tgoop.com/faqdalmawsawi/1318
Last Update:
القصيدة : الحومه هلا بعباس
الرادود : سيد فاقد الموسوي
الشاعر : احمد المشرفاوي
ــــــــــــــــــــــــــــــــــــــــــــــــــ
الحومه صاحت من خزرهه بعينه
هلا بعباس وهلا بچفينه
هلا بصول النايبة وطرواهه
المايحب الصيدة من مگفاهه
المايميل شما تميل ارحاهه
منين مادارت عكس لاكاهه
لعبت البيض ولعب شعره ونوه
وعرگ جاسه الغيص وبراسه نچوه
نفخ نار الزعل واحتر الهوه
الله والعباس لوزعلو سوه
وچان حيل الله وعلي مسمينه
الحومه صاحت من خزرهه بعينه
هلا بعباس وهلا بچفينه
،،،،،،،،،،،،،،،،،،،،،،،،،،،،،،،،،،،،،،،،،،،،
هذه درع حسين والشايل لواه
حچي الخوة بصدرة مات وماحچاه
والبوجه حسين بس هوه القراه
وزينب تعرف البعم سكينه
وهاذه المسوي النهار عليهه ليل
كلشي عنده يصير حتى المستحيل
سيفه يشتر روس لوصار الصهيل
هاذه اخو الماشافهن وحي الجليل
الحسن وحسين وعلي مربينه
الحومه صاحت من خزرهه بعينه
هلا بعباس وهلا بچفينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاذه اخو ام الخدر وبن الشالهه
لوچهب حومتهه يركد حالهه
العليه ماتعشگ المو خيالهه
هاذه المفحط الوذن والسالهه
وبحمايت زينب مكلفينه
هاذه ابو الصعبات والماينگضن
هاذه دم حسين وعروگ الحسن
چفوفه تجزي السابعه وماينجزن
والمنايه تشمر شما شمرن
سبعه عمره وگنطره مسلمينه
يبو فاضل دخيلك يبو فاضل
يبو فاضل دخيلك يبو فاضل
ـ،،،،،،،،،،،،،،،،،،،،،،،،،،،،،،،،،،،،،،،،،،،،
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1318