tgoop.com/esh7n_kalbk/1229
Last Update:
#اسم_الله_المتكبر
التكبر في البشر صفة ذميمة جدًا؛ لأن اللي بيقول الكلام ده عبد، وبيقولوا لعبد زيه، وهما الاتنين ٱخرهم جيفة قذرة؛ لكن ربنا العظيم بيقول للعبد إوعى تنسى نفسك😊
وكما في حديث عبد الله بن مسعود -رضي الله عنه- عن النبي ﷺ قال: (لا يدخل الجنة من كان في قلبه مثقال ذرة من كبر. فقال رجل: إن الرجل يحب أن يكون ثوبه حسنًا ونعله حسنة. قال: إن الله جميل يحب الجمال، الكبر بَطَر الحق وغمْط الناس). [رواه مسلم]
☀️ما معنى اسم الله المتكبر؟
اسم المتكبر بيظهر عندما يتكبر العبد فيحتاج معاملة من الله يذكره المتكبر بها من هو المخلوق ومن الخالق.
❄️ ربنا سمى نفسه المتكبر عشان يفوقك، عشان يقول أنت مين وهو مين.
الإنسان كان تراب، وبعد كده بقى طين، وبعد كده بقى صلصال، وبعد كده بني ٱدم، وبعد كده تحلل ورجع تراب تاني إلا إذا مات شهيد.
هنتكلم عن أربع عناصر في اسم الله المتكبر:
✨العنصر الأول: {فَأَنسَاهُمۡ أَنفُسَهُمۡ}
✨العنصر التاني: {وَمَا قَدَرُوا۟ ٱللَّهَ حَقَّ قَدۡرِهِ}
✨العنصر الثالث: {وَرَبَّكَ فَكَبِّرۡ}
✨العنصر الرابع: {ٱلۡجَبَّارُ ٱلۡمُتَكَبِّرُ}
💫{فَأَنسَاهُمۡ أَنفُسَهُمۡۚ}
ربنا بيكلمنا عن ناس نسوا مين هو ربنا، نسوا صفات ربنا، نسوا عظمة وجلال ربنا، فربنا عاقبهم بأسوء عقاب أنساهم أنفسهم🥺
أكبر مصيبة أنه الإنسان ينسى مين الغني ومين الفقير، مين القوي ومين الضعيف.
المصيبة اللي تحدثت عنها الٱية قال تعالى: {وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ ۚ أُولَٰئِكَ هُمُ الْفَاسِقُونَ}
إوعى تعرض نفسك لعقوبة {فَأَنسَاهُمۡ أَنفُسَهُمۡ}
إوعى تنسى أنت إيه!
إوعى تنسى فقرك!
إوعى تنسى عجزك وضعفك!
🌙 الإنسان غلبان، لو الإنسان بلا سمع أو بلا بصر هيعمل إيه؟
🌙 الإنسان فقير لكل حاجة وفي كل حاجة.
💫 {وَمَا قَدَرُوا۟ ٱللَّهَ حَقَّ قَدۡرِهِ}
أنت عارف أنت مين في الأول؟
أنت عارف من هو ربنا؟
من هو مالك الملك؟
قال تعالى: {وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَن يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ}.
الرعد بيسبح الله -عز وجل- والملائكة تسبح من خيفة الله..
أومال الإنسان اللي مستنيه القبر والعرض والميزان وأعماله وأرض الحشر؟!
{وَيُرْسِلُ الصَّوَاعِقَ}
الصواعق دي جنود ربنا بيبعتها
{وَهُمْ يُجَادِلُونَ فِي اللَّهِ}
بعد كل العظمة دي ولسه بيجادلوا! الملحدون بيجادلوا في الله بس هيعملوا إيه مع مين؟ {وَهُوَ شَدِيدُ الْمِحَالِ}
{قُلۡ أَئِنَّكُمۡ لَتَكۡفُرُونَ}
فعلًا ده موجود؟ إنسان بعد كل الٱيات دي وكافر!
🌸 {وَتَرَىٰ كُلَّ أُمَّةࣲ جَاثِیَةࣰۚ كُلُّ أُمَّةࣲ تُدۡعَىٰۤ إِلَىٰ كِتَـٰبِهَا}
يا أهل القرآن سوف تجزون ما كنتم تعملون.
دلوقتي هيتصحح كل أعمالك على القرآن.
كل اللي اتكسر عشان ربنا، ربنا هيبعت ليك حاجة عشان تكسرك.
💫 {وَرَبَّكَ فَكَبِّرۡ}
اللي اتكبروا على ربنا أخذوا إيه؟
اللي بيتكبر على ربنا بيعمل فيه إيه؟
💫 {ٱلۡجَبَّارُ ٱلۡمُتَكَبِّرُ}
المرة الوحيدة اللي جه اسم المتكبر في القرآن في سورة الحشر
قال تعالى: {هُوَ اللَّهُ الَّذِى لَآ إِلٰهَ إِلَّا هُوَ الْمَلِكُ الْقُدُّوسُ السَّلٰمُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ ۚ سُبْحٰنَ اللَّهِ عَمَّا يُشْرِكُونَ}
من العجائب إن ربنا جاب اسم الجبار جنب اسم المتكبر وهما عكس بعض.
🌈 يعني الجبار جابر الكسر اللي لما تتكسر هو يجبرك.
🌈 والمتكبر هو اللي بيكسرك مهما كان.
جعل الله اسم المتكبر آخر اسم في الٱية كأن آخر دواء للكسر لو الإنسان ما خافش من الملك معدش عليه غير المتكبر.
💥 إوعى تعرّض نفسك لاسم الله المتكبر!
💥 ربنا ياما بيرسل الرسايل عشان نفوق!
رابط قناة درس الشحن الإيماني 👇👇
https://www.tgoop.com/esh7n_kalbk
#اسم_الله_المتكبر
#درس_الشحن_الإيماني
#سلسلة_أسماء_الله_الحسنى
#الشيخ_حازم_شومان
BY درس الشحن الإيماني❤
Share with your friend now:
tgoop.com/esh7n_kalbk/1229