tgoop.com/famle11/4464
Last Update:
الزوج اللى ما بيعمليش حساب لمراته
الزوج اللي مابيعملش حساب لمراته أمام الجميع حتى وسط أهله مايبقاش راجل ..!
كرامة الزوجة من كرامة الرجل .. إنه يحافظ على مشاعرها وسط كل المحيطين بيهم .. إنه يمنع عنها أي تعدي بكل أشكاله وأساليبه .. إنه يخليها نفسه؛ لو حد أذاها يبقى أذاه، لو حد أهانها يبقى أهانه ..
في رجالة للأسف مش بيعرفوا يوازنوا بين البر وصلة الأرحام الواجبة وبين تقبل الإهانة لبيته سواء مراته أو أولاده .. وبيبقى فاكر إن مراته واجب عليها تقبل أي إهانة أو التقليل من كرامتها أمام أهله من باب البر وده غلط كبير جداً لإنه مابيحققش أسس العلاقات السوية ..
وفي نوع تاني من أشباه الرجال بيتعمد إهانة زوجته أمام أهله .. سواء من باب تقديم قرابين الولاء والطاعة ليهم .. أو من باب إذلال الزوجة لفرض سيطرة سادية عليها ..!
والنوع ده مش محتاجين نتكلم عنه لإن مستوى الكلام هيتدنى لأدنى مستوى .. الشخصيات دي مستحيل تنشئ بيت سليم .. ومش هيخرج ذرية سوية .. ولا حتى هيقدر يخلق علاقة سليمة بين أهل بيته وبينه هو شخصياً .. والعدل الإلهي أولى بهؤلاء في الدنيا قبل الآخرة ..
تحقيق التوازن مطلوب بين إنك تبر أهلك وتصل رحمك وبين إنك تسبب أذى لزوجتك وأولادك .. حدود الأدب والاحترام و الكرامة مطلوبة من الطرفين مش من طرف واحد ومفيهاش كبير أو صغير .. زي ما زوجتك مطلوب منها البر وصلة أهلك بالحسنى، هما كمان مطلوب منهم المعاملة بنفس البر والحسنى
BY زوج وزوجه وأبناء👨👩👧👦
Share with your friend now:
tgoop.com/famle11/4464