قبل يومين نزلت البوست ده وحذفتو مباشرة لأني ماشة بنظام معين في القناة ، وقررت أجدوله في وقت تاني .

بس في الكم دقيقة اللي ظهر فيها جاتني مسجات زي العسل من ناس قمر🥺❤️

الليلة عايزا اقول شكراً لكل الاشخاص الحلوين بزياااادة في حياتي الخاصة و اللي متابعيني من خلف الشاشات .

أنا ممتنة وبعزّ وبقدر أي شخص بتابعني وبفضل متذكرة الناس اللي بتتفاعل معاي .
سواء هنا او على أي مساحة حرة في الميديا خاصة بي ( المعزة الاكبر لـ متابعيني القُدام 🙊) .

شكراً للمحبة.

-
"‏اللهم أجعل السعادة دائمة في حياتنا، اللهم أبعد عنا الحزن و الضيق، اللهم فرّج همومنا و يسّر أمورنا و أشرح صدورنا ، اللهم تقبّل ادعيه قلوبنا 🩵."

اللهم صلي على نبينا محمد وعلى اله وصحبه اجمعين.

"ألف مرة جيت لك شايل شعوري
وأرجع بنفس الشعور وماشرحته"

زمان شديد كنت بفتكر العيب فيني انا واني مابعرف أعبر ولا اتكلم وحاسة بكبر حجم المشكلة اللي مضيعة علي حاجات كتيرة حلوة لحدي بس ما لاقيت ناس افتكرت انهم قدروا يصححوا المشكلة دي لكن مع الأيام إكتشفت إنها من الأساس مامشكلتي بل مشكلتنا مع بعض ، عارف العلاقة بين البائع والمشتري واحد بياخد سلعة والتاني بياخد قروش ولو في واحد ما أدى التاني حقه البيعة ماح تتم
الموضوع عامل كده بالضبط زول بديك أمان وطمأنينة واحتواء وإصغاء ينصت بإهتمام و يسمعك من غير أحكام في المقابل انت ح تحكي من غير ماتخاف ح تقول كل اللي بخاطرك من غير قلق ♡

بتذكر في مرة كنت متنشنة شديد وماكنت قادرة احدد انا متضايقة من شنو بالضبط وجات صحبتي قالت لي مالك؟ ففضلت اقول ليها انا ماعارفة مالي قالت لي حاجة ماح انساها :
"احكي اللخبطة الجواك وتعالي نرتبها سوا ونعرف مالك"
بقيت بسرد ليها كمية من الحاجات المامفهومة بس هي فهمتني 💛.

في مقطع في نفس الأغنية بقول
"كيف أبين لك شعوري دون ما احكي؟"
ع قدر ما كتير جدا تعابير الجسد بتفضح حزننا وفرحنا ومشاعرنا بس ماف زول ح يقدر يفهم كينونة البتحس بيهو ده مالم تحكي ، الكلام بقرب المسافات وبشيل استفهامات كتيرة جدا كل الفكرة في الشخص الح تتكلم معاه💛.

#على_سبيل_المحبة

قد يضيع الكلام
بس معاك بتلقي♡.

#أذكار_الطيب@lovefm21

هذا المساء❤️


ما نحن إلا قرارات أخذوها اهلنا !

من فترة بديت أعلّم أحمد عن القروش، وقلنا نبدأ معاهو من تحت خالص. كنت بديهو القروش حبة حبة، يتعلّم يجمّع منها لحدّ ما يبقى عنده مبلغ يقدر يشتري بيه حاجات من السوبر ماركت. كنت دايمًا بوريهو الحاجات دي قيمتها شنو، عشان يعرف إنّو القروش ما بتجي بالساهل.

في يوم، ونحن طالعين، أديتو عشرين ليرة ، وهو كان مصرّ إنّه يشيل القروش الباقية معاهو. لكن، في لحظة غضب، قام قطع العشرين. الموقف كان صعب، لكن بدل ما أزعّل أو أعاقبو، قررت أحوّل اللحظة دي لدرس ليهو.

مشينا، واشترينا إطار، ووريتو إننا ح نخلي العشرين المقطوعة فيهو، عشان تكون قدامو على طول كتذكير ليهو بقيمة القروش. أحمد اعتذر بعدها، وكل ما يشوف الصورة، يقول لي: “تاني ما بقطع القروش.”

هل قراري دا كان صح؟

وأنا بربي أحمد، لقيت نفسي دايمًا بسأل السؤال دا: هل تصرّفي دا ح يحقق المصلحة اللي دايرها ليهو؟
كأهل، كتير بنلقى نفسنا في مواقف محتارين فيها بين الصح والغلط، وكلنا عندنا اللحظات اللي بنتذكر فيها تصرفات أهلنا ونقول: “لو كانوا عملوا معانا الحاجة الفلانية، كان وضعنا اتغيّر.”

لكن لما تكبر، بتلقى إنّو حتى التصرفات القاصرة من أهلك كانت اجتهاد منهم عشان مصلحتك.

بفتكر دايمًا موقف حصل لي وأنا في الصف الرابع. كنت بكتب بخط تعبان جدًا، خطي كان ما مقروء على الإطلاق. أمي اشتكت لأبوي، فما كان منو إلا إنّه قرر يعلّمني درس ما بنساه. رسلني الدكان وقال لي: “جيب دفتر دبل 60 ورقة.”

جبت الدفتر، قال لي: “أنا مسافر، وح أرجع بعد أسبوع. لو ما لقيت الدفتر دا مليان من الغلاف للغلاف وبخط كويس، ح تشوف شوف "
الكلام كان جدّي جدًا، ومعاهو تهديد واضح. تحت التهديد دا ما كان عندي حل إلا اني اكتب ، ولقيت عشان أكتب الدفتر كله في أسبوع، كنت محتاج أكتب يوميًا 15 صفحة تقريبا
وبديت اكتب لحد ما يدي وجعتني، كنت بكتب بالليل وبالنهار، لكن في النهاية خلّصت الدفتر قبل الموعد.

الدرس ما كان بس في الخط الجميل اللي تعلمته من وقتها، لكن كمان في إنّو أي شي، مهما كان صعب أو طويل، عندو نهاية واضحة. لو قسّمت العمل على أجزاء صغيرة، بتقدر تصل ليهو. ومن يومها تعلمت الصبر، وبقيت ما بملّ من أي شغل حتى لو كان مكرر أو شكله ما عندو معنى.

أهلنا اجتهدوا !

أهلنا اجتهدوا فينا اجتهاد كبير. وأنا متأكد، لو قعدت وفكّرت، بتلقى نفسك مدين ليهم بحاجات كتيرة، حاجات شكّلت شخصيتك بدون ما تحس. زي ما قال مصعب أخوي مرة لأمي:

“ نحن لو دخلنا النار بندخل بسبب الخير العملتيهو لينا، ونحن ما قدرنا نوفيك حقك❤️.”


_ Sami Meseik.
@fadfadah98

شعب أوركيد..

فضلاً وليس أمراً..أدعو لأختي مريم الشيخ واهلي يطلعو سالمين من مناطق الاشتباك في شرق الجزيره
محتاجين الدعوات دي شدديدد
الفي قلبو زرة ود لمريم يدعي ليها ولأهلها ربنا يحفظهم ويوصلهم بأمان..🥺🙏



●

صباح الخير

سأحكي عن" مريوم " اليوم❤️


الحقيقة المعزة التي احملها لـ "مريم الشيخ " أكبر من مشاعر إعجاب بكاتب .

كشخص كان ينظر لمريم على انها شخص أكبر من عمرها بمراحل ، هالة من النضج والوعي والثقافة والرّقي الفكري واللباقة وانطباعات عديدة توحيها شخصية كشخصية مريم .

وعلى الرغم من متابعتي لها على مدى سنوات ككاتبة ، مُنحت فرصة لطيفة ان جمعتنا الصدف تحت سقف "قناة مكتبتي @GedoLibrary"
كان لعثمان كل الإمتنان أن منحني فرصة كتلك لأتعرف على شخصية مريم اكثر .

ورغم اننا لأكثر من عام او اثنان نتشارك نفس المنصة لكن لفرط المحبّة الشديدة التي ابديتها لها سراً وبسبب إنطوائيتي القليلة لم اتجرأ على التعرف إليها عن قرب .. ولكن مريم خلقت الفرصة باكثر الطُرق ظرافة😂❤️

خلوني احكي ليكم ..

..

(( فجأة ومن غير سابق إعلان القى نفسي محظورة من قناتها!
كنت متعودة كل فترة اقرأ ليها ومتابعاها هنا في التلقرام اكتر .
وكذا مرة بشير كتابات ليها او نصوص تشاركها في قناتها.

فـ في يوم عادي جداً ، عايزة اخش القناة اتصفح القى روحي محظورة ! 😂
الله ؟! لشنو يعني ؟! وعملت شنو ؟!

=المفترض امشي اسالها صح ؟!
ابدا م مشيت .
ماطلت فترة طوييييلة ، يمكن شهر او اكثر ! ما متذكرة .


المهم في يوم كدة زهجت
كيف تحظرني ؟! وتحول عادي في قناة مكتبتي من منشوراتها 😂❤️

المشكلة انو ما حصل للوقت داك بيناتنا تقريبا أي محادثة خاصة (ما عدا ضمن اصطاف المشرفين على قناتنا مكتبتي).

بس رسلت ليها فويس نوت
(هرشتها فيو 😂🙊)
في يوم من أيام الخرطوم
تقريبا كانت ايام شتاء
متذكرة الجو بارد
وكانت اول فرصة حقيقة لمعرفة مريم عن قرب ❤️.

طلعت غتيتة ! 😂😂😂😂😂💔
حظرتني عشان اجي ارسل ليها.

الاستاذة الفاضلة قررت انو نتعارف باكثر الطرق غير المتوقعة .. منو بيعمل كدة اصلا ؟! 😂

وانا الفضلت منتظراها تجي توضح لي الحاصل شنو ! وهي منتظراني على الجانب الأخر رسل ليها .

وكلانا ظل يعاند ويكابر
يمكن غرور؟! 😂🙊

أنا قلت ليها " انتي خيبتي ظني
انا ما كنت قايلاك بالغتاتة دي ..
خلاص هيبتك راحت 😂. "

ده غير انو طلعت تفوق التوقعات خالص وزولة اقل ما يقال عنها وصف "كيوت🙂💕."

صوتها حتة يخوانا اقسم بالله 😂❤️❤️❤️❤️

أنا لفترة قعدت اكرر ليها اني ما قادرة اصدق ده صوتها .

بعد داك طبعا حضرتها شالت البلوك ورجعتني القناة بعد ما خليتها اكيد تعتذر لي شدييييد 😌❤️.))

مريم من اوائل الناس الرسلت ليهم بعد عودتي من غياب اكثر من 3 أشهر بسبب الاحداث في الخرطوم والجزيرة .

مريم من الناس اللي وصيت عليهم "عثمان " في طريق سفري الطويل الى ليبيا .

قلت ليو بالحرف "يا جدو اوصيك على مريم ، ما تنقطع منها."

مريم من اوائل الناس الشلت همهم شديد بسبب احداث مدني ، وراسلتها عدة مرات هنا وعلى الفيس ، سالت منها كذا شخص من معارفنا ،وبعد مدة ظهرت اختها "ضحى "وبدأت تطمّن الناس على قناة أوريكـيد.


القصة قد طالت جداً
وغياب مريم قد تخطى العام!
كيف شخص كان موجود في يوم يُقدر ان يختفي هكذا فجأة لمدة عام !

تركت الحرب داخل نفسي بصمة لازلتُ اعاني اثارها، فكرة الفقد والإختفاء المفاجيء لازالت مشكلة تؤرقني.


لكن على العموم ..
ها هنا الكثير من الشوق يا مريوم 🥺

جميعنا ننتظرك
اتمنى ان تصلك دعواتنا
وتعودي بخير
فقط بخير ودون ذلك هين❤️".


🏷 في انتظار صباحٍ بهيّ
تقولين فيه مرحباً..
أوركيـد عادت مجدداً.

#تنزيل_صابر.

أنا للأسف وبدون أي مبالغة الفترة دي حاسة انو ماف أي شخص على وجه الدنيا دي- بغض النظر عن عمره او الإلتزامات اللي عليه- إلا و حينفجر من الضغوطات .

في مننا اللي لسه صابر ، واللي بيحاول .. وإللي بيقاوم احساسه بالعجز ، و في مننا اللي تعب وصبره نفذ خلاص ..

فيارب بكامل العجز أدعوك، أنا التي لا حول ولا قوة لي إلا بك ، أن تريني عجائب قدرتك في فرجك وإزاحة الهم والغم عني وعن الجميع يارب فرجاً قريب.

اللهم آسر قلوبنا وأرواحنا بما يسرّنا وإشرح صدورنا . آمين❤️.

- تنزيل صابر

صباح الخير حباً
يا شعبي العزيز🙊❤️


طبعاً اكتشفت الناس كلها عملت قنوات على الواتسب وعاملين حركات وبتاع

فقلت ليه ما اعمل ؟!
عندي أفكار و كمية محتوى متراكم ما عارفة ح انزلو متين + وجودي على الواتس بقى أكتر..

فـ أنا تنزيل قررت أعمل قناة و ح افوتهم كلهم في زمن بسيط😎🔥

ما عشان أنا رهيبة , لا عشان أنا عندي ارهب متابعين في الدنيا كلها ❤️❤️✨

خصوصاً الـ هنا ، انتو في قلبي والله.

ح انزل ليكم الرابط الكل يعمل فولو😍

عايزا اشوف الـ 1K في زمن قياسي! .

إتفقنا ؟!
يلا ❤️


https://whatsapp.com/channel/0029VayVyn7A89MpgD1hGY0v

-
"‏اللهم إني ألتجئ إليك وأعتصم بك من كل أمور الحياة، اللهم إني أستودعك أموري كلها، اللهم بشرّني بما يسرني وسددني واصرف عني ما يضرني♥️."

اللهم صلي على نبينا محمد وعلى اله وصحبه اجمعين

لـ ولاء ❤️


اللهم أسألك أن أظل حتى آخر عمري متفهّمة و مُمتنة للأشياء الصعبة و الطُرق العسيرة التي أهدتني ذاتي التّي أُحب و أعرف و أُنذرها لك ماحييت♥️♥️ .

- إنجاز ، حلُم ، شغَف ، حُب ، ايجابية🌻.

https://www.tgoop.com/wallaaworld971

-
‏" اللهمَّ لا ضياع، و لا اختياراتٍ خاطئة، و لا طرق مؤدية للحزن ، اللهم دُلَّني وخذ بيدي، سبحانك إنَّك على كل شيءٍ قدير♥️. "

اللهم صل وسلم على نبينا محمد وعلى اله و
صحبه اجمعين.

إحنا بنكبر وبنشوف الدنيا بنظرة مختلفة..
نظرة بتمجِّد التعب والمجهود والأفعال
وبتبطَّل تنبهر بالكلام طالما ما إرتبط بـ "فعل" ❤️ .


#ريما_عباس.