اللهم صل على محمد وآل محمد

بسم الله الرحمن الرحيم

✍
*ام فاطمة الشويلي*

((ومن يعمل سوءاً او يضلم نفسه ثم يستغفر يجد الله غفوراً رحيماً))


الاسلام اجه رسم للمسلم طريق واضح
وكاله انت اختار تريد خير تريد شر يعني كأنه الانسان في قرارة نفسه اذا صار بين خيارين شلون يعني اكو حاله كدام عينه يسويه لو ما يسويه يحس في داخله صوتين صوت يكله فوت وصوت يكله لا تأخر تأمل للاسف اكو البعض يصير شؤم على نفسه يعني محد يضلمه هو يظلم نفسه يضلم نفسه من يمشي خلف الغريزة
والحقيقة هذا صوت الغريزة يعبر عنه القران بأنه صوت الشيطان لان الغريزة عمياء لا تعرف التعقل تريد من الانسان ان يشبعها ...زين الله عز وجل كرمه للإنسان اطاه طاقة اطاه قدرة عقلية اطاه حواس نظر سمع ....المشكلة الانسان ما يستعمل هذني الطاقات فيما يرفع قدره تلكاه لا تصرفة سلوكه مع الاخرين غير صحيح .طيب
نجي للآية الكريمة

ذكرتنه الآية...قالت ((ومن يعمل سوءا أو يظلم نفسه ثم يستغفر يجد الله غفوا رحيما ))

طبعا الإنسان سجين عمله مثل ما كلنه مخير يعمل خير يعمل شر ، اكو يعمل صالحات لكن هاي الصالحات تذبه بالتهكله شلون شوفي هل حديث القدسي
عن النبي ص يقول: ان الله قال لنبيه داود

(يا داود بشر المذنبين وانذر الصديقين ، قال : كيف ابشر المذنبين وانذر الصديقين!! ؟ قال ؛ يا داود بشر المذنبين اني اقبل التوبة واعفوا عن الذنب وانذر الصديقين ان يعجبوا باعمالهم فإن ليس انصبه للحساب الا هلك )
تنبهيلي اشوية مثلا الصلاة، الصلاة كون تبني كيان الانسان تقوم الانسان مثلاتبني افكارة يعني هاي الاعمال محبوبة عند الله المشكلة شنو اكو البعض تشوفه يصلي الليل وعبالك مان على الله
الصدقة مثلا يتصدق على اولاد منطقته على ايتام موجودين بمنطقته بس لا بعدين يلوي ركبته ويسمع ذولة كلام يجرح مشاعرهم اني انطتهم صدقة ووصل صدقة لا كون المسلم يصير اكبر من هاي بالحقيقة انتي شايفة البعض من يصلي يستعظم صلاته وكأنه عبادته عبادة الاولياء في نظره هاي هيج اعمال هباءاً منثورا يا اختي اشوية تواضع يعني هو الانسان لما يتواضع شنو التواضع .التواضع بيه رفعه بيه تقدير للانسان لانه هذا الخضوع لرب العزة والتواضع للناس التواضع للدين هنه ذني عبادة وعبادة محترمة على شنو هل تصنع امام انظار الناس هاي مو عبادة لله هاي عبادة لارضاء الذات لارضاء النفس
يعني تره اكو البعض وحقج رافع خشمه ويباوع للناس بعين الزغيرة ومو عاجبه بس نفسه القران يقول واقصد من مشيك واغضض من صوتك ها يعني من يمشي ما ادري شلون وفد حركات مصطنعه لا لا خليك على رسلك على طبيعتك لانه ما يلوكلك الكبرياء ...الانسان العاقل واعي يصير ميلوكه الكبرياء ...ميلوك لخد ينحط على التراب وماكو خد ما ينحط على التراب

خل ارويلج هل الرواية

فرد يوم مر احد العباد باحد القرى شاف كلب لما مر عليه قال : ما اقبح صورة هذا الكلب يكول فانطق الله عز وجل الكلب
كله ءانت الذي خلقتني ام الله انت جاي تعترض على الله !؟ بعدين اشدعوة هل غرور ..هاي هي الصورة القبيحه او الجميلة بعد يومين اذا انحطت على التراب اكو صورة جميلة تبقى بعد ما ينحط الانسان بالقبر هل المحاسن وهل الجبهه المشرقة وهل العيون البراقة حطه
على التراب ما تبقى ....اذن كون الانسان يتواضع ما يظلم نفسه ويضيع اعماله تره مهما يعمل من اعمال حسنة ما تساوي شي امام نعم الله تعالى وهكذا
ثم انتقلت الاية ومن يعمل سوء او يظلم
ثم يستغفر الله يجد الله غفورا رحيما
⤵️يتبع

من يتورط المسلم في معصية الله طبعا هذا يدل على الضعف لان الذنب دليل الضعف يعني مثلا اكو اثنين يعيشون ابيت واحد ومن اب واحد لكن تلكه واحد منهم يعاني من الضعف فيتورط بالمعاصي ولثاني لا ليش لان عنده مناعة
يعني محصن نفسه مسيطر عليه ما يمشي وره هواه يعني ايمانه قوي علاقته بالله جيدة ...الله عزوجل رؤوف ورحيم على عبادة ما يتركهم هكذا يتخبطون لان الله ما خلق الانسان حتى يعذبه لهذا جعل له باب يعني خلاله خط رجعه وهذا الخط هو التوبة
فكون الانسان ينتبه من نومة الغافلين
ويفتح هذا الباب باب التوبة يعني كل باب واله مفتاح ومفتاح باب التوبة هو عدم الرجوع للذنب والندم والاستغفار
روي عن علي أبن أبي طالب قال: من اعطي التوبة لم يحرم القبول ومن اعطي الاستغفار لم يحرم المغفرة ولهذا كون المسلم يقر بالذنب ويطلب المغفرة
رحم ذلك الشاعر عندما قال ..
اللهي لا تعذبني فإني مقر بالذي
قد كان مني فمالي من حيلة إلا رجائي
بعفوك إن عفوت وحسن ظني ...زين
هاي اكو رواية عن النبي موسى صلوات الله عليه وعلى نبينا السلام

في زمن نبي الله موسى (عليه السلام ) انقطع الغيث عن بني اسرائيل، فجاؤا إلى موسى اجوي يتشاكون الفاقة والحاجة، للنبي موسى عليه السلام
ادعُ لنا ربّك لينقذنا من هذه التهلكة..

يكول طلع موسى واخذهم إلى الصحراء وصلى بيهم صلاة الإستسقاء، ودعوا

لكن المطر ما نزل رغم كثرت عددهم كانوا سبعين ألف شخص ورغم إلحاحهم بالدعاء الله عز وجل ما استجاب دعواهم

فرفع موسى رأسه إلى السماء وقال :
اللهم !.. اني أدعوك ومعي سبعون ألف رجل وما تستجيب النه فهل نقصت منزلتي عندك ؟!..
فأوحى الله تعالى إلية : إن بينكم رجلاً عصى الله أربعين سنة، فقل له أن يخرج من بينكم

فقال موسى : يا ربي !.. إن صوتي ضعيف شلون أسمع سبعين ألف رجل؟ ..
فأوحى الله اليه كاله صيح واحنه نوصل صوتك إلهم.

فصاح موسى بصوت عالي ولكل سمع
《من عصا الله أربعين سنة خل يكوم ويخرج من بيننا؛ لأن الله قطع عنا الغيث بسببه.يكول

نهض هذا العاصي وكام يتلفت يمنه و يسره ما شاف احد خرج عاد عرف هو المقصود ..
ف كال في نفسه : شلون شاسوي هاي ورطه مو ؟
إذا كمت راح تشوفني الناس وعرفوني وينفضح امري وإذا بقيت لا ينزل عليهم الغيث..
فجلس بمكانه و تندم من أعماق قلبه تندم على قبائحه ولمعاصي الي سواهن وتاب إلى الله تعالى . بعدها
ظهرت الغيوم فورا وتراكمت ونزل عليهم الغيث ، وشربوا وسقوا .
فقال موسى: يا رب !.. ما تريني هذا العاصي ؟..
كاله الله عز وجل
ما فضحته عندما كان عاصياً، هل افضحه الآن بعد ما تاب ؟
يا موسى إني عدو النمامين، أفهل أنم؟
وأنا ستار العيوب ، فهل أهتك ستر عبادي ؟..هو هذا وَمَنْ يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرْ اللهَ يَجِدْ اللهَ غَفُوراً رَحِيماً﴾. وهكذا فان الله ارحم الراحمين ورحمته وسعت كل شي رغم انه هذه المعصية لازالت النعم تحيطه لان رحمة الله اكبر واوسع...يا اخواتي الله عز وجل منعم علينه بالعافية وغيرنه مريض ومنعم علينه بالغنى والترف وغيرنه فقير ما عنده قوت يومه فكون الانسان يفكر ويرجع لمولاه يستغفر ويتوب مثلما نلاحظ في دعاء كميل الذي يعتبر تجديد عهد مع الله في كل ليلة جمعة تقول اللهم اغفر لي الذنوب التي تغير النعم اللهم اغفر اللهم اغفر لي الذنوب التي تحبس الدعاء ..الخ كوني يا اختي على تضرع على اتصال مع الله
لآن الإنسان لابد له من الموت والانتقال للحياة الابدية ..وهكذا نرى الحر رضوان الله عليه في اخر لحظات عمره وفي ذلك الموقف الصعب يخير نفسه بين الجنة والنار فانار الله بصيرته بنور الحسين




  *انتهى*

تمت بقلم خادمة العترة .

   *خطيبة المنبر*

     * ام فاطمة الشويلي *

لا اجيز حذف الاسم .

https://www.tgoop.com/fatame00

___

للتوفيق في الخدمةالحسينية.


1-أقرأوا سورة (قل هو الله احد) ثلاث مرات ..
2-وقولوا (الشكر لله رضينا برضاك)
3-ثم ثلاث مرات اللهم صل على محمد وال محمد
وأجعل ثوابها الى النبي محمد صل الله عليه وآله
والى شهداء الطف والسبايا

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ



{{{أَلَمْ تَرَ إِلَى الَّذِينَ قِيلَ لَهُمْ كُفُّواْ أَيْدِيَكُمْ وَأَقِيمُواْ الصَّلاَةَ وَآتُواْ الزَّكَاةَ فَلَمَّا كُتِبَ عَلَيْهِمُ الْقِتَالُ قَالُواْ رَبَّنَا لِمَ كَتَبْتَ عَلَيْنَا الْقِتَالَ لَوْلا أَخَّرْتَنَا إِلَى أَجَلٍ قَرِيبٍ}}}}


🔴الحقيقة لما ندخل الى بداية حياة الامام الحسن .. نجده سلام الله عليه هو الصلة التي كانت بين النبوة والامامة ... واول ثمرة من هذا الزواج الي كان يهدف له النبي ص ...يعني الامتداد الطبيعي لشخصية النبي ص) ولهذا لم يكن موقف النبي،ص من الحسن مجرد موقف عاطفي فقط، بل كان يعبر عنه انه امتدادي ويشبه خلقي وخلقي. ،.... ويشير بيده ويقول: علي ابن ابي طالب وولداه . ع. وزوجته وانا يوم القيامة في مكان واحد، طيب هل لون هذا كله اشعار بإن الاجواء التي نشئوا بيه هؤلاء هي جو رسول الله ص ، بكل اخلاقه اذن نتوقع ان هل التربية او النشأة يصير بيه نقص! !!?? يعني تصبح تربية منثلمه مثلا ? لا طبعا ... نجد الرسول لما ولدت الزهراء الامام الحسن اتى به الامير للنبي ص قبله بعدين كال:( احب الله من احبه، وابغض الله من ابغضه، ان ولدي هذا سيد وسيصلح الله به بين فئتين عظيمتين ) وفعلا هذا الي صار وراح نبينه خلال البحث 👇

🔸اكو نظرية تكول: الامام الحسن ع قام بمصالحة مع معاوية! ! بينما الحسين ع ثار ضد يزيد بن معاوية! فما هي الاسباب ???

🕋طبعا احنه نعرف ان موقف الحسن والحسين ع واحد ماكو اي تعارض ولا تنافي بينهم والا كان الامام الحسين ع في وقتها يثار على معاوية ويعارض الحسن ع / يعني هل شي واضح، الامام الحسن ايضا لو كان حي في يوم عاشر كان قاتل وما قبل بصلح مع يزيد، وهذا الموقف ياتي النبي يبينه النه( الحسن والحسين امامان ان قاما وان قعدا ) هاي من جانب، من جانب اخر، ،، شخصية معاوية تختلف عن شخصية يزيد لع ... زين
الحقيقة اكو البعض نشوف يلبس لباس الدين، يعني يلزمله فد سبحة يخليه محابس بيده، يتصنع امام انظار الاخرين ،وحياتك هذه قشور
لكن من تجين للب نجدها فارغة وهاي موجودة كثيرة من هل نوع، هذا معاوية كان منهم ....
♦️يذكرون المؤرخين ، فد يوم يصعد معاوية المنبر يكول ألست خليفة الله في الارض ? كالوله اي انت خليفة الله، كاللهم المال مال الله وانا خليفة الله أن شئت اعطيت وان شئت منعت * كلهم هاي الاموال النه المال مالنه والنفقه نفقتنا محد جاوبوه، ،اليوم الثاني ايضا قال المال مال الله وانا خليفة الله ....الخ محد ناقشة وعارضه اتاملي، المرة الثالثة صعد على المنبر لما قال ، كام اله واحد كاله لا المال مالنه احنه منعناه بمختلف اعمالنه، ان منعنا منه احد حاكمناه الى الله بأسيابنا، الكاعدين كالوا هذا خلص انتهى! !!! بالفعل اخذوه الشرطه. دخلوه على معاويه ...يوم الثاني طبوا عليه الناس لكوهه كاعد على جانب معاوية على السرير! !!يعني هاي واضحة هذا معاوية اكرمه لهذا بتعبير اخر عالجه علاج اخر بدل ما يعالجة بالسيف ...الحقيقة هذا الرجل معاويه داهية ،،،،اذن معاوية كان يحافظ على المظاهر الي تجعل الناس تشوفه خليفة المسلمين، بينما يزيد لا كان متجاهر بالفسق شارب للخمر قاتل النفس المحترمة. ،،، فمصالحة الامام الحسن، س، كشفت هل الستار كشفت هل التلاعب والخداع، كشفته من خل معاوية بتنفيذ معاهدة الصلح،

🔹طبعا اكثر امام من اهل البيت اتعرض تاريخه الى ملابسات والى ضغوط هو الامام الحسن. اتعرض الى ضغوط من الامويين، هذوله بني اميه كانوا مليانين كره وضد الى علي ابن ابي،طالب من ايام صفين !!!!
واني اكدلج ان الامويين اكدوا في اذهان الناس ان هؤلاء الذين يسمون ال محمد بعدين تماما عن النبي يعني شحنوا الاجواء ضد اهل البيت ،شحنوا الشام ان عليا رجل كافر لا يصلي وكثير من الاشاعات الي،بالحقيقة تنطبق على معاوية وعله هل الشجرة الملعونة

*خل ارويلج هل الرواية


🔸هاي ايام عبد الملك بن مروان هذا واحد من رؤساء حران يكول اجيت اقبض عطائي ذهبت الى الشام يوم الجمعة اسمعت الخطيب. يخطب فادخلت جسلت تحت المنبر اسمعت هذا ووعظ وذكر وتكلم ثم بالاخير،قال لنختم مجلسنا هذا بشتم ابي تراب ! ف انصاع يشتم امير المؤمنين الى ان فرغ من الشتم ،يكول انه اشرت الواحد بصفي كتله من هذا ابي تراب ? كلي هذا ابن عم الرسول، واول الناس،اسلاما، وزوج فاطمة الزهراء، ابو الحسن والحسين، يكول كتله مع ذني كلهن وهذا يشتمه ! يكول انه كمت متحامي امسكت هذا الخطيب من شعره اضربت براسه الجدار ادميته، ،، فاقبل رافعا يده الى مجلس،عبد الملك ينادي اصلح الله الخليفة انا قاصك وقاص ابائك وقد اعتدى عليه هذا الرجل، ،التفته عبد الله كله قم يا فلان، يكول اسألني شنو ليش هيج
يكول كتله ،اسال سؤال، كلي،بلي، كتله لو

⤵️

انه اشتمت صهرك وابن عمك انت ما ممكن تسكت عني، انه طبيت الى الخطبة
سمعت هذا يشتم بابي،تراب! سالت عنه كلولي،ابن عم الرسول .... الخ
فانه انفعلت وضربت براسه الجدار. يكول امر لذاك بجائزة، وانه كلي،لا تعيده واطلع منا متبقه بعد لا تفسد على الناس،عقائدهم
اذن كان اكو التزام والتزام على مستوى اعلام كافة ،، رغم هذا كله الامام الحسن ع قام بالثورة لكن يجون يكتبون لمعاوية برسائل سرية(( ان شئت سلمناك الحسن حيا وان شئت سلمناه ميتا) ) فلهذا اختار الامام روحي فداه» طريق الصلح وترك الحرب لوجود هؤلاء الخونة بينما الحسين ع يقول لم اجد اصحابا اوفى من اصحابي، » ولذلك الامام. هرم قال: لقد سقيت السم مرارا ،ما اثر بيه مثل هذه المرة،😭😭

واماما واسيداه

  *انتهى*

تمت بقلم خادمة العترة .

   *خطيبة المنبر*

     * ام فاطمة الشويلي *

لا اجيز حذف الاسم .

https://www.tgoop.com/fatame00

___

‌

⊱﷽⊰

اللـــﮫـــࢬ صــلــﮯ ؏ــلــى مــحـمــנ والـ مـحـمــנ.


- عن أمير المؤمنين عليه السلام قال : يا كميل إن لم تحب أخاك فلست أخاه.


★ـ معنۍ الاخوة عند اهل اللغة يكولون معناه
المشابه يعني اثنين اشيا۽ اذا يتشابهن يكولون هذا اخو ذاك; مو بس هاي اله استعمالات كثيرة بالمعنى العام.. مثل هذا اخوك بالدين
او اخوك بالنسب اخوك في الاسلام مو شرط يكونون من ضهر واحد..ولهذا تشوف القران يكول او كلما دخلت امة لعنت اختها "فهنا كانه يوم القيامة الله يكلهم انتو التحقوا بما شابهكم من الامم بالافعال بهاي الاشياء
هسه صار واضح معنۍ الاخوة عند اهل اللغة
احنه هاي الامور ما تهمنه بقدر ما نشوف معنۍ الاخوة بالسلام.


★- طبعا بالجاهلية كان الانسان الجاهلي منعكف على نفسه ما يخالط ـ ماكو تلابط ماكو تلاحم ـ ما عدهم روح الاخوة ـ ما عدهم روح التعاون والالفة
فتشوف مشاكلهم مستمرة ..اختلاف بالارا۽ ' يعني كلمن يجر النار لكرصته
يتقاتلون عله اتفه الاسباب’واحد يقتل الثاني
بالمناسبة احنه اليوم اكو من تراجع بافكاره ومعتقداته الى زمن الجاهلية

*- زين بعد شنو عدهم اهل الجاهلية
عدهم اشيا۽ غريبة عجيبة › مثل الرضاع
بكيفهم يرضعون ـ مثل الجده ترضع ابنا۽ اولاده كلهم او عدهم الاخت لا ترث اخوها
وهواي امور
فاجه لاسلام وضع معاني ومفاهيم راقية واعطى مضامين اخلاقيةو رتب عليه احكام شرعية خاصة تضع لكل ذي حق حقه ..ولا يظلم ربك احدا.



- عندما جا۽ النبي محمد صلى الله عليه واله
لكه هاي الامة تعبانة واموره مو تمام
فاراد ان يبني امة متواصله مترابطة
بيه رحمة بيه تكافل اجتماعي امة قويه
متعاضدة واحد يشد عضد الاخر
من جملة الامور الي سواه النبي ص
آخا بين المهاجرين والانصار
كعد سوالهم نظام المؤاخاة حته يفهمهم ان اليد الواحدة لا تصفق
"انما المومنون اخوة فاصلحوا بين اخويكم.


📌*- فلاسف نشوف بعض العلاقات بين الاخوان والاخوات مو طيبة
مجرد ابسط خلاف وعله اشياء ما تسوه واحد ما يشوف الثاني ويصير تقاطع بيناتهم واحد ما يدخل دار الثاني
وعله شنو ضرب ابني لو سمعه حجاية منا مناك
وفوق هذا كله - احتمال يستمر الحال بيهم لا سامح الله للموت وهم عله هاي الحاله
› › بالنتيجة صارت القطيعة لاجل امر تافه

📌*- يعني اكول عجيبة شنو الي خله هل لقلوب تصل لهل المستوى يعني من ترجع تتامل ...
ذولة الاخوة كان يجمعهم سقف واحد
يعني. ذولة رباهم حجر واحد مو
اب واحد ...هذا الاب الي في الواقع خلص كل عمره
بخدمتكم حته يشوفكم كبار يافعين
متلاحمين مترابطين ..وين ذاك التلابطـ
وذيج العلاقات الحلوة ...ارجعوا لتلك المواقف تاملوها
يعني هل تمزق والتفكك يصدع له القلب القلب الێ متى حقد وضغينه ' واي حسرة تكون اذا وصلت الامور لهذا الناتج.


- بهل الطريقة يفقد القلب احساسه تموت مشاعر الاخوة
كلنه تموت المواقف الحلوة ..يصبح الانسان خالي صفر ..كلبه ما بي احساس


🔗بالنتيجة المومن المفروض يكون اكثر تسامح يعني هاي الضجورة باستمرار تميت لذة كل شي- المحنة تروح ينفقد طعمه
يا اخي اترك الظن السيئ - لا يمحق المكر السي الا باهله .

📌 عوف الكلام الجانبي -الحديث يقول احمل اخاك على سبعين محمل شلون يعني
مرة تتغافل ومرتين تتناسى ماكو شي يسوه اي وحقك ..هاي الدنيا فانية خلي روحك مرنه لا تكون متشدد
اذا تشدد ..الله كذلك يشدد عليك
فلا تتبع عثرات الاخرين ..


📌- يكول من رائ رواية عن اخيه
يريد بها هتك حرمته اخرجه الله من ولاية الى ولاية الشيطان فلا يقبله
يعني سولف سالفة عنه يريد بيه بها هتك حرمته ها شلون يعني يريد يسقطه بين الناس اخرجه الله من ولايته الێ ولاية الشيطان فلا يقبله ..شوف حته الشيطان ما يقبله .
هاي منين تبدي؟ تبدي من سو۽ الظن
تبدي من الحقد وانت صاعد إلى ان
تصل قطيعة رحم كلنه بعضهم للموت يبقون على هذا الامر.


امدحوا اخوانكم ‘يعني لا تضل مـﭼلب باخطاء الاخرين ـ الكل يخطا انت واني كلنه "
الامام يمشي مع شخص وشافوا رجل مع امراة يعرفه
*ــ شافه بوضع مو مقبول فهذا اتفاجئ انه الامام دار وجهه عن هذا المنظر فساله كاله يبن رسول الله يعني المنظر هذا الشريعة ما تريده مو صحيح قبيح.
*- كاله لان احنه اثنين ماكو فائده
لو اربعة نعم. ذولة ممكن يصيرون شهود
اما اثنين لا الشريعة ما تقر هذا الامر ما تريده ‘ استروا حته الله سبحانه يستر عليكم



⤵️تـڪــملــت المحــاضــرة⬇️

🔗*- نرجع للحديث الشريف

*- كلنه في بداية الكلام هواي اكو اشياء يرتب الاثار عليه الاسلام لكن المجتمع اكو اشياء بي مو صحيحة

يعني اكو
سوال عدنه يطرح نفسه هذا السوال
الاخ له ولاية على الاخت لو ما اله ولاية؟

🔖 نريد نعرف شنو الاسلام رتب اثر لهاي القضية لان احنه
🔖 السائد بالمجتمع للاسف بعض الاحكام العرفية الى ما كدر يتخطاها الانسان المسلم بشكل عام ..يعني بعض المسلمون من الاخوة واقصد الذكور ...يطي لنفسه احقية وفرد صلاحيات ما انزل الله بها من سلطان ...يزوج اخته هذا ويرفض ذاك
يعني مو فاهم احكام الشرع

📌احنه بالشريعة المراة البكر ..الحق للولي ابوه او جده من ناحية الاب فقط اما اخوه ويتحكم باقدارها ..فهذا الامر مرفوض ما يجوزه الشرع ...الاخ ما اله كل ولاية عله الاخت ..هذا ظلم ويسعلم الذين ظلموا اي منقلب ينقلبون


🔗*- طبعا اهل الجاهلية كانوا يضربون المثل بين الخنساء السلمية وبين اخيها صخر
يكول الخنساء كانت عدة قوة بالشعر ترثي اخوها وجانت تقطع نفسه تقطع بالحزن عله اخوها ...ليش؟ يذكرون الخنساء عده اثنين اخوان ...الكبير معاويه وهذا كان مستبد والثاني صخر
معاوية كان يحاول يزوجه صديقه رغم عنه ..بينما صخر لا ..تربطه بي علاقه جدا طيبة حنونة كان يقدم اله كل شي ..حته يذكر شاطره بامواله يعني قسم ماله وياها بالنص .صخر وكف بوجه معاوية ..كاله لا ينبغي لك ذلك ...الضاهر معاوية كانت تربطة بصديقة علاقه تجارية او سياسية وعله هذا الاساس راد يبيع الخنساء .. المهم
صخر ما خلاه وصار بوجه معاوية ورفض يتم هل الزواج
📌*" بعدين زوجه بشخص هي تريده فمثل هذا الاخ سند وعز للمراة
عاد من مات صارت ترثيه بانواع الرثاء حته ضربوا المثل بشعره..


📌*- الحقيقة علاقة الاخوة علاقة جميلة لازم الانسان يهتم ويحافظ عله رصانته
يذكر النه القران الكريم علاقات حلوة بيه نوع التلاحم والترابط مثل موسى وهارون
النبي موسى طلب من الله عزوجل مطلب
كاله اللهي هارون اخي »اشدد به ازري»
واشركه في امري ..يعني افرض عندك امر
ما تكدر عليه تروح تشاور اخوك لعله يكون افهم منك يحل الك هل الامر. ولهذا يكله اشركه في امري

*- بالنتيجة الاخ سند وعضد ...الاخ اظافة انها كلمة حلوة ...لكن الموقف والفعل يجمله ويعطيه طعم.


طبعا من نجي الى اهل البيت عليهم السلام
نجد علاقة الاخوة تحمل معاني جدا راقية
اجمل واروع علاقة سجله التاريخ هي علاقة زينب باخواتها ...سلام الله عليهم

🔖*- في الحقيقة مضمون هاي العلاقة ما ينقاس مع اي علاقة اخوه ما اله قياس
لا صخر ولا غيره
لان هاي العلاقة في الواقع ما مبنية عله مصالح ما مبنيه على امور دنيوية ولهذا تشوفه مختلفة


📌- يذكر المورخون ان السيدة زينب عليها السلام تكبر العباس بكثير ..فهي بمثابة الام له من بعد امه ام البنين تهتم بيه
تناغيه بالمهد حته يذكر عندما ولد جابته لامير المومنين حته ياذن في اذنيه
فسالت كلتله ابه شنو تسميه ..كاله بنيه اسمه العباس ولقبه السقاء ...يكول هنا زينب بين مستغربة وبين متفائلة كلتله اسمه العباس معروف معناه الشجاعة ..لكن ما معنى لقب السقاء ؟! عاد امير المومنين اختنك استعبر كاله انه ساقي عطاشى كربلاء ..وراح امير المومنين يحجي اله على الي يجري بكربلاء
حته اجهشت بالبكاء بكاء شديد ...



انــتهــى


📚المصادر
تحف العقول ١٧٣
__

#تمـت بقلــم خـادمة العتــرة ام فـاطمــة الشــويلــي

#لا_اجيز_شرعا_حذف_الاسم
#لا اجيــز نـسب الكلام لاي شخــص مشــڪولــه ذمــته.

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ


{{وما خلقت الجن والإنس إلا ليعبدون }}

🔸الإنسان خُلق من أجل معرفة الله ، من أجل العبودية لله عز وجل، وهذني المعرفة والعبودية بمثابة جناحين يصعد بيهن الإنسان حتى يوصل ، فالعبادة اجت تبني الانسان تبني المجتمع تبني الزوجة شلون تتعامل مع زوجة تبني الفرد بشكل عام، يعني مثلاً اني لما اجي الى السوق معاملتي شلون ؟ بكسب المال يعني شلون اكسبه كون اكسبة بطريقة صحيحة شرعية " ما اغش الناس ، كون التفت لاحكام البيع احكام الشراء ، ميزاني مثلا اخليه يرضي الله مو وزنوا بالقسطاس المستقيم فهاذي عبادة ، اني كون اخلي ابالي افكر دائماً بنظرية
( ان كنت لا تراه فهو يراك ) فالعبادة مو بكثرة الصلوات والصيام مو فقط بذني لا ، افرض واحد يتعامل مع ابنائه باسلوب حسن يقربه لهذا الطفل هذي عبادة ، يعني اكو نشوف البعض هامل الأمر وتارك الاسرة " يعني بعض الابويين ما دايرين بالهم على ابنائهم ، تره الحقيقة يعني اكو انحلال عدنه في وضع بعض الاسر ، الولد يعمل ما يحلو له ، هذا شنو سببه !!؟ سببه عدم مراقبة الأهل، ماكو متابعة ، تلكه الأم في وادي مشغولة ، والاب يطلع من لصبح يرجع بليل ، وحتى يمكن تلكاه مشغول بالصلاة في المسجد لكن مو هامه أمر الاسرة ، فهذا الولد وهاي البنت محد مراقبهم وين راحوا منين رجعوا ، مع من يلتقون ، النتيجة هذا يولد فراغ عند الأولاد بسبب عدم المراقبة ، يعني الاب ما ماخذ دورة ، والام كذلك ما ماخذه دورة ، فكون الام والاب يلتفتون لهاي المسئلة ، هولاء الاولاد اقربهم اقبلهم * احنه عدنه بالرواية عن أمير المؤمنين ،س، يكول اكثروا من تقبيل اولادكم فإن لكم بكل قبلة درجة في الجنة ،


●من بعد هل مقدمة نأتي للآية الكريمة

🔹لفظ العبادة لفظ عام ، يعني العبادة تصدق على الصلاة، تصدق على الصيام ،على هوايه اشياء بالحياة ، ف الله كرمه الإنسان بهوايه اشياء ، كرمه بالعبادة ، كرمه عندما جعله خليفة الله في الارض ، وهاي بما انه جعله خليفتهُ في الارض، يعني لازم تكون عنده اشياء تميزة عن باقي المخلوقات * ف الله عزوجل اطاه اجهزة متكامله توصل بيه للكمال اذا استعمله صح ، فضله وانطاه العقل ، اطاه قدرة ، انطاه إرادة وقوة ، يعني عناصر الكمال صارت عده ، بعد هو اصبح مخير شلون يستعملهن مو الاية تكله للمسلم ( خلق الموت والحياة ليبلوكم ايكم احسن عملاً ) شوف لا ايكم احسن اكثر اموال ، تره وحقج اكو بس تصير عنده اموال ياخذه الغرور ، فلاية تكله أيكم احسن عملاً مو اموال ولا ايكم اكثر اولاد ، اذن الله عزوجل من اعطانه ذني العقل والقدرة على التحمل والإرادة راد يساعدنه
زين ....كون انطيع الله بيهن نعبده نشكره على هاي النعمة ، فكل ما سعى العبد افاض الله عليه بالكمالات . لان الانسان المؤمن مرآة لصفات الله تعالى .



خل ارويلج هل الرواية

🔹يروى ان رسول الله ص صلى بالناس الصبح فنظر إلى شاب في المسجد وهو منزل راسه ومصفر لونه جسمه نحلان ، وغارت عيونه بالدموع ، ولصق جلده بعظمه ، سأله النبي ص شلون صرت يا حارث ؟ كاله يارسول الله اصبحت موقناً !! تعجب الرسول من كلامه ، كاله كل يقين اله حقيقة ، انت شنو حقيقة يقينك ، كاله يقيني هو الي احزنني واسهرني ليلي فعزفت عن الدنيا وما فيها ، كاله يا رسول الله كأني انظر الى عرش ربي وقد نصب للحساب يعني اشوف الناس هؤلاء الى الجنة ومتنعمين ، وهؤلاء الى النار يتعذبون "واني وياهم ، فقال النبي ص : هذا عبد نور الله قلبه في الإيمان، بعدين كاله ادعي الله لي ان يرزقني الشهادة معك ، وفعلاً دعى له النبي ورزقه الله تعالى الشهادة مع النبي ص ، فهذا اللون من العبادة من افضل العبادات ، هاي عبادة اليقين ، هو هذا الي دعى اليه النبي محمد ص، فكون المسلم يصير بهذا المستوى من اليقين من الايمان ،مو لكم في رسول الله اسوة حسنة ،يعني النبي صاحب هاي الشخصية العظيمة التي حيرت عقول العرب واليهود ، النبي محمد ص كسب بأخلاقه بتواضعه بعلمه وحكمته ، جميع الناس ، يروى انه صلوات الله عليه خلال اقامته في مكة ما كانت اله صله بالمجتمع الوثني بمكة ، ما كان يألفهم بعيد عنهم ، بعيد عن مبادئ الجاهليه " يعني الاشياء شنو اشياء الجاهليه ؟ يعني كان همه يتعبدون عدهم عبادة ` لكن مثلاً يجون للطواف مثلا يطوفون عرات حول البيت !! اجه الاسلام انطه نوع جديد من العبادة، انطه كرامة للمسلم ، شلون يطوفون الطواف ، اجه للنكاح ، انكحت الجاهلية كانت فاسدة ،اطاهم هنا انكحه ، معاملة جديدة شلون يتم العقد بين الرجل والمرأة وعلى اي شيء يقوم اجه كذلك للمعاملات ، خل نذكر شوية المعاملات ، لان المعاملات مهمه بالمجتمع ، مثلاً معاملة الربا صحيح بيه فائدة هذا محتاج يجي ياخذ فلوس من هذا بحجة القرض وياخذ فائدة ، هي هاي بيه فائدة وذاك من راح يطي فلوس هم يستفاد لكن
⤵

الشارع اجه ليش منع الربا ؟ منعه لوجود الفساد بيه ، لانه هذا المجتمع راح يعيش على اشياء مو مبنيه على عرق الإنسان وجهد الإنسان، الالوان من التبادل الاجتماعي عندهم بالسلوك كله رسول الله رفضه ، ووين كان يروح ، يروح الى غارِ حِراء هناك يعبد الله يتجهد فكان يوحد الله ، ويقلب طرفه بالسماء ، يتأمل ، الى ان تكامل عمره الشريف ٤٠ عام هبط عليه جبرائيل يحمل اول سورة من السماء الي كانت مفتاح القران الكريم، مفتاح عطاء الوحي ، بسم الله الرحمن الرحيم، اقرء باسم ربك الذي خلق، فهذه الشخصية العظيمة الي تحملت كل اعباء الرسالة
وتحملت ما اتحملت من قريش، شنو كان هدفها، هدفها الاول كان ارساء كلمة التوحيد ووحدة الامة الاسلامية" يروون المؤرخين ان النبي ص ايام مرضه قال :
اسمعوا .. اولاً: لا نبي بعدي ، وثانياً لا سنة بعد سنتي ، فمن جاء بغير ذلك فهو كاذب ، ثم
التفت الهم...بقه يوصي الى ان ، كالهم ولا تفرقوا واسلموا حتى تسلموا ، شنو معنى ولا تفرقوا يعني ليكن
الاسلام الي انه اتحملت من اجله العناء ليكن هو عصمتكم
تلتفون حوله ، الاسلام جاء ليوحدنا ، ما اجه حته يفرقنه ، فعلى المسلمون ان يعتصموا بكتاب الله الكريم وبالسنة النبوية الشريفة وبالحبل الذي وضعه الله بين الارض والسماء ، اني مخلف فيكم الثقلين كتاب الله وعترتي اهل بيتي ما ان تمسكتم بهما لن تضلوا من بعدي ، ثم اخذ بيد علي فرفعها وقال : هذا علي مع القرآن، والقران مع علي لا يفترقان حتى يردى علي الحوض .

_


انتهى إلى المصيبة .....

تمت بفضل الله
✍بقلم خادمة العترة

*أم فاطمة الشويلي*
#لا_اجيز_شرعا_حذف_الاسم.

.https://www.tgoop.com/fatame00

بسم الله الرحمن الرحيم

اللهم صلى على محمد وال محمد

(المحاضرة الرابعة والثلاثون )






《فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنفُسَنَا وَأَنفُسَكُمْ ثُمَّ نَبْتَهِلْ فَنَجْعَل لَّعْنَتَ اللَّهِ عَلَى الْكَاذِبِينَ》




*-المقاييس الموجودة الي رفدت البشرية واضحه؛ يعني احنه اليوم نقدم من نحب ونؤخر من نكره ، وحقيقة هذا المقياس، معاملته هو معاملة مو موضوعية شلون يعني ، يعني افرض واحد يقدم ابوه او اخوه ؛ هذا قدمه بسبب مؤهلاته مثلا ؟! لو عله مشتاه..؟
لانه من اقربائه "طبعا مثل هاي المقاييس تخليلك الحياة عبارة عن تنور يفور لان هذا صاحب المؤهلات شنو ذنبه يبقه جليس البيت يعني الكفاءة في بعض المجتمعات مع الاسف " ترمى بسلة المهملات دون وجهه حق افرض يموت المطرب الفلاني تلكه الالاف البشر حزينة علموده ويموت العالم الفلاني محد يذكره الا القليل ! هي هاي مقاييسنه اليوم مكيفين احنه شعوب إسلامية ؛ فالنبي صلى الله عليه واله لما دعى افرض بنته فاطمة للمباهلة مو دعاها لانه هي من دمه ولحمه لا ، دعاها راد يبين منزلته عليها السلام وكذلك الحسن والحسين وعلي عليهم السلام.


•-اذن هذا مقياس الحب والكره لازم نوخره من دربنه لان هذا بي حيف وظلم ؛ طيب شنو المقياس
الاسلام هذا مقياس الاسلام
اعرف رجال بالحق ، ولا تعرف الحق بالرجال .



والا شنو فائدة من مجيئ النبي وحده للمباهلة اذا بدون فاطمة وعلي والحسنان يعني التاثير يكون أقل في قلوب الناس


*-مجيئ اهل البيت كان بالصميم
اولا إثبات قدسية ومكانة اهل البيت وخاصة مكانة الزهراء .

*- يعني مرات يجي شخص يطرح فرد مسألة ويحاول يغطي الحقائق ؛ يعني بعض المخالفين يكول فاطمة هي بنت النبي ليس إلا ومنو شهد وكال بعصمته ؟!
وليش انتم مصعدين الامور وخابصينه...
بالنتيجة

•-الله عزوجل من امر نبيه يأتي بفاطمة يريد يبين منزلة المراة بالعموم " ومنزلة الزهراء بالخصوص ؛ ارجوكم التفتوا ..

حته يبين مكانته من ابوها ومكانته في الاسلام والمسلمين ولهذا تشوف حديث النبي فاطمة بضعة مني من اغضبها فقد اغضبني ومن اسخطها فقد اسخطني ، فلا يجي احد يشكك في قدسية الزهراء طبعا الكلام في فضل وعظمة هذه المراة كلام ذو شجون عجيبة هذه السيدة
لأنها ليست امراة عادية يقول النبي صلى الله عليه واله
عندما اسري بي إلى السماء اكلت من ثمار الجنة ، وعندما واقعت خديجة حملت بفاطمة يعني فاطمة من الجنة بل هي الجنة
بل افضل من الجنان باكملها ...

بصريح هذا الحديث القدسي
قال الله تعالى في الحديث القدسي لرسوله الكريم (صلى الله عليه وآله وسلم)
«يا أحمد لولاك لما خلقت الأفلاك، ولولا علي لما خلقتك، ولولا فاطمة لما خلقتكما》


*-لعد شنو تحمل من صفات خلت الله عزوجل يخلق الكون من اجله شنو من عظمة وقدسية اهلته لهل المستوى ؛ يعني قد يتبادر للذهب شنو معنى لفظ قداسه او قدسية .


*-احنه دائما نكول الله تقدست أسمائه او المرجع الفلاني قدس سره ؛ افرض المسيح يسمون كبيرهم القديس وما إلى ذلك

"طبعا هاي كلمة قداسة اجت من التكبير يعني تعظيم الشي


فلمن الله يقدس فاطمة يعني الله يحترم فاطمة ؛ يجل فاطمة
ولهذا يغضب لغضبه ويرضى لرضاه ؛ في الواقع نجد الغاية هنا في تفسير فاطمة سر الوجود
لان فاطمة مو امراة عادية تحمل فقط صفات الام والزوجة لا
بل ام للأمة و مربية للاجيال
كفانا فخرا يبنت احمد
انكِ من جنس النساء
بكِ رفع الله قدر
لنساء العالمين اجمع.



للاسف البعض يجي يقلل من شانية المراة يعني يكول هي كله مرة !
ويطرح فرد اشكالات يحاول يقنع بيه بعض العقول الضيقة وحدة منهن من هاي اللشكالات ..يكول الرجل افضل من المراة
زين نكله شنو دليلك ..
يكلك الرجل يرث حصة الانثيين
هسه هاي النظرية لو نجي نشوف مدى ثقافته مدى صحته نشوفهه تخسر ؛ ليش تخسر ؟ لان الحاكم بهاي القضية عادل ..ولا يظلم ربك احد .


النص القراني اشار الى حل مساله تقسيم الارث " طبعا الشريعة ما عده انحيازات لجهة الرجل او العكس .

•-لكن نريد نعرف شنو الحكمة من جعل نصيب الرجل ضعفي نصيب المراة
طبعا هنا عده امور نجي من نطرق اولا لو نتامل نجد ان الرجل افترضت عليه الشريعة اشياء ما فرضته عالمراه يعني الرجال يصرف عالبيت ، المراة ما تصرف عالبيت ، ما مسؤله عن اولاده ، تاخذ هاي الحصة الارث وتخليه بجيبه ؛ بينما الرجل لا - يكد ويتعب حته يوفر رغيف الخبز ، يوفر ثياب للعيال لاولادة يوفر طعام سكن ؛ وكل شي تحتاجه من لوازم الحياه
لكن المراه لا عفته الشريعة من هاي المهمة

•-يعني بالمفهوم العام وفرت اله ووضعت اله من يقوم بهاي المهام يصرف عليه فسهم المراة التاخذه من الارث بقه محفوظ يبقى على حاله اما الرجل لا وجبت كلنه عليه الشريعه الانفاق يعني لازم ينفق يصرف عليه وعله اولادها


تابع⬇️

" يكول الامام الرضا عليه السلام من سالوه هذا السؤال كالهم
لان المراة اذا اتزوجت اخذت ،والرجل يعطي فلذلك وفر على الرجل
يعني المراة من عيال الرجل

طبعا كلنه بالجاهلية المراة لا تورث بالنتيجة
بعض الناس لليوم ما يكدر يطلع من هذا الطابع ومن العرف الاجتماعي متجزر بي ...
وأعتقد الذين منعو الزهراء من إرث ابيها بحجة النساء لا تورث !!ذوله
ما تحرروا من هاي القيود؛ قيود الجاهلية..لان ماخذيه موروث اجتماعي
و متجذرة بيهم.




بالنتيجة فاطمة صلوات الله عليها ما نصفوه القوم ...لا في ارثها ولا بحقه
يعني ك ابنت نبيهم وكان عليهم طاعته ؛ هسه على الاقل محبته فعانت ما عانت من الويلات من هؤلاء القوم .
وبقو ذولة جيل عن جيل..يبيتون العداء والبغض لفاطمة وأبنائه .

#خل ارويلج هل الرواية

كان المتوكل العباسي وقح مع اهل البيت
طبعا مجلسه كان مشهور بالفسق بالفجور والبذاءة " طبعا دائما ما تلكَله الخط المعادي
يعني صاحب السلوك المنحط هواي ناس تصفكله وتجامله عله حساب الحق ..لكن ثق في قرارة نفسه هذا كلش زين يعرف منهج هل الانسان خطأ..وهي في الواقع شنو ؛ هاي المجاملة تنطوي تحت مصالح مادية و مصالح شخصية وهاي واقعا موجودة هواي .


فالمتوكل رجل جسر ..وصلت بي الدنائه يشتم فاطمة صلوات ربي عليها كدام أبنه وكدام وزرائه ابن المتوكل
شلون كانه ضاج من أسلوب ابوه لان الشتم مو شيمة اخيار
فهل السلوك اثار غضب الولد وقرر يقتل ابيه وفعلا راح للقاضي كاله اذا شخص تجاسر عله فاطمة شنو جزاءه القاضي كله ان فاطمة احد اللذين شهد الله لهم بالعصمة في قرانه

"- فاذا شخص أتجاوز عله ساحته المقدسة فهو كمن ينكر القرآن يعني كافر ويجوز قتله ؛ بل في قتله ثواب لان هاي حدود الله فلا تعتدوها ..

*- بس كله لانه ابوك اذا تقتله يقصر عمرك بالنتيجة قتل الولد ابوه وقطعه اربا اربا وجلس هو بمكان ابوه عله كرسي الخلافة

•-لكن ما طول ست شهور وقتلوه مو جاء في الحديث الضالم سيفي انتقم به وانتقم منه

*- جاء في الروايات
في يوم القيامة جميع الناس ترجع أحياء حتى يتقاضون أجرهم ، حتى اهل القبور يخرجون ويجتمعون بصحراء المحشر ؛ فيسمع النداء من جانب الله عزوجل《 ايها الناس غضوا ابصاركم حتى تدخل فاطمة الزهراء》

يجي ملك يكول لفاطمة عليها السلام أمرني شنو تردين اني مسخر لخدمتج كل شي تردين اطلبي " شتكله الزهراء ..؟ تكله اطلب الشفاعة لأبنائي وشيعة ابنائي...

*- في الحقيقة الشيعة الي يحبون أبناء الزهراء ينصرون أبنائه..فيكول الامام الباقر عليه السلام ؛ يقبل الله شفاعة فاطمة عليها السلام.
بعدها تقول الزهراء ...حمدا لله الذي ابعد الحزن عني وقر عيني .



*تمت بقلم خادمة العترة *
*خطيبة المنبر *
✍ام فاطمة الشويلي .

والحمد لله رب العالمين .

#لا اجيز حذف الاسم .

-----📚 المصادر .
قصص وعبر / لعبد الحسين دستغيب ص ٢٠٢ و ص٢٠٥
رواية المتوكل 👆
-----📚قصص القرآن / لآية الله الشيخ ناصر مكارم الشيرازي .


---📚حديث لو لالك يا احمد روى الحديث صاحب عوالم العلوم نقلا عن كتاب الجنّة العاصمة .


https://www.tgoop.com/fatame00

قال رسول اللّه (صلى الله عليه وآله):
إِنَّ فَاطِمَةَ بَضْعَةٌ مِنِّي وَ هِيَ نُورُ عَيْنِي وَ ثَمَرَةُ فُؤَادِي يَسُوؤُنِي مَا سَاءَهَا وَ يَسُرُّنِي مَا سَرَّهَا.
📚الأمالي( للصدوق)، النص، ص: 487.

بسم الله الرحمن الرحيم
   اللهم صلى على محمد وال محمد


( المحاضرة الخامسة والثلاثون )


《ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ》





*-القوى الي اوجدها الله في الانسان معروفه عدنه قوى الخير وقوى الشر ، لكن ذني كل وحده مخليله مقاييس ، مخلي مقاييس للخير يعني "  افرضي اذا كثر امواله اذا كثرت اولاده ؛  اذا التفت حوله الناس مثلاً " هذا نعتبره خير
لكن منو يكول هذا المقياس صحيح ؟! احنه نرجع الى امير المؤمنين صلوات الله عليه يرشدنا بهاي القضية يكول : ليس الخير واحد تكثر امواله او يكثرون اولاده لا " الخير ان يكثر علمك  يكثر عملك الصالح الطيب الينفع المجتمع ؛ يُعضم حلم الانسان فهذا المقياس كون نغيره احنه .


*-لذلك فعل الخير والشر  يعني نكدر نكول مقرون بعمل الانسان
فلا يتصور الانسان كثرة الاموال خير لا ؛ لان هاي بيه هواي امور
يعني كثرة الاموال ممكن تجر الانسان الى الترف  الى اشياء
يعني ما يشعر بجوع الفقير ؛ والبعض يباوع للفقير بعين الزغيرة  ؛ يحسه كأنه مو من مستواه.. لانه يشوف نفسه افضل


•-مو بس هاي يعني بعض الرجال اول ما تكثر امواله يفكر يروح ياخذ مرة ثانية وموجود هل اللون هذا  ؛ فهذا احتمال يكون شر ، لان اسرة هادئة ما عده مشاكل يعني مشيه اموره ؛ اكو تفاهم ، بالنتيجة المراة الصالحة الاليفة والولد المؤدب هذا خير  يكول الامام الصادق وخير واسع وكذلك
الزوج المتفهم ؛  الي كل همه يشوف  شؤون بيته هو هذا الخير بعينه .


•- احنه لما ندخل الى حياة المعصومين ونشوف افعالهم في قبال المسيئ الهم " نجد المقياس عدهم مختلف عن مقاييسنه
فميزان الخير والشر  عند الامام الكاظم هكذا ...


كان رجل من ذرية عمر ابن الخطاب هواي ياذي الامام يعني اذا شاف الامام الكاظم يسبه ويشتم جده علي - بالمقابل الامام
كان يسكت ؛ اصحاب الامام انفعلوا من فعل هذا ' كالوله دعنا نقتل هذا الفاجر ..

*- الامام صاح بيهم زجرهم ما قبل الهم
الامام شسوه راح لمزرعة ابن خطاب من شاف الامام هذا ابن خطاب صاح عليه  لا تطئ زرعنا ..الامام الكاظم كأنه ما سمعه  وصل يمه ؛ لما وصل يَمه،   لاطفه حاجاه
ساله الامام كاله:  زرعك شكد مخاسيره ؟  شكد خسرت عليه وبيش ناوي تبيعه مثلا ؟ كاله يعني خسرت عليه مئة دينار
واجتني  منه ميتين ؛

' طلع الامام عليه السلام  صره بي تلثمين دينار 
كاله :  ( هذا زرعك على حاله والله يرزقك )


•- هذا حقيقة  من شاف  الامام هيجي بهل الروعة هاي وهل خلق   العظيم خجل هذا ابن خطاب  ؛كام قبل الامام ، اعتذر منه ،  كاله اصفح عني ..

*- تبسم الامام .. المهم  لكاه بالمسجد  كاعد كدامه
صاح ابن خطاب  من شاف الامام
《الله اعلم حيث يجعل رسالته 》 عاد هنا اصحاب الامام تعجبوا
لما آلا اليه الامر .



الامام الكاظم صلوات الله عليه
*- عاش بفترة مضطربة بيه احوال المسلمين الي كانوا في خطر من الانقسامات "  الاسماعيلة من جهة
طبعا اسماعيل هو ابن الامام الصادق يعني اخو الامام  الكاظم
الحقيقة اسماعيل مات في حياة الامام  الكاظم .

•-ورغم  توضيح الامام الصادق لهذا الامر بان ابنه اسماعيل مات وهذا ابني الامام الكاظم " هو الولي من بعدي  انتبهوا ..

- لكن همه بقوا مصرين شسوي لبعض العقول قافله صم بكم عمى فهم لا يفقهون .


*-بالنتيجة اخذوا الاتجاه المعاكس
والفرقة الثانية اسمه الفطحية
نسبة الى عبد الله  الافطح اخو اسماعيل " في الواقع الامر ما  اختصر  عله هل  الفرقتين لا ، صارت فرق كثر " كما ورد ..
•-عن رسول صلى الله واله تفترق امتي من بعدي الى سبعون فرقة كلهم في النار الا فرقة واحدة ناجية ..



*-في الحقيقة هاي الانقسامات تأثر تاثير مباشر
بالامة من ناحية الاقتصاد افرض
يعني جماعة فلان عله حده  وجماعة فلان عله حده  ؛ فتصير محاصصة ؛ بالتالي اختلاف بالاراء  ، كلمن ياخذ برايه 

*- والاسلام هواي حذر من هاي الانقسامات ..وامتكم امة واحدة وانا ربكم فاعبدون ؛ اكو ضوابط
تمشون عليه ، اكو امام حجة مسؤول ارجعوا اليه في اموركم ،  لا كل شخص يستفرد برايه .

فالامام  رغم جهل بعض الناس بامامته؛ جهل الامة بامامة  الكاظم وتضييق العباسيين له ،كان يواجه هاي الاشياء بكل صلابه وقوة .

*- يذكر الرشيد سال الامام كاله انتم تكولون احنه ذرية رسول الله وانتم ولد علي ، والمعروف الرجل ينسبوه الجده من جانب ابوه مو الجده من جانب امه
فشلون تكولون احنه ولد رسول الله وانتم. علي ...؟!


•-عاد الامام  جاوبه  كاله : لان
الله سمانا اولاد رسول الله في كتابه ...كاله وين هذا ؟
  كاله
ومن ذريته داوود وسليمان وايوب وويوسف .

*-وليس لعيسى النبي اب مع هذا لُحق بذرية الانبياء من جانب امه مريم

*-واحنه كذلك الحقنا الله من جانب امنا فاطمة " بعده تلى الامام عله هارون الرشيد اية المباهلة . 

حقيقة هارون ضل مدوهن صافن ما يعرف شنو يرد ويجاوب
👇

(نرجع للاية الكريمة ) ادفع بالتي هي احسن ...

*-طبعا مر علينه خلال الكلام ان الامام واجه انقسامات الامة وعدم معرفتهم بشخص الامام كلنه هو من جهلهم ؛ فاليوم احنه نريد نخلي ايدنه عله اشياء ان تبدوا لكم تسوؤكم شلون يعني..؟

•-يكول الامام الصادق عليه السلام
(ثلاثه يشكون الى الله يوم القيامة )

شنو هنه؟ يكول  مسجد خراب محد يصلي وقران معلق وضال فوكه التراب  وعالم بين جهال .

*- هذا العالم الي بين ناس ما قدرته ما انطته حقه؛  تجهل شنو مكانته العلمية هذا العالم يوم القيامة يشتكي الى الله تبارك وتعالى .

*- بالتالي احنه نشوف اشياء تدمي القلب في الواقع انقسام الموالين...الى فرق
والبعض للاسف يمس بعض رموز الدين "  يعني لازم الانسان يكون حذر من يجي الى مقام المرجعية ؛ لان هذا مقام عالي مو مقام بسيط ، يعني مو شي بسيط وعادي اتعامل وياه 🚫

او احجي حجايه بحقه مو زينه
ورد في حديث عن رسول الله صلى الله عليه واله : علماء امتي
افضل من انبياء بني اسرائيل .

•-يعني العالم الي حاصل عله هيج منزله احنه نجي نتهجم علي ببعض الكلمات ..؟!


*-اكول احنه لو نرجع اشويه الى العرف الاجتماعي ؛ رجل الدين سابقا كانت الناس  ؛  تتعامله وياه
غير  شكل ، شنو السبب ؟


*-البعض اليوم يسمح لنفسه يِدخل بشؤون المرجعية ؛ يعني هاي الفتوى كون هيج  وذيج لا ؛ انت شنو معرفتك بالقضايا العلمية ؟!

*- يااختي اني وياج ناس بسطاء ما عدنه اطلاع العلماء ولا علم المراجع .
ما عدنه معلومة ؛ هذا اختصاص
ولكل ذي اختصاص اختصاصه .

يعني  احنه ما نسمح لانفسنا ندخل بوصفه علاج الطبيب ؛ يعني الطبيب لما يكتب وصفه لمريض
احنه ما نكدر اناقشه ؛ليش لان  ماعدنه علمه ولا معرفته   ؛ نفس الشي بالنسبة للمراجع .

•-فكون نراجع حساباتنه وننتبه بهذا الامر ؛ لا يكون ياخذنه هوانه الى اشياء يرفضه نهج اهل البيت عليهم السلام
واعط كل ذي حق حقه .


📌-يذكر هارون كان من ابغض المعادين الى نهج اهل البيت وهاي حياته عبارة عن لهو ووجود الغانيات  وبذخ الاموال

بالحقيقة هو  اكثر شخص ضرب رقم قياسي في قتل العلويين وسفك دمائهم .

" وهواي اشياء قبيحه عنده سجله التاريخ عليه   " منها نبش قبر الامام الحسين عليه السلام ومنع زيارته .

*- وعذب الامام الكاظم اشد تعذيب من سجن السجن خلاه قضى زهرة حياته بالسجون وتالي دس اله السم بيد جماعة .


   *انتهى*


تمت بقلم خادمة العترة .

   *خطيبة المنبر*

     * ام فاطمة الشويلي *

لا اجيز حذف الاسم .

https://www.tgoop.com/fatame00

_

مشاهدة "لتسكنوا اليها ح1 | المودة بين الزوجين" على YouTube
https://youtu.be/v6oDw_5g_YY

📌 محاضرة عن مناسبة استشهاد الأمير عليه السلام .



📌_تصلح أن تكون محاضرتين لأنها مطولة .

#محـاضــرات نســويــة بلاغيــة
مڪــتوبــة بــﻃـــرﯾــــقـة بــسيــــطة ﺟــــﺪا .

#المحــاضــرة الاولــى


1-جهـــاد النــفس والاخــذ بها لارقــۍ المــراتب.

https://www.tgoop.com/fatame00/5






#المحــاضــرة الثــانيــة

2-درجــات الايــمان بالله تعالــۍ.


https://www.tgoop.com/fatame00/23


#المحــاضــرة الثالثة

3-ما للمــراة من حقــوق ومــا عليــها .

https://www.tgoop.com/fatame00/24




#المحــاضــرة الرابــعة

4-ڪيــف تقـي نفســك واهلـك من الوقــوع في المحــرمات.

https://www.tgoop.com/fatame00/29
https://www.tgoop.com/fatame00/30





#المحــاضــرة الخــامســة

5ـ التــوبـة والعــمل الــصالــح.

https://www.tgoop.com/fatame00/37
https://www.tgoop.com/fatame00/38


#المحــاضــرة الســادســـة

6ـ حـول امـوال الايـتام ..والــصـدقة واثــارها.

https://www.tgoop.com/fatame00/43



#المحــاضــرة الســابـعـة

7ـ ميــزان التفــاضــل بيــن الـرجل والمراة

https://www.tgoop.com/fatame00/83


#المحــاضــرة الــثامــنة

8ـ عـن حــياة الامــام الحـــسن عليــــه السـلام

https://www.tgoop.com/fatame00/93



#المحــاضــرة الـتاســعة

9ـ اثــار الســحـر وحكــمه


https://www.tgoop.com/fatame00/48



#المحــاضــرة الــعـاشــرة

10 ـ الحــســد واثــاره.



https://www.tgoop.com/fatame00/59



#المحاضرة_الـحادية عشر
11-ـ عــن حجــاب الــمــراة

https://www.tgoop.com/fatame00/1199

https://www.tgoop.com/fatame00/1201





#المحــاضــرة الثانية عشر
12- عن الصـــبر والصــلاة

https://www.tgoop.com/fatame00/1925
https://www.tgoop.com/fatame00/1926
https://www.tgoop.com/fatame00/1927








#المحاضرةالثالثة عشر
13-ـ  عن انتظار الفرج

https://www.tgoop.com/fatame00/133

https://www.tgoop.com/fatame00/134





#المحاضرة الرابعة عشر

14-اهمية احياء الشعائر .

https://www.tgoop.com/fatame00/10890
https://www.tgoop.com/fatame00/10891




15-ميزان البخل والاسراف والكرم.


https://www.tgoop.com/fatame00/10803
https://www.tgoop.com/fatame00/10804

16-صلة الارحام .
https://www.tgoop.com/fatame00/10875

https://www.tgoop.com/fatame00/10880


17-محاضرة أخرى عن احياء الشعائر.

https://www.tgoop.com/fatame00/63


18-اهمية زيارة القبور

https://www.tgoop.com/fatame00/65


https://www.tgoop.com/fatame00/67


19-السيدة ام البنين عليها السلام رمز المراة المسلمة

https://www.tgoop.com/fatame00/70

https://www.tgoop.com/fatame00/73



20-اثار الدعاء ..وموانع استجابته.

https://www.tgoop.com/fatame00/7741
https://www.tgoop.com/fatame00/7743

21-محاضرة عن الاخوة.

https://www.tgoop.com/fatame00/7909
https://www.tgoop.com/fatame00/7910



22-محاضرة عن قضية الامام الحسين عليه السلام

https://www.tgoop.com/fatame00/10833

محاضرة عن الاخوة.

https://www.tgoop.com/fatame00/7909
https://www.tgoop.com/fatame00/7910

{{محاضرة عن بر الوالدين}}
https://www.tgoop.com/fatame00/4865

https://www.tgoop.com/fatame00/4867

محاضرة عن الالتزام بالحجاب.
https://www.tgoop.com/fatame00/10590

https://www.tgoop.com/fatame00/10591