ
ሲዘብቱበት ምራቅ ሲተፉ
የማይደፈር ደፍረው ሲዘልፉ
በከበቡት ፊት ቃል ከለከለ
እኔ እንድናገር እርሱ ዝም አለ(፪)
#ታርደኃል_ስለኔ_ኢየሱስ_መድኅኔ(፪)
(ቀነዉኒ እደውየ ወእገርየ)
#አዝ
ህይወት መንጭቷል ተወግቶ ጎኑ
ለከሳሾቹ ተርፏል ማዳኑ
እጅ እግሩን ምስማር ሲቸነክረዉ
የሞትን እሾህ ከኔ ነቀለው(፪)
#ተወጋ_ስለኔ_ኢየሱስ_መድኅኔ(፪)

(ወወደዩ ሃሞተ ውስተ መብልየ ወአሰተዩኒ ምሂአ ለፅምእየ
ወወደዩ ሃሞተ ውስተ መብልየ)
#አዝ
እርቃኑን ሆኖ ፈተለው ልብሴን
አንዲሁ ወዶኝ ጠጣ ሆምጣጤን
በምህረቱ ጠል ነብሴን አርክቶ
አለመለመኝ አርሱ ተጠምቶ (፪)
#ተጠማ_ስለኔ_ኢየሱስ_መድኅኔ(፪)

ሊቀመዘምራን ቴዎድሮስ ዮሴፍ
ለኦርቶዶክስ ተዋሕዶ ልጆች👇
•➢ ሼር // SHARE
✧┈┈•◦●◈◎❖◎◈●◦•┈┈✧
•✥•🍁 @Z_TEWODROS 🍁•✥•
@Z_TEWODROS
•✥•🍁 @Z_TEWODROS 🍁•✥•
✧━━━━━━━━━━━━━━━━━✧

#እግዚአብሔር_መልካም_ነው

እግዚአብሔር መልካም ነው
በመከራ ቀንም መሸሽጊያ ነው (2)

ከገነት ሲሰደድ አዳም አባታችን
ሞት ነግሦብን ሳለ በእኛ በሁላችን
ቃል እንደገባለት ተወልዶ ሊያድነው
በመከራ ጊዜ መሸሸጊያ ሆነው (2)
#አዝ
አብርሃም ከካራን ከእናት ከአባቱ ቤት
ከነዓን ሲገባ ሲሰደድ በእምነት
ከተሰጠው ተስፋ አንዳች ሳይጎድልበት
እንደ ምድር አሸዋ ዘሩን አበዛለት (2)
#አዝ
በሃዘን በችግር በመከራ ጊዜ
ጭንቅን የሚያርቅ ነው የነፍስን ትካዜ
የቀድመው እባብ ሰላሜን ሲነሳኝ
እግዚአብሔር መልካም ነው ሃዘኔን አስረሳኝ
የቀደመው እባብ ሰላሜን ሲነሳኝ
ከርስቶስ ኢየሱስ ሀዘኔን አስረሳኝ

ሊቀመዘምራን
ቴዎድሮስ ዮሴፍ

ለኦርቶዶክስ ተዋሕዶ ልጆች👇
•➢ ሼር // SHARE
✧┈┈•◦●◈◎❖◎◈●◦•┈┈✧
•✥•🍁 @Z_TEWODROS 🍁•✥•
@Z_TEWODROS
•✥• 🍁 @Z_TEWODROS 🍁•✥•
✧━━━━━━━━━━━━━━━━━✧