tgoop.com/farhetk_admin/31029
Last Update:
Qo‘shtepa tumani “Shahartepa” mahalla fuqarolar yig‘ini, Ozodlik ko‘chasida yashovchi Nurmatjon aka Abdullayev o‘z yashash xonadoniga 50 kVt quvvatga ega quyosh panellarini o‘rnatdi.
Nurmatjon Abdullayev:
— Avvaliga sinov tariqasida 10 kVt quvvatli quyosh panelini o‘rnatdik. Mutaxassislarga murojaat qilib, ularning tavsiyalarini oldim. Qurilmalarni o‘rnatib bo‘lgach, ularning ishlashini va ishlab chiqarilayotgan elektr energiyasi miqdorini to‘liq hisob-kitob qilish jarayonini tushuntirib berishdi.
“Quyoshli xonadon” dasturiga ulanib olganimdan so‘ng, bir oyda xarajatni qoplash bilan birga 800 ming – 1 million so‘m daromad ola boshladim.
Keyinchalik esa 50 kVt quvvatli quyosh panellarini o‘rnatdim va jami 6 oyda 28 million so‘mdan ortiq foyda oldim.
Ba’zi yurtdoshlarimiz hanuzgacha quyosh paneli o‘rnatsammi yoki yo‘qmi, deb o‘ylanib turgan bir paytda, Nurmatjon aka Abdullayev xonadonining kunlik va oylik iste’molidan ortgan elektr energiyasini davlatga sotib, foyda ham topmoqda.
Siz-chi, hali ham ikkilanyapsizmi? Unda Qo‘shtepalik Nurmatjon akaning xonadoniga tashrif buyurib, u kishidan daromad olishning “yangicha” usulini o‘rganishni tavsiya qilamiz.
www.tgoop.com/farhetk_admin