tgoop.com/faqdalmawsawi/1319
Last Update:
قصيدة : الشام غربه
الرادود : سيد فاقد الموسوي
الشاعر : محمد البطحاوي
ــــــــــــــــــــــــــــــــــــــــــــــــــــــــ
تعبانه كاتلني الدرب
وضل يم الحسين الگلب ..ويلاه يالحسين
مسبيه ماواحد الي
والشام مابيها هلي..شيغمض العين
……………………………….
والله دنيا.. الخلت اخت حسين بالغربه وحيده
الجنت يمه..ولو طلبت النجم منه يجيبه بيده
طاح بالطف حسين شفته اگبالي من حزوا وريده
هاي الدنيا شكد ماتسوه الخلتني اصعد فوك التل
ايا عثرت جدمي البلطف عند اهلي تعادل مقتل
لامحمل اعليه انتچي
ومنعونه حتى من البچي..ننطي الوجه وين
مسبيه ماواحد الي
والشام مابيها هلي..شيغمض العين
………………………….
زينب انه.. عرفه ولفه ويالحبل ينشد بديه
الناكه هزله..بنص شماته تعثرت واتميل بيه
طحت منها..وشفت كل الشام ضل يضحك عليه
مااكو احد يمي من اخواني والچانت وياي ايتام
بحجار وضحكه وهلهوله هيچ اتلكونه اهل الشام
راس الحسين اعله الرمح
وبكلبي ينزف چم جرح..وافرك بالايدين
مسبيه ماواحد الي
والشام مابيها هلي..شيغمض العين
…………………………………
الشام غربه..ولاتعرف المستحه ولامار يمها
خنگه كلها وظلمه نيتها تره تشبه اسمها
خوفونه وركضت ايتامي وحرت وشلون المها
بحسين الطف جارح گلبي والشام وظيم العثرات
لو ميته بحافر مسحوگه ولاوَگفت باب الساعات
متجمعه كلها اعله الضعن
ونسوانهم يتضاحكن..يم راس الحسين
مسبيه ماواحد الي
والشام مابيها هلي..شيغمض العين
…………………………………
هيچي صارت.. ادخل الديوان غربه تالي عمري
بدون اخوتي..تيسرت انه وعباتي الفوگ خدري
المصيبه..انه بت حيدر علي والناس تدري
يالعطشان وضامي وطايح گلب اختك عطشان اعليك
لو بيدي ابقى وياك بطفك يالعريان ولااخليك
ابگلبي ضلت حسرتي
نزلت عليكم دمعتي..ياتعب السنين
مسبيه ماواحد الي
والشام مابيها هلي..شيغمض العين
………………………………
الموت راحه..بس حنين الدم عليكم حيل عتني
زينب انه.. ميته لايمي اخو ولاحاضر ابني
الشام والطف..شاهد اعليهن عباتي ولون متني
ايا موت الغربه ايفشل ماينراد ابغربه الموت
تابوتي ثنين ايشيعونه ومااكو احد يبچي ولاصوت
المايودعونه هله
روحه تضل امعلعله. ويموت مرتين
مسبيه ماواحد الي
والشام مابيها هلي..شيغمض العين
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1319