İştirak etmək istəyənlər bu şənbə gələ bilərlər. Giriş sərbəst və pulsuzdur

Bir qadın bərk xəstələndi. Nədən? Əşi elə də qorxulu şeydən yox - sadəcə əri ilə sevgilisinin yazışmasını tapmışdı. Həm də təsadüfən. Olur belə şeylər.
Qadını ən çox sarsıdan həmin yazışmada olan incə sözlər və nəvazişli ayamalar, ləqəblər, komplimentlər idi. Hətta şeir də vardı. Sevgi şeirləri. Başqa qadına həsr edilən şeirlər. Axı onun əri ömrü boyunca susqun və quru idi. Soyuq idi. Heç vaxt sevgidən danışmaz, arada xanımı: "məni sevirsən?" soruşduqda, sadəcə başını yelləyərdi.
Və xanımı sual verməyi də dayandırdı və hesab etdi ki, hamı belə yaşayır. Yaşadı, işlədi, uşaqları böyütdü, sonra bir az yaşlandı. Bir az yox, çox. Xoş söz eşitməyən qadınlar sürətlə qocalırlar. Lakin yaxşı yaşayırdılar. Qadın da sağlam idi. Ta ki o yazışmanı tapana kimi.
O özünü satılmış, aldadılmış, mənasız və qoca hiss etdi. Sevgi şeirlərini oxuyurdu. Hətta ağlamırdı da. Qəlbi od tutub yanırdı. Bax onu bu öldürürdü: Emosional xəyanət. Xoş sözlər və nəvaziş. Özgəsinə deyilən. Xüsusilə də bir söz: "Qaranquş". Bu cür onu əri bir dəfə gənc vaxtı adlandırmışdı. Bir dəfə. Və bütün ömrü boyunca bu cüzi və kasıb xəzinəni qəlbində qorumuşdu... Sonra isə bunu onun əlindən aldılar və başqasına verdilər.
Orada fiziki xəyanət olmamışdı: olur da. Yazışmadır, skaypdır, telefondur, şəkildir... Axı aramızda heç nə olmayıb! - belə deyirdi özünü itirmiş ər. Həm də xəstəxanaya xanımın yanına gələrkən. Öz günahını səmimi qəlbdən hiss etmirdi. Boş şeydir, əyləncədir Məgər bundan adam ölər?
Bəzən ölürlər. Və emosional xəyanətin nə üçün yaralayıcı olduğunu izah etmək də çox çətindir. Çox adam bu aörını anlamaz. O vaxt ki, sənə deyilən nəvazişli ləqəbi başqasına deyirlər və özgəyə elə şeylər verirlər ki, sənə onu nadirən, həm də cüzi olaraq verirdilər.
O bunu heç anlamadı da.
-----
#tərcümələrimdən

Seminara canlı şəkildə baxmaq istəyənlər üçün

Unutmayın, əslində sizin aşağıdakı hüquqlarınız var ki, buna ehtiram olunmalıdır.

● Sizin haqqınız çatır ki, digər insanlar sizə hörmətlə yanaşsınlar.

● Sizin haqqınız çatır ki, öz hisslərinizi, fikrinizi və arzunuzu ifadə edəsiniz.

● Sizin haqqınlz çatır ki, öz prioritetlərinizi irəli sürəsiniz.

● Sizin haqqınız çatır ki, "yox" deyəsiniz və bununla yanaşı özünüzü günahkar hesab etməyəsiniz.

● Sizin haqqınız çatır ki, hansısa bir şey qarşılığında ödəniş etdikdə onu əldə edəsiniz.

● Sizin haqqınız çatır ki, başqalarından fərqli çıxsa da, öz baxış bucağınızı ifadə edəsiniz.

● Sizin haqqınız çatır ki, özünüzü fiziki, mənəvi və emosional təhlükələrdən qoruyasınız.

● Sizin haqqınız çatır ki, öz həyatınızı, xoşbəxtliyi dərk etdiyiniz tərzdə qurasınız.

Qeyd: Haqqı çatmaq həyasızlıq edib, hər istədiyini etmək deyil. Cəmiyyətin də haqqı var.
Manipulyasiya edən insanların qarşısında olarkən bunları göz önünə gətirmək lazımdır.

Hər şey xırda şeylərdən başlayır. Məsələn, növbə mədəniyyətindən. Camaatı öz məqsədin üçün əzib keçmək zirəklik və bacarıq deyil. Bunu uşaqlıqdan öyrətmək lazımdır

Şeytan boş başı nə ilə məşğul edəcəyini yaxşı bilir.

Fransız atalar sözü

Krımın cənub sahilində arvadımla mənim xəlvət bir yerimiz var.
Biz tez-tez orada oluruq. Bir dəfə biz oranı təmizləmək istədik. İki böyük kisə zibil yığdıq. Yola düşəndə arvadım kisəni əlindən yerə saldı. Zibil dağıldı, butulkalar sınıb çilikləndi, kiçik qəlpələr çimərlik boyu səpələndi.
- Mənə səmimi de görüm, - mən ondan soruşdum, - sən zibili yığanda nə fikirləşirdin?
- Mən insanlara qarşı hirslənir və onları mühakimə edirdim ki, dincəldikləri yeri zibilləyirlər. İndi mən başa düşdüm ki, insanları mühakimə etmək olmaz. Sadəcə, bəzi insanlar var ki, zibillikdə dincəlmək xoşlarına gəlir. Mən isə təmiz yerdə dincəlməyi xoşlayıram, ona görə də bu yeri təmizləyirəm. Lakin onu təcavüz hisslərindən uzaq duraraq etməliyəm.
- Mən insan haqqında öz rəyimi, yaxud qərarımı söyləyə bilərəm. Bu yalnız mənim rəyim olacaq. Lakin mən onu mühakimə edə bilmərəm, hökm çıxara bilmərəm.
#oxuduqlarımdan. Dr.V.Sinelnikov

Ey qəlbləri və baxışları dəyişən,
Ey gecəni və gündüzü idarə edən,
Ey dövrləri və hallarımızı dəyişən,
Halımızı ən gözəl hala çevir!

Əzizlər, yeni iliniz mübarək olsun, sizə xeyir gətirsin. Həmrəylik bəşəriyyətin tarix boyu əlçatmaz təmənnası olub. Həmrəy ola bilməməkdir ki, bizi parçalayır. Lakin empati və ittifaq bacarığını qazanmaq olar. Bərəkət, xeyir, bir-birinə qarşı xeyir işlərdə ittifaq və həmrəy olmaq niyyətilə. Mübarək olasınız! ❤️

Rəhman, Rəhim Allahın adı ilə! O, çox bağışlayandır, çox mehribandır. 2025-ci il hər kəsə xeyir, bərəkət gətirsin

Bu mətləb neçə gündür ki, məni özünə məşğul edib. İnanın, neçə gün ancaq bunu düşünmüşəm.

O da Şəmsəddin Zəhəbinin (1274-1348) Şeyx Müfidinin (947-1022) bioqrafiyası haqqında qeyd etdikləridir. Tədqiq əhli Zəhəbinin kim olduğunu yaxşı bilir. Əməvi xanədanına xüsusi həssaslığı olsa da, İslam alimləri arasında öz sözünü demiş kəsdir. Bu gün elmi əsər yazdıqda mütləq Zəhəbiyə istinad edilir ki, mətləb Əbdülvəhhabın oğlunun ardıcılları üçün də məqbul sayılsın. Şeyx Müfid isə on iki imam şiələrinin ən nüfuzlu alimlərindən biri olub. İmamiyyənin əqidə əsaslarını ilk dəfə elmi səviyyədə sistemləşdirib. Bu gün onun tərtib etdiyi sistem artıq oturuşmuşdur.

Zəhəbi "Tarixul-İslam" kitabının 28-ci cildi, 333-cü səhifədə qeyd edir. İxtisarla qeyd edirəm: Məhəmməd ibn Məhəmməd ibn Nu'man əl-Bağdadi, "Şeyx Müfid" olaraq tanınırdı. O, rafizilərin başçısı və alimləri idi. Rafizilərin zəlalətləri və sələfə qarşı tənqidlər mövzusunda kitablar yazmışdı..... Allah onu Ramazan ayında həlak etdi və müsəlmanları ondan rahatlatdı. (Məzhəb təəssübkeşliyi Zəhəbiyə təsir etsə də, nifrətini izhar etsə də, ardınca Şeyx Müfidin fəzilətlərini nəql edir)

... Onu İbn Əbi Tayy "Tarix əş-Şiə" kitabında qeyd etmiş və belə demişdir: "O, məzhəbin şeyxləri arasında ən görkəmli şəxs idi, imamiyyənin dilindən danışan, kəlam, fiqh və mübahisə sahələrində lider idi". O, bütün elm sahələrində, o cümlədən üsul elmi, fiqh, hədis, rical, Quran, təfsir, qrammatika və şeir sahələrində bənzərsiz idi. Bu sahələrin hamısında yüksək mövqe qazandı və hər bir inancın ardıcılları ilə mübahisələr aparırdı.

Məni dəhşətə gətirən ifadələr bunlar oldu: "...Şeyx Müfid müxaliflərin heç bir kitabını oxumamış buraxmazdı, onların kitablarını əzbərləyər və onlarla mübahisələr aparardı. Bu yolla, onların irəli sürdüyü şübhələri həll edə bilirdi. O, öz tələbələrinə belə deyərdi: "Elm öyrənməkdən usanmayın, çünki elmin öyrənilməsi nə qədər çətin olsa da, sonunda asanlaşır və nə qədər inadkar olsa da, sonunda yumşalar".

Daha dəhşətlisi buradır: "Şeyx Müfid tədrisə ən çox əhəmiyyət verən insanlardan biri idi. O, məktəbləri və toxucuların dükanlarını gəzər, ağıllı və qabiliyyətli bir uşaq gördükdə, onun atasına və anasına gedər, onlardan uşağı tərbiyə etmək üçün icazə alar və sonra onu təlimə götürərdi. Bu səbəbdən onun çoxlu tələbəsi olmuşdur".

"...Şeyx Müfid tələbələrinin ehtiyac duyduğu hər bir şeyi təmin edərdi. O, orta boylu, zəif bədənli və qarayanız idi. Əgər inadkar bir müxalifin sualı qarşısında çətinlik çəkərdisə, dərhal Allaha dua etmək üçün namaza yönələr və Allahdan çətin sualın cavabını asanlaşdırmasını istəyərdi. O, 76 il yaşamış və 200-dən çox əsər yazmışdır. Onun cənazəsinə 80 min nəfər qatılmışdır. Cənazəsi böyük bir izdihamla müşayiət olunmuşdur".
----

Bəli, əzizlər. Görün bir insan özünü elmə nə qədər verib. Bəs deyil, qapı-qapı gəzib ən istedadlı tələbələr seçib, onları tam təmin edib. Heç təəccüblü deyil ki, Seyid Mürtəza (imamiyyənin kəlam və fiqh mütəxəssislərindən biri), Seyid Rəzi (Nəhcül-bəlağəni toplayan) və sair onlarla mütəxəssisin müəllimi məhz Müfid olub.

Dəhşət ifadədir: Peyğəmbərdən nəql olunan kəlamda deyilir: İnsanlar mədən kimdirlər. Cahiliyyətdə yaxşı olanları islamda da yaxşıdır".
Nəticə: din, təhsil, mədəniyyət, incəsənət və sair şeylər insanı nə yaxşı, nə pis etmir. Uzaqbaşı insanın içini təhrik edir. Götürək, dindar olanları, malik olduqları etiqadı silsək, görərik ki, bundan öncə də eyni düşüncə tərzində, temperamentdə olublar. Sadəcə forma dəyişib, öz yerlərini tutublar. Bu, Peyğəmbərin səhbələrinə də aiddir. (2022)

Ağıllı və axmaq insan arasında fərq ondan ibarətdir ki, axmaq insan həmişə özündən asılı olmayan işlərə görə narahat və peşman olur. Məsələn, övladı, atası, qardaşı, işlərinin aqibəti və mülkü barəsində. Ağıllı insan isə yalnız birbaşa özündən asılı olan işlərə görə, məsələn, öz fikirləri, istəkləri və hərəkətləri barəsində narahat olur.
#oxuduqlarımdan (2022)