tgoop.com/eslammabrouk/12360
Last Update:
فهقولك هنا خلاصة خبرتي وتجربتي وبالله التوفيق :
١_ اصدق النية، لو صادق في طلبك لحفظ القرآن هتلاقي ربنا بيسخرلك الكون كله، هي كدا تفصيلة صغيرة في قلوبنا لكن أثرها عظيم عظيم.
٢_ اصبر ،هتحتاج الصبر جدا جدا في طريق الحفظ عشان هتُختبر ، فإذا صبرت ونجحت في الاختبارات هتلاقي نفسك بتجري في طريق الحفظ زي الخيل
٣_ احفظ مع معلم، عشان أفشل جملة في التاريخ جملة هحفظ لوحدي.
٤_ احفظ مع معلم حافظ للقرآن متقنة مش أي معلم وخلاص، يعني لو معلم تخصصه تعليم التجويد فقط مينفعش في التحفيظ للأسف.
٥_ أحفظ حفظ ثابت من البداية، بمعنى تاني اتعب شوية في الحفظ عشان تلاقي ثمرة كويسة بعدين،، وفي جملة بقولها دايماً.. الوقت اللي هتبخل بيه على الحفظ هتدفع أضعافه بعدين في التثبيت.
أساسيات الحفظ المتقن :
_ التركيز، التركيز، التركيز، لازم لاز ذهنك يكون حاضر وانت بتحفظ، أي سرحان أو عدم تركيز كله هيكون ع الفاضي.
_ إدمان النظر في المصحف.
_ الإستماع المستمر لشيخ متقن
_ التلاوة المستمرة نظراً من المصحف.
_ تكرار ما سبق كثيراً كثيراً، التكرار ثم التكرار هو سر الإتقان.
٦_ لازم يكون ليك خطة مراجعة للقريب والبعيد، بحيث محفوظك يتراجع عليه مرة كل أسبوع زي ختمة السلف.
٧ _ لازم يكون ليك خطة (واقعية) للحفظ من حيث ( الكم والمدة ) ، هحفظ قد إيه؟ وهحفظه في وقت قد إيه؟ ويفضل يكون ليك خطة كبيرة تتضمن خطط قصيرة الأمد.
والخطة يتعملها ( تقييم وتقويم باستمرار ).
٨- الصحبة القرآنية الصالحة مهمة جدا جدا جدا، حاوط نفسك بيهم واوجد نفسك في وسط بيئة لها نفس الهدف هتوصل أسرع بكتير من لو كنت ماشي لوحدك.
٩_ النقطة دي مهمة لكن نسيت اذكرها في البداية، متحفظش إلا
لما تكون تلاوتك سليمة.. فلو تلاوتك مش متقنة اتعلم الأول أحكام التلاوة السليمة ومبادئ التجويد النظري وبرضو على يد معلم وبعدين ابدأ حفظ....
ناس كتير بيعانوا من تصحيح أخطاء التلاوة بعد ما يكونوا قطعوا شوط كبير في الحفظ بتلاوة غير صحيحة.
BY مقرأه اليسر للنساء فقط بقراه الإمام عاصم براوييه شعبة وحفص
Share with your friend now:
tgoop.com/eslammabrouk/12360