tgoop.com/eshha97/1385
Last Update:
_وحدة قرّرَت توقّف تتواصَل مع الولد اللي قال
ليها أنا عايز اتزوّجِك بس لسه ما جاهز!
قالت لي الموضوع صعب شديد لكن طُول الوقت
بكون خايفة
ربنا يغضَب عَلينا ويحرمنا برَكته💔
مرّت الأيام والشهور وهي كل يوم بتبكي في صلاتها
وتسأل ربنا يملأ قلبها بحبّه سبحانه
ويجبر خاطرها
على قَدر ما اتملَت خَشية عشان ترضِيهُ = وقد كان
لله الحَمد
اتزوّجوا وحالياً عندهم أجمل بيبي ماشاء الله ♥️
_صحبتنا رفَضَت الوظيفة اللي فيها إختلاط
وقالت
كمان طالبِين منها تخفِّف من لبسها
وحِجابها عشان فُرصة قُبولها في الوظيفة تزيد
وحجّتهم إنه اللبس الشرعي بقلّل المبيعات!
بصوت متألّم قالت لي :
أنا في أشد الحَوجة للشغل، أبوي متوفّي وأمي
مريضة
والحِمِل تقيل على أخوي
لكن رِزق الله ونِعمته ما بتتأخِد بالمعاصي!
اللهم بارِك
أخوها ربنا وفّقه ولِقى شغل أحسن بِكتير، وظهَرت
ليهم ورِثة
و ربنا فرجها عليهم أغناهُم عن العالمين💕
..
ده جمال التوكّل على ربنا جلّ جلاله
و تمام الإيمان
ومَبلَغ التقوى واليقين!
تفلِت يدّك من عِباد الله، وتتوكّل على الرحمن
الكريم = يجبُر خاطرك ويرزقك
فوق ما تتمنى وما تتصوّره العُقول!♡
فاللهمّ بارِك سَعينا ويسّر أمرنا، أن ترزقنا الصبر على ما لم نُحِط به خُبرا، فتنتثِر السعادة والخيرات في أيامنا، ويزدان الفؤاد بقُربِك أنساً، وتسعدنا برحمتِك في الدارين.
ممكن نصلّ على الحبيب!♥️
#تيسير_الصادق
BY عَالْبَال 🍃🌧
Share with your friend now:
tgoop.com/eshha97/1385