tgoop.com/familybostan/27110
Last Update:
#هنن_كلمتين
تحذير موجه《من محامي يعيش الواقع 》اوجهه بشكل مباشر الى النسوان والبنات في مجتمعنا ام او اخت او ابنة او زوجة
ظاهرة مرعبة وتراكمية تنتهي بالكوارث الاسرية.
انو الوحده بتكون متجوزة وعندها اولاد وبتلاقيها بتستجيب لشخص غير جوزها...بيضحك عليها بكلمتين حب وهمي وكاذب....
او بتلاقي صاحبتها المتجوزة بتصاحب واحد على النت.... ومبسوطة بالخراريف معه...!!!
شوفوا يابنات كل واحدة تسمع الكلمتين هدول منيح وحطيهم حلقه باذنك عشان بعد هيك ماترجعي تبكي لان هاي مصيبة كبيرة وطبعا السبب النت ومواقع التواصل الاجتماعى يللي الناس بتستخدمه غلط....
ابن عمك ، ابن خالك ، قريبك ،او مديرك ، زميلك ،ابن الجيران ،صاحب زوجك ، او حتى الجن الازرق
بعتلك اي اشي بشكل خاص على تلفونك...
مساء الخير ، صباح الخير
بعثلك صورة صباح الخير...بعثلك تعليق على الحالة في الواتس او الفيس ....أو قلوب تتراقص على حالة الواتس .... بعثلك دعاء.
مثل
كيفك شو عاملة ؟
ليش مش مبينة؟
طمنيني عنك؟
اشتقنالك؟
منورة...!!!
سلامتك..!!!
وووووو...
هى بتبدأ هيك على اعتقاد حسن الظن ومتل اخي ومتل ابي ووووو وتنتهي بموت ودمار وخراب بيوت وتدمير اسرة
هلك الزوج وهو يبني فيها
انت فتحتي باب للشيطان ورح يخرب بيتك بعدها وحينها لن ينفع الندم.....
شبك زعلانة..؟
حاسس من كلامك انك متضايقة..؟
طب احكيلي فضفضيلي...؟
جوزك ضايقك؟
لو انك مرتي مستحيل اتركك لحظة...!!!
ورا ابتسامتك الحلوة هاي حاسس ان فيه حزن عميق...!!!
لاء حساس انك مالك اشي
حد قالك ان عينيكي حلوة..!!!!
شوية شوية علينا يا عمي شو هالحلاوة...!!!
شو بدك تعملي اليوم اكلتي افطرتي..!!!
صفحتك على الفيس حزينة...!!!
وكومنتاتك فيها شرود...!!!
ومن هالحكي
طبعا انتي متل الهبلة بتلاقي قلبك ارتاح وانشديتي اله.... شو هاد.. والله
حاسس فيني اكتر من جوزي...!
وتلاقي حالك فيما بعد بتفضفضي وتشكيله
مع انه هو شو مال امه اصلاً فيكي؟؟؟؟
هوووووووووووووووب.... تعلقتي فيه وصرتوا أصحاب!!!
كل يوم بدك تحكي معه وانتى بتحكي معه على انه صديق مع انك من جواكي المشاعر غير....!!!
حراااااااااام...... شرعاً وعرفاً وخلقاً...
وخيانة لله وللرسول وللاهل وفى المعجم الوسيط كمان....
لاتقولي فكرته متل اخي..!!!!
انتي يلي فتحتي للشيطان باب...
اول مالقيتي واحد بعتلك هيك من غير حوارات ونقاشات بلوك ع طوووووووول....
الي بدو يزعل يزعل وينطح راسه بالف حيط ... حتى لوقريبك
هاي أصول ومبادئ ، أحسن ماتندمى فى الآخر وتبكي بدم
وهناك عبارة معلقة بدوائر المحاكم (((نار الزوج ولاجنة الاهل )))
💐بُستانُ الأسرَةِ 💐
http://www.tgoop.com/familybostan
دليلك لحياةّ زوجيةٍ سعيدة، وأسرةٍ مثالية...اشترك معنا👆
BY 🌹 بستان الأسرة 🌹
Share with your friend now:
tgoop.com/familybostan/27110