tgoop.com/faqdalmawsawi/1323
Last Update:
القصيدة : غارت الخيل والمدمع يهل دمه
الرادود : سيد فاقد الموسوي
الشاعر : عدنان الغزي
ــــــــــــــــــــــــــــــــــــــــــــــ
غارت الخيل والمدمع يهل دمه
گمت احشم يحيدر ييمه فاطمة
التفت الساگي بل ساگي جدمي التوه
بل مخيم حراير تريد الهوه
وين راعي اللوه يهز ياريت اللوه
هاي عازت لواه الفحل بل موزمه
غارت الخيل والمدمع يهل دمه
گمت احشم يحيدر ييمه فاطمة
ــــــــــــــــــــــــــــــــــــــــــــــــــــــــــ
النار بذيالهه اطفالي مسترهبه
والنسه مچتفه اخدورها امسلبه
مووكت نومه حيهم يراعي الابا
اعداك يبن امي لمصابي امحزمه
غارت الخيل والمدمع يهل دمه
گمت احشم يحيدر ييمه فاطمة
ــــــــــــــــــــــــــــــــــــــــــــــــــــــــــــ
وشوف حال الحرم والزلم حاشدة
اشمر حادي الضعن واخوتي موسدة
حان رچب الهزل والحدي ويا بده
سارت النوگ للروحة المحتمة
غارت الخيل والمدمع يهل دمه
گمت احشم يحيدر ييمه فاطمة
ــــــــــــــــــــــــــــــــــــــــــــــــــــــــــ
وهزله ساگوها عمدن الهزل ناگتي
وعينهم ليه تتنطر الطيحتي
واتبعتني الشماته بنضرهه العيلتي
فشله بت الغلب والهضم والضمه
غارت الخيل والمدمع يهل دمه
گمت احشم يحيدر ييمه فاطمة
ــــــــــــــــــــــــــــــــــــــــــــــــــــــــــ
وطبت الشامي وطبولها ادگ فرح
باب ساعاته صفن الجرح يم جرح
ياحسرتي إعله راس اليشيله الرمح
فرجه لهل النفاق الرذيله المجرمه
غارت الخيل والمدمع يهل دمه
گمت احشم يحيدر ييمه فاطمة
ــــــــــــــــــــــــــــــــــــــــــــــــــــــــــ
ورافگاني الحزن وانه طفله بمهد
وبعسر حالي دهري ومراري اجتهد
سلماني بايادي الجبانه التخون العهد
حشماهه على گبري وفتاهه تهدمه
غارت الخيل والمدمع يهل دمه
گمت احشم يحيدر ييمه فاطمة
ـــــــــــــــــــــــــــــــــــــــــــــــــــــــــــ
ماكفه الشام ضيم السده بكربله
عفته هدمي وامرسنته السافله
العرگ دساس والشام اعروگ اله
اچبودي انه محلله وديني انه يحرمه
غارت الخيل والمدمع يهل دمه
گمت احشم يحيدر ييمه فاطمة
ـــــــــــــــــــــــــــــــــــــــــــــــــــــــــ
@faqdalmawsawi
BY قصائد سيد فاقد الموسوي مكتوبة
Share with your friend now:
tgoop.com/faqdalmawsawi/1323