tgoop.com/ew3ey/3576
Last Update:
هل عمرك فكرتى لو الرسول ﷺ شافك كان حبك ولا لئة 🤔
الصحابى الجليل ابن مسعود رضي الله عنه بعد وفاة رسول الله ﷺ قال لواحد من التابعين : ( يا أبا يزيد ..لو رآك رسول الله ﷺ لأحبك ، ولأوسع لك إلى جنبه .... )
ياترى إيه أكتر الحاجات اللى ممكن يكون سيدنا ابن مسعود شافها من التابعى ده فخلاه قاله كدة .. يا ترى إيه هى الحاجات اللى الرسول ﷺ كان بيحبها فى الناس واحنا المفروض نحاول نتحلى بيها رغبة فى حب الرسول ﷺ وأكيد حب ربنا❗️
اللى يبص لحياة التابعى ده حيلاقى أكتر حاجات مميزة عنده هى : 1⃣ تقوى الله و 2⃣ حسن الخلق
تقوى الله بجد مش كلام يعنى بيجاهد نفسه على ترك ما يغضب الله وبيجتهد جدا فى العبادات ... وأخلاقه رااائعة وكان بيصبر على أذى الناس بشكل غريب ، حسن الخلق ده عبادة عظيمة وفضلها كبير جدااا والإنسان ممكن يجنى منها خير كتر ...
المتأمل فى أحاديث الرسول يستغرب من مكانة حسن الخلق فى الإسلام وقد إيه ربنا بيكافئ عليه ، تصورى ان الرسول ﷺ قال : " ما من شئ أثقل في ميزان المؤمن يوم القيامة من حسن الخلق....." 📚 رواه الترمذى
العلماء بيقسموا حسن الخلق لشقين ✌️🏻 : بذل الخير وكف الشر
أولا : بذل الخير 🕊
يعنى مثلا زى الصدق والأمانة وحسن الجوار وصلة الرحم والوفاء والرفق مع الناس وبر الوالدين والرحمة ....
خلى يومك مليان بالحاجات الجميلة دى اللى ترضى ربنا .. حسن خلقك إن شاء الله ممكن يعوض تقصيرك فى العبادات قال رسول الله ﷺ " إن المؤمن ليدرك بحسن خلقه درجات الصائم القائم " 📚 رواه أبو داوود ، يعنى لو مقصرة فى صيام التطوع وفى قيام الليل !! طب يبقى عليكى بقى وعلى حسن الخلق
بالغى فى بر أمك وأبوكى وخليكى تحت رجليهم 💕 إتصلى بذوى رحمك وإنشرى جو من الحب والمرح فى عيلتك .. خلى لما سيرتك تيجى أودام حد يفتكروا البر والأدب والإبتسامة الجميلة والزوق والرقة 💝 لما تلاقى حد من صحابك متخاصمين صالحيهم على بعض متقوليش مليش دعوة .. خليكى حنونة مع الأطفال وخصوصا عيالك إغمريهم بحبك وحنانك وإصبرى عليهم وبلاش صويط طول النهار .. حسنى معاملتك لجيرانك ،، يتبع إن شاء الله 🔜
#خليكى_إيجابية
#لأحبك 1⃣
🎯 https://www.tgoop.com/ew3ey 👈🏻 للإشتراك بقناة حياتك فرصة إوعى تضيعيها على تليجرام
BY حياتِك فرصة إوعى تضيعيها 🎯
❌Photos not found?❌Click here to update cache.
Share with your friend now:
tgoop.com/ew3ey/3576