حياتِك فرصة إوعى تضيعيها 🎯

لما بندعى ربنا إننا ننجح أو نتعافى من مرض أو نتجوز أو نجيب أولاد أو نتغنى أو ..... هل يا ترى بناخد ثواب على كدة و لا لئة ⁉️ الحقيقة أيوة إننا بإذن الله بناخد ثواب 👍🏻 لإننا بننفذ أمر ربنا عز و جل فى قوله : 《 وَقَالَ رَبُّكُمُ ادْعُونِي أَسْتَجِبْ لَكُمْ 》▫️سورة غافر

يعنى مثلا دلوقتى واحدة دعت ربنا إنها تنجح 🎓 و فعلا ربنا تقبل دعاءها و نجحت 👈🏻  يبقى هى بإذن الله إستفادت فايدتين ✌️🏻 الأولى إن دعوتها إتحققت و فرحت بنجاحها ، و الثانية إنها أخدت ثواب الدعاء و الإلتجاء لربنا . يعنى الدعاء فى حد ذاته ( عبادة ) زى ما الرسول ﷺ قال : " إن الدعاء هو العبادة ، ثم قرأ : 《 وَ قَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ 》 📚 رواه أحمد

يعنى الصح إنك تدعى على كل حاجة فى حياتك مهما كانت بسيطة زى ما الرسول ﷺ قال : " ليسأل أحدكم ربه حاجته ( كلها ) حتى شسع نعله إذا انقطع ، فإنه إن لم ييسره لم يتيسر‏ "‏ 📚 رواه الترمذى ،يعنى عودى لسانك على طول عالدعاء 🤲🏻 فلو إنتى مثلا ربة منزل 👩‍🍳يبقى ممكن و إنتى بتعملى الغدا تدعى ربنا إنه يعجب أسرتك و يبقى سبب صحة و عافية لهم 🥘 لو وديتى الولاد المدرسة إدعى ربنا إنه يعلمهم ما ينفعهم و يحفظهم من رفقة السوء 🏫 لو نزلتى جوزك شغله إدعى ربنا يوسع رزقه و يجنبه الحرام ⛔️ عاملة ريجيم إدعى ربنا إنه يقويكى و تخسى فى صحة و عافية و هكذا ...... خلى الدعاء و اللجوء لربنا ميبقاش بس فى المناسبات و لا لو حد تعبان و لا يوم عرفة بس ⚠️

و ياريت كمان تضاعفى الفايدة بإنك مش تدعى لنفسك و لأسرتك بس ✋🏻 لا كمان تدعى لأهلك و لحبايبك و للمسلمين عامة و إنتى المستفيدة 😉 قال رسول الله ﷺ : " ما من عبد مسلم يدعو لأخيه بظهر الغيب إلا قال الملك ولك بمثل " 📚 رواه مسلم

و فيه كمان بشرى من الرسول ﷺ لنا كلنا إن أى حد حيدعى فينا حيستفيد يقينا 👌🏻 حتى لو دعوته متحققتش ، تأملى كدة الحديث ده 👈🏻 : " مَا مِنْ مُسْلِمٍ يَدْعُو بِدَعْوَةٍ لَيْسَ فِيهَا إِثْمٌ وَلَا قَطِيعَةُ رَحِمٍ إِلَّا أَعْطَاهُ اللَّهُ بِهَا إِحْدَى ثَلَاثٍ : إِمَّا أَنْ تُعَجَّلَ لَهُ دَعْوَتُهُ ، وَإِمَّا أَنْ يَدَّخِرَهَا لَهُ فِي الْآخِرَةِ ، وَإِمَّا أَنْ يَصْرِفَ عَنْهُ مِنْ السُّوءِ مِثْلَهَا ، قَالُوا : إِذًا نُكْثِرُ ؟ قَالَ : اللَّهُ أَكْثَرُ " 📚 رواه أحمد ، فإنتى إفتكرى إنك كدة كدة كسبانة بفضل الله و خليكى واعية و كترى زى ما الصحابة الكرام فهموا مدى روعة الصفقة دى و قالوا للرسول ﷺ ( إذا نكثر )

#مفاهيم
#إستجابة_الدعاء 🤲🏻 3⃣

🎯 https://www.tgoop.com/ew3ey  👈🏻  للإشتراك بقناة حياتك فرصة إوعى تضيعيها على تليجرام

www.tgoop.com/ew3ey/3572

330 viewsedited  Aug 6, 2024 at 13:42

لما بندعى ربنا إننا ننجح أو نتعافى من مرض أو نتجوز أو نجيب أولاد أو نتغنى أو ..... هل يا ترى بناخد ثواب على كدة و لا لئة ⁉️ الحقيقة أيوة إننا بإذن الله بناخد ثواب 👍🏻 لإننا بننفذ أمر ربنا عز و جل فى قوله : 《 وَقَالَ رَبُّكُمُ ادْعُونِي أَسْتَجِبْ لَكُمْ 》▫️سورة غافر

يعنى مثلا دلوقتى واحدة دعت ربنا إنها تنجح 🎓 و فعلا ربنا تقبل دعاءها و نجحت 👈🏻  يبقى هى بإذن الله إستفادت فايدتين ✌️🏻 الأولى إن دعوتها إتحققت و فرحت بنجاحها ، و الثانية إنها أخدت ثواب الدعاء و الإلتجاء لربنا . يعنى الدعاء فى حد ذاته ( عبادة ) زى ما الرسول ﷺ قال : " إن الدعاء هو العبادة ، ثم قرأ : 《 وَ قَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ 》 📚 رواه أحمد

يعنى الصح إنك تدعى على كل حاجة فى حياتك مهما كانت بسيطة زى ما الرسول ﷺ قال : " ليسأل أحدكم ربه حاجته ( كلها ) حتى شسع نعله إذا انقطع ، فإنه إن لم ييسره لم يتيسر‏ "‏ 📚 رواه الترمذى ،يعنى عودى لسانك على طول عالدعاء 🤲🏻 فلو إنتى مثلا ربة منزل 👩‍🍳يبقى ممكن و إنتى بتعملى الغدا تدعى ربنا إنه يعجب أسرتك و يبقى سبب صحة و عافية لهم 🥘 لو وديتى الولاد المدرسة إدعى ربنا إنه يعلمهم ما ينفعهم و يحفظهم من رفقة السوء 🏫 لو نزلتى جوزك شغله إدعى ربنا يوسع رزقه و يجنبه الحرام ⛔️ عاملة ريجيم إدعى ربنا إنه يقويكى و تخسى فى صحة و عافية و هكذا ...... خلى الدعاء و اللجوء لربنا ميبقاش بس فى المناسبات و لا لو حد تعبان و لا يوم عرفة بس ⚠️

و ياريت كمان تضاعفى الفايدة بإنك مش تدعى لنفسك و لأسرتك بس ✋🏻 لا كمان تدعى لأهلك و لحبايبك و للمسلمين عامة و إنتى المستفيدة 😉 قال رسول الله ﷺ : " ما من عبد مسلم يدعو لأخيه بظهر الغيب إلا قال الملك ولك بمثل " 📚 رواه مسلم

و فيه كمان بشرى من الرسول ﷺ لنا كلنا إن أى حد حيدعى فينا حيستفيد يقينا 👌🏻 حتى لو دعوته متحققتش ، تأملى كدة الحديث ده 👈🏻 : " مَا مِنْ مُسْلِمٍ يَدْعُو بِدَعْوَةٍ لَيْسَ فِيهَا إِثْمٌ وَلَا قَطِيعَةُ رَحِمٍ إِلَّا أَعْطَاهُ اللَّهُ بِهَا إِحْدَى ثَلَاثٍ : إِمَّا أَنْ تُعَجَّلَ لَهُ دَعْوَتُهُ ، وَإِمَّا أَنْ يَدَّخِرَهَا لَهُ فِي الْآخِرَةِ ، وَإِمَّا أَنْ يَصْرِفَ عَنْهُ مِنْ السُّوءِ مِثْلَهَا ، قَالُوا : إِذًا نُكْثِرُ ؟ قَالَ : اللَّهُ أَكْثَرُ " 📚 رواه أحمد ، فإنتى إفتكرى إنك كدة كدة كسبانة بفضل الله و خليكى واعية و كترى زى ما الصحابة الكرام فهموا مدى روعة الصفقة دى و قالوا للرسول ﷺ ( إذا نكثر )

#مفاهيم
#إستجابة_الدعاء 🤲🏻 3⃣

🎯 https://www.tgoop.com/ew3ey  👈🏻  للإشتراك بقناة حياتك فرصة إوعى تضيعيها على تليجرام

BY حياتِك فرصة إوعى تضيعيها 🎯