السلام عليكم
من تود الدخول لمجموعة تعليم أحدث الأطوار والمحاضرات
فل تتفضل على هذا الرابط
@Faoir90



"تنويه"
المجموعة للنساء فقط

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ


•﴿ أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ * تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ * وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ }•


✍*بعض المفسرين يشير أنه هذه الشجرة الطيبة هي شجرة النخلة ، وكل شجرة مثمرة مثل شجرة التين الرمان يكول المقصود بالشجرة الطيبة هي هاي المقصود بيه ،والشجرة الخبيثة شجرة الحنظل يكول " اكو رأي وهذا حقيقة احنه من إنّمر بشجرة النخلة ،النخلة إله فوائد ؛التمر هذا كان في الحروب الاسلامية ،المسلمين من ينطلقون بالحروب كان غذائهم التمر ، إلحفريات هايه الي دلت على الفراعة يكول هواي كانوا يقدرون ~ حته كان منقوش عله الجدران عله مقابرهم معابدهم التمرة وما فوائدها ، وفعلاً اليوم العلم يكول لتمر هواي غذاء مهم لذلك في أوربا اليوم هواي يوصون الناس أنه اهتموا بالتمر لان بيه فوائد جما ،لذلك القرآن اكد على هاي الحقيقة يعني يكول طعام مريم عند ما كانت تلد عيسى" القران كله هُزي اليكِ بجذع النخلة يتساقط عليكِ رطباً جنيا فَكُلي واشربي وقري عينا .
وهذا الرأي الشجرة الطيبة هي النخلة هذا رأي للآلوسي جاء في تفسير الألوسي هكذا هذا الرأي.
⤵️
💎الرأي الثاني يكول الله جعل أصل الإيمان بهِ التوحيد ،فالتوحيد هو الأصل الي تنمو عليه هل الشجرة ،شجرة سعادة الإنسان يعني وتتفرع هاي الشجرة من أخلاق كريمة الأخلاق الطيبة داخل الأسرة بالمجتمع فهاي الكلمة الطيبة والكلمة الخبيثة الي إجه التشبيه بيه بالشجرتين إله مفهوم أوسع شلون أوسع؟ يعني بحيث تشمل كل شخص وكل برنامج طيب كل شخص طيب أوخبيث نعوذ بالله ،كل مبدأ وفكر وعلم وقول وعمل طيب او خبيث
🔮*هذا المفهوم حقيقة أوسع ليش لان هذا الإنسان بالنتيجة لما يجي الى كلمة التوحيد لا شك كلمة طيبة هذه
يعني احنه لما نجي للشريعة ،الشريعة حافظة دم الإنسان وعرض الإنسان، أموال الإنسان مخليته في موضعه الطبيعي بالمجتمع ،هاي كلمة طيبة بلا شك يجي واحد يكول ربي اني اسألك مثلاً تدخلني الجنة وأسألك مثلاً العفو واطلب هواي اشياء من عندك تمام لكن هذا بالمقابل عليه ان يقدم عمل ،يستحق بيه مثلاً الجنة يستحق بيه العفو هذا الإنسان من يجي يطرح فكر بالمجتمع كون هاي الفكرة بنائه تبني مجتمع تبنيلي شاب مقبول هاي كلمة طيبة ، ف الله جل وعلا يريد يعني يعلمنه ان لا نعيش ب احلام اليقضة يعني لا نتوقع أن نحصل على كل ما نحلم بهِ مو هي اكو المصيبة يعني هل الايام دايرة أشياءحول الاحلام واشلون تتحقق ميخالف الحلم كون يتحقق بمقابل
💎*واحد يريد الجنة مو يجي يقدم مهرها ،شنو مهرهَ= مهره فكرة صالحة قول صالح عمل صالح شخصية صالحة للمجتمع هذا مهر الجنة ،فهذَني الاشياء الطيبة الله عز وجل يريدهن الله يريد يخلصنه من الأحلام الفارغة يعلمنه مبدأ اعطي كي تأخذ مثلاً لذلك احنه انشوف الشعوب التي حصلت ما حصلت عليهِ يعني ما إجت اعطت دون ان تأخذ مكانه شي لا إجت اعطت من راحته ، طلبت العلم اعطت مقابله السهر ،اعطت من حالاته الاجتماعية استقراره حتى وصلت إلى حالة مستقرة من النظام وهاي الأشياء كون الانسان يشوف هاي الكلمة الي جاي يطلقه بالمجتمع كلمة هدامه كلمةَ اله أثر ؟
📌للاسف اكو البعض بس يختلف وي شخص ولو اختلاف بسيط ينسه كل جميل لذاك الشخص ، فتشوفه يفرغ كل طاقته بالسب والشتم يكوم يفتش وراه ، هاي بس شويه ما اتماشى وي اهوائه الشخصيه ،لو انظربت مصالحه !! فبعض الكلام يأذي يقول سيد البلغاء : رُبَ كلام أنفذ من سهام، والحقيقه هذا اول ما يضر ،يضر نفسه لأن ثبت علمياً الإنسان العصبي اكثر عرضه للأمراض لان هذا الشد العصبي يأثر عله الصحة ويأثر حته على الذكرة ، وهاي جاي تشوفون الامراض يوميه مرض شكل ، بل اثبتت الدراسات يضعف جهاز المناعة عند الإنسان وبالتالي يقصر العمر ، وهناك ينتظر عقابه عند الله بسبب سوء خلقه وتعامله ويه الناس ، اسأل الله ان يعافي جميع المسلمين ، ولهذا أمير المؤمنين علي ع ، يقول عود لسانك لين الكلام وبذل السلام يكثر محبوك ويقل مبغضوك ، أرجوج الكلام تره كل الدواء قليله ينفع وكثيره قاتل .هو هذا اللسان لحمه مو، بس بيه توصل تحصل الجنان وبيه تدخل النار ..
🔮*يعني اليوم صاير فد لون عند الناس من يمشي بالشارع صوته عالي وكلام ما ادري شلون والرايح والجاي منزعج منه ،تره هذا شي مو حضاري عل العكس ، وللاسف اذا تنصحه ولو كلام بسيط ما يتقبل منك ويرد عليك فرد رد مو جميل ،مو الآية تقول :

الكلمة الطيبة كشجرة طيبة اصلها ثابت وفرعها في السماء تؤتي اكلها كل حين
ثمارها باي وقت ما بيه وقت محدد ، 📍علي أبن أبي طالب ص ، مر برجل يتكلم بفضول ،انتي شايف البعض شلون يدخل نفسه بأشياء ما عنده معرفة ولا معلومة عنه مثلاً اكو تشوفه بالمسائل الشرعية يحددلك هذا حلال وهذا حرام بكيفه ،يعني هسه واحد يريد يعالج بدنه يروح للطبيب، واحد يريد يعالجله خَشَبة يروح للنجار ؛ واحد يريد معلومات يروح للمعلم ،كل واحد حسب اختصاصه هاي سيرة عقلاء " بس من توصل الشغلة للمسائل الدينية الكل يصير فقيه ومفتي ! ف امير المؤمنين ع وقف عله هذا كله ياهذا انك تملي حافظيك يعني ملائكتك جاي تسجل كتاباً الى ربك ،فتكلم ما يعنيك ودع ما لا يعنيك ، ف شاهد الحديث المسألة الي ما اعرفه ليش اتكلم عنه ما ءاجوز بكيفي الحديث يقول : من أفتى بغير علم لعنته ملائكة الرحمة وملائكة العذاب مو بس هاي ويلحكه وزر من عمل بفتياه ! اذن كون الانسان يوزنه هل كلمة قبل ما تطلع مثل ما يكولون ،يشوف هل لكلام مناسب أوغير مناسب

👈خل ارويلج هل الرواية

📍بعهد احد الملوك ،الدولة خلت إعلان الي يكول كلمة طيبة اله جائزة ٤٠٠ دينار ، يوم من الأيام الملك يتمشى ويه حاشيته شاف فلاح عجوز يغرس شجرة زيتون "كاله الملك ،انت ليش تغرس هل شجرة وهي تحتاج عشرين سنة يله تثمر ،وانت رجل كبير ودنى اجلك ، رد عليه الفلاح كاله السابقون زرعوا واحنه حصدنه واحنه هم نزرع ولناس تحصد ،الملك انعجب ب كلامه كاله احسنت هاي كلمة طيبة " أمر حاشيته يصرفوله الجائزة ،اخذه الفلاح وابتسم ،كاله الملك ها ابتسمت ! الفلاح كله شجرة الزيتون تثمر بعد عشرين سنة وشجرتي اثمرت الآن، كاله الملك احسنت اعطوة ٤٠٠ بعد ، الفلاح
اخذه وابتسم كاله الملك هم ابتسمت كاله اي شجرة الزيتون تثمر مرة بالسنة وشجرتي مرتين ،هم صرفله ٤٠٠ بعد ،ومشه الملك ،كاله رئيس الجنود ليش اتحركت بسرعة !كاله الملك اذا كعدت للصباح خزائن اموالي كله تنتهي وكلمات هذا العجوز لا تنتهي ..

💎* اذن الكلمة الطيبة العمل الصالح هو هذا ارجوج يعني اشكد العمر هنه اشكم يوم يكَظيه الإنسان ويروح الى تلك الدار يحصد الي زرعه ، وبالتالي هو متأذي ومأذي لناس وياه كون هل الاشياء إيبدله" المسلم عنده نُبل عنده شهامه عنده اشياء جيدة .
🔮يروئ... معاوية لمّا زحف لحرب الإمام علي أبن أبي طالب عليه السلام استولى على الماء اعتبر ذلك أوّل الظفر، فمن اجه الإمام ويه جيشه لكه حوض الفرت محتلّته جيوش معاوية، طلب منهم يسمحون لجيشه يتزوّدون من الماء، فقالوا له: لا والله ولا قطرة حته تموت ظمأً مثل ما مات ابن عفّان، الامام علي ع من شافهم هيج امر جيشه باحتلال الفرات، فاحتلّته قوّاته ولماء صار تحت سيطرتهم ، أصحاب معاوية مشوا بالبيداء ما عدهم ماء ، أصحاب الإمام شاروا عله الإمام " كالوله إمنعهم من الماء يا أمير المؤمنين مثل ما منعوك، ولا تسقهم منه قطرة وحدة، واقتلهم بسيوف العطش، وخِذهم قبضاً بالأيدي، فلا حاجة لك في الحرب،كالهم عليه السلام «لا والله لا أكافئهم بمثل فعلهم، أفسحوا لهم عن الشّريعة ففي حدّ السّيف ما يغني عن ذلك» نعم هاي هي الروح هذا أمير المؤمنين
💥✨ رسول الله ص: يقول لو اجتمعت الناس على حب علي أبن أبي طالب لما خلق الله النار
بئس للظالمين من بدل ، هي هاي روح أمير المؤمنين ع ومواقفه ومعاملاته شوف شلون مع اعدائه ولهذا تشوف البعض ما اتحمل هل روح هاي ،الى ان جعلوا لعن علي سنة ينشأ عليه الصغير ويهلك عليه الكبير
سبعين الف منبر يلعن عليها علي أبن أبي طالب ولناس في سبات، ام سلمة رضوان الله عليها اعترضت ، يكول دخلوا عليه جماعة فكالت لشبيب بن ربعي ...يسب رسول الله ص في ناديكم؟! كاله وانى ذلك !؟ كالتله وعلي بن ابي طالب؟ سمعت رسول الله (صلى الله عليه وآله) يقول من سب علياً فقد سبني ...؟ الى ان وصل بيهم الحقد والغل الى قتله وهو يصلي في المحراب وكمن له عبد الرحمن بن ملجم لعنة الله عليه وهو ساجد فقال امير المؤمنين ع فزت ورب الكعبة.


أنتهى ...نسألكم الدعاء

#ام فاطمة الشويلي

بسم الله الرحمن الرحيم

اللهم صلِّ على محمد وآل محمد

(المحاضرة الاربعون)


(يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ)



✍بقلم ام فاطمة الشويلي.

📌بعض الأمم سابقاً كانت عدهم تصورات عن المراة قاسية، لم ينصفوها للمرأة. كان يعتبروها مخلوق ناقص مخلوق مو متكامل، نظرتهم اتجاة المراة،يعني عدهم المراة فد.شي هامشي لا يستحق الاحترام والتقدير، تعاي نشوف شنو هاي التصورات، بعضهم يگول ان الله خلق المراة من اجل الرجل! يعني لولا وجود الرجل بالحياة ماكو معنى لوجود المراة! بمعنى ادق هي وجودها بالحياة بس علمود الرجل، هسه ما اعرف؛ يقصدون؟ يعني قصدهم حته تلبي رغباته
لو تخدمه، عله كلاً، بعد
يكولون المراة لازم اطيع الرجل في كل صغيرة وكبيرة، صح خطأ، المهم تمشي وراه وهي مغمضة،
هسه احنه نجي نشوف هل الكلام صحيح لا، نعرضه عله الروايات ونشوف صدقه من كذبه،
جيد..


(ينقل.. جاءت امراة الى رسول الله صلى الله عليه وآله، قالت يارسول الله ما حق الزوج عله الزوجة، قال : ان تطيعه ولا تعصيه، ولا تتصدق من بيته الا باذنه، ولا تصوم تطوعاً الا باذنه؛ الى نهاية الحديث..)

- هسه البعض يفسر هذا الحديث عله مشتاهه احنه ماالنه علاقة بي
احنه نباوع للحديث من ناحية الشريعة الإسلامية، يعني نريد نفهم بشنو لازم اطيع المراة زوجه
تكول الشريعة عله الزوجة ان تطيع الزوج بامور.. تطيعه مثلا ، ما تخرج من داره الا بعلمه، واحنه نعرف الحديث من خرجت من دارها بدون علم زوجها لعنتها الملائكة الى ان ترجع
بعد، الزوجة لازم اطيع الزوج، يعني تلبيله رغبته نومته مو، يعني مسالة التمكين تمكنه من نفسه ، وقد يكون هذا اهم امر بالاطاعة يعني يعتبر حلقة ربط بين الزوج وزوجته.
لكن الزوجة اذا كانت مريضة، يعذره الشرع يوكف وياهه لحد ما تتعافه


بعد يگول، ولا تتصدق ولا تصوم تطوعا يعني مستحب مو واجب ، ذني كلهن نمر بيهن ان شاء الله ونوضحهن،
هن ذني الي الزوجة لازم اطيع زوجها بيه، لكن للاسف اكو اشياء غلط.. يعني بعض الزيجات نشوفه طالعة بملابس بالگوه مدخلته،ضيقه، لو قصير لو خفيف يلالي، الحجاب طالع نص شعرها
يعني ملابسه مو مال امراة محتشمة عفيفة مفصله تفصال، خلاصة.. عرض تام وتفصيل ممل للجسده ولجاي والرايح يستمتع بالنظر لهل الزوجة
فهاي من توجه اله سؤال، شنو هل الملابس تكلك زوجي يريدني اطلع هيج، هو قابل انتم شعليكم، هذا زوجي ولازم اسمع كلامه واشوفه شنو يكول وانفذ، خو هاي خربطة واضحة وضحك عله عقول السذج، لا طاعة لمخلوق في معصية الخالق، هسه هذا الكلام بي جوابين، احنه نوجه نداء للرجل ونداء المراة

اولا : المراة العفيفة الي تربت عله الاحتشام تربت عله الالتزام ما يجي زوج او اي كان يخليه تغير مبادئها وقيمها الاخلاقية فضلاً عن ادبه الإسلامي، لكن هذا تهاون ، والقران هنا يوضح
يكول زين لهم الشيطان اعمالهم،، بالنتيجة هاي خدعة من خدع الشيطان.



- والنداء الثاني نوجه للرجل،
نكله هذه المراة الله جعلها حليلة الك خاصة بيك، انت ليش هيج،تخلي الجاي والرايح يباوعلها ،غيرة ماكو، واحد عنده ملك خاص يحوله عام ليش عجيبة، الغيرة وينه؟! الرجل اذا انزعت الغيرة صار، اشبه الحيوان. ياهو اليجي يستمتع ،، انت انسان والله كرمك ليش تهين نفسك وتتراجع؟!


_ الرجل الي ما يغار عله عرضه شنو فرقه عن الحيوانات، الحيوانات بالغابات ذكر وانثى، بالنتيجة الرجل ما يصير يعرض زوجته ك سلعة رخيصة لعيون الرجال، الزوج الي يحب زوجته يحرص عليه يحميها هي هاي شيم الرجال، فكون يلتفت الي رايح زايد بقصد التحضر والموديل وما اعرف شنو، هاي اكذوبة خدعونه بيه واحنه صدكناها.

📌القران الكريم تبيان لكل شي، يعني يبين الامور الغامضة، او الامور الي تختلط علينه.. تارة الحكم واجب، وتارة الحكم المستحب.
- السيدة اسيا زوجة فرعون، اسيا كانت تعاني من ضغوطات بحياته مع زوجه فرعون الكافر، فرعون مثل ماتعرفون دينه مختلف عن اسيا و منهجه مختلف عن منهجها ، فاسيا كانت تعاني اشد عناء من زوج متكبر وظالم.

لكن اسيا كان عليها واجب شرعي اتجاه فرعون، واجبها الشرعي يحتم عليها تتطيع فرعون
ك زوج من جانب، ومن جانب اخر لا تطيعه، وتعصيه، وكلنه هل زوج ظالم ومتغطرس وصاحب سلطة
اسيا طبعا احد المبشرات بالجنة يعني عله درجة عالية من الايمان
تعرف شلون تزن الامور تعرف هل الامر بيه مصلحة تتبعه وهل الامر بيه مفسدة تتركه.

الي اريد اكوله، هاي المؤمنة الي تكول زوجي يكلي لبسي ضيق وزوجي يكلي لا تصومين وزوحي يكلي لا توصلين امچ ابوچ
نكله شوفي اسيا بنت مزاحم شلون اتعاملت مع زوج كافر همجي ومتعصب
شلون كانت تخفي ايمانه ومرتبة وضعها المراة المؤمنة تعرف شلون توزن امورهه وترتبه

تابع ⤵️

«نرجع للاية الكريمة»

طبعاً المراة غالبا ما تكون مضطهدة في كل زمن، دائماً هي الجزء الضعيف، الا ما ندر كما نقل لا يكرمهن الا كريم ولا يهينهن الا لئيم.

الحقيقة بعض الشعوب والقبائل، يشوفون المراة الويل، يعني اذا اراد الرجل السفر، يروح يشد خيط
بجذع نخلة ليش؟ يكولون فاذا رجع تفقد الخيط اذا وجده مفتوح هذا مؤشر ودليل عله خيانة زوجته واذا لا، معناها زوجته ما خانته.
الحقيقة مثل هل النظريات تدعوا الى السخرية شنو خيط يتحكم بمصير انسانة؟! هذا تقليل لقيمة الانسان.

بالنتيجة الاسلام وتشريعه يريد يغير ويقلع كل هاي المفاهيم
هاي اوهام، هاي تدمر المجتمعات
تصنع ويلات

( اتفضلي هل الرواية)

ينقل رجل متهور ما يستعمل عقله،هذا دخل لداره ما وجدت زوجته، فتخيل خيانة زوجته، گبل اساء الظن،شك بزوجته وكام يفكر باشياء ما اله وجود، ما اله صحة راح يفتش باغراض زوجته، بغرفته، فوجد رسالة غرامية جايه من رجل اله!

- هو منا تفكيره مو منطقي ولكه دليل اوهم نفسه بي، شد رايته مثل ما يكولون وحظر سكين حته يقتله بعد اشويه اجت الزوجة
دخلت للدار باوع عليه، والشر والغضب بعيونه، كام حط عليها وقتله. يعني ما امهله حته ادافع عن نفسه ما كلف نفسه يسمع منها
بعدها راح خَبر اهلها، گلهم بتكم كذا وكذا فعلت واني قتلته. الاهل بدون دليل صدكوا الحادثة، ولا من مغيث يغيث هل المراة بشرفها يغيثها بسمعته.

عالعموم وره يوم يومين من الحادثة، رجع هذا المتهور يقرا بالرسالة من جديد، واذا بي يتفاجئ انه الرسالة كانت مو لزوجته،كانت لوحدة صديقة زوجته.


-كام يكرر القراءة كل اشويه عساه يطلع غلطان ماكو فايده صديقة زوجته مخليه هل الرسالة امانة يمها، و مو بس هاي اتذكر
زوجته لا تقرا ولا تكتب.. يكول ندم ندم شديد.. لكن الله ينصر المظلوم ولو بعد حين..

ينقلون بعد ايام..
هذا اصابه الم شديد بذراعه الايمن راح للاطباء، حاول راد..عالج.. الالم ما خف..وتالي قطعوا وصلت لحم من ذراعه وهم ما فاد.

اذن، ماكو فرق بين عقل الرجل وعقل المراة، كلاهما واحد.، الفرق بالتقوى الفرق بالايمان،ايهما اصلح،ايهما اقرب لله .. اسيا امراة لكن ضرب الله بها مثل في كتابه الكريم
وهذا المتهور رجل، لكن سيعاقب عقاب عسير عله قتل النفس البريئة.

فشوفي الشك وين يوصل الانسان
لازم الانسان يفكر يستعمل عقله.

والا هاي النتيجة.



✍ *تمت بقلم خادمة العترة*

*خطيبة المنبر الحسيني*

*ام فاطمة الشويلي*


https://www.tgoop.com/fatame00

(الغيبة)

-عن النبي محمد صلى الله عليه وآله وسلم قال: من اغتاب مسلماً أو مسلمة لم يقبل الله تعالى صلاته ولا صيامه أربعين يوماً وليلة إلا أن يغفر صاحبة.

في قصصهم عبرة ص٩٢

-من الأمراض الروحية إلي تصيب الإنسان هي الغيبة والغيبة يعرفونه هو أن تذكر اخوك المسلم بما يكره في غيبته.

الأخلاق والآداب الإسلامية ج١ ص ٥٨

-يعني مثل تذكر عيب في أخلاقه عيب في خلقته شكله أو حته تذكر عيب في أمور آخرته مثل تگول عنه ما ملتزم افرض بصلاته صيامه وهكذا
الإمام الصادق يگول :الغيبة حرام على كل مسلم وأنها لتاكل الحسنات كما تأكل النار الحطب
الأخلاق والأداب الإسلامية ج١ ص ٥٩

*- والجميل يكولون المرء لا يتكلم الا لحاجته ولا يفكر إلا في آخرته

- يعني لما الإسلام يمنعنه من اظهار عيب الآخرين ليش الإسلام يمنعنه؟
بله خل نشوف هل القضية هاي
هذا لما احنه نفتش عن عيوب البعض هذا يضهر عيب ذاك المؤمن وهاي المؤمنة تضهر عيب تلك المؤمنة هذا شنو يأدي بالمجتمع هذا يأدي إلى المحبة والوأم أو يؤدي إلى هتك الإنسان يأدي إلى التفرقة يأدي إلى تشتت المجتمع الإسلامي فاذن الشريعة لما اجت تمنعنه من الغيبة إذن بيه مضار نعم اكو عدنه غيبه مثل ما نگول بناءه شلون غيبة بناءه
اجه فرضاً هل المسلم هذا يزوج هل بت الحلال هاي من منطقتي وسألني فهنا هاي المرأة إذا تادي للرجل مستقبلاً لزواجه تاديله مفسدة عظيمة الشريعة تگلي لا
انتي ظهري عيب هاي المرأة أو أظهر عيب هذا الرجل ليش؟
لأن هذا صحيح غيبة ولكن بي فائدة راح تدفع ضرر عن المؤمن أو المؤمنة.

- فاحنه نگدر نگول عند كل إنسان لسانين أن صح التعبير لسان خير ولسان شر لسان الخير اللسان الي مداوم عله ذكر الله تعالى أو الي يصلح بين الناس يحل مشاكلهم فمثله كمثل النحلة أين ما وضعته ينگط عسل ولسان الخير عاقبته إلى خير بالمناسبة الإنسان صاحب اللسان الطيب انسان صالح سريرته طيبة صالحة كما يذكر رحم الله من قال خيراً فنعم أو سكت فسلم فما دام هلسان ينطق خير الإنسان في خير لكن إذا يتكلم اما له أو عليه.

- إذن المعادلة واضحة قليل الكلام كثير التأمل والعكس صحيح.
الحقيقة الإنسان كثير الذكر
ما يتفعل عنده لسان الشرلأن نفسه وروحه مرتبطه بالله ماكو اي شي يگدر يجذبه للمعصية الإنسان المسلم الملتزم ماكو في قاموسه المتصل خارج نطاق الخدمة هيج انسان من الصعب نفسه تگدر تتعرض إلى المحرمات مثل الغيبة مثل وهتك حرمة الآخرين.

-الغيبة إله هواي مواقف مثل
بعض سواق السيارات يعني بالطريق مثلاً صار حادث أو أحد كسر عليه بعض السواق ما يتحمل افرض يشتم ويسب وهو ماشي محد سالم من اللسانه، يعني احنه نعرف الشارع مشتعل نار وهاي هم بيه هواي كلام للأسف صاير الشارع مثل الحرب العالمية الأولى قليل من ينطي مجال للآخر يعني التعاون حلو لو كل سائق إمراة أو رجل
يفسح المجال للآخر كان هواي أمور تغيرت السايق يمشي بأريحية
بدل هذا التشنج واللعن المستمر.

" هذا من جانب، من جانب آخر"

البعض يگول المرأة أكثر تعرضاً للغيبة من الرجل يعني افرضي شافت احد قريباتها أو زميلاتها بالعمل طالعة جميلة ومرتبة نفسه
فهاي ما تقبل تغار تبقى تتجي عنها يم هاي وذيج لحد ما اطلع اسوء ما بيه حته المقابل ما يشوفه جميلة.

وكثيرة الأمثلة وحدة لا مثلاً شافت جارته الي كانت ما ملتزمة لا بحجاب لا بمكياج اليوم مرتبة حجابه لابسه طويل لامه نفسه ما مخليه مكياج تابت هل المرأة ليش ماكو احد يتوب؟! الله تعالى نور قلبه ورجعت للصواب فبعض النساء ما يعجبهن هل الأمر تضل تحجي هنا وهناك حته ما تتحسن صورته بعيون المجتمع وهذا مرض لابد العلاج منه يعني انسانه تصلي وتساعد الفقراء وحجابه تمام لكن هل الصفة بيه تاكل بلحم الرايح والجاي ما ترتاح إذا ما تحجي شنو الفايدة؟!

-بالنتيجة هذا الإنسان عليه أن يتعظ يذكر نفسه بأن حسناته احترگن بنار الغيبة و حالة القرب من الله ما يگدر يتحصل عليه بعد
ما يتوفق يحضر مثلاً مجالس العزاء ما يتوفق ينفق للفقراء لأن العمل إله إثر صالح كان أو طالح.

فالمسلم من يسمع الروايات عن الغيبة يصيبه حالة من الندم من الحزن الشديد الرواية تقول : من مشى في غيبة أخيه وكشف عورته اي كشف سره كانت أول خطوة خطاها إلى النار
في قصصهم عبرة ص٩٢

يعني احنه خل نخلي لانفسنه ميزان كم مرة استغابينه كم خطوة وصلنه للنار نستجير بالله.

طبعا اللطيف انه
-ينقل عن احد العلماء اغتابه شخص
يگول جاب العالم طبق من الرطب وأهدافه للي استغابه گله تفضل هذا جزاء الخدمة الي قدمته لي گله شنو هي گله حسناتك اجت كله بديوان حسناتي يعني رصيد العالم صعد.

المصدر نفسه

- إذن الغيبة ما بيه مغفرة الا من صاحبه شلون يعني اذا شخص تكاسل عن أداء الصلاة
أو مثل ترك غسل واجب عليه هذه الأعمال العبادية هو وربه لكن مثل الغيبة لا هاي مسألة حقوق الآخرين
هاي لازم تروح ذليل إلى ذلك الطرف وتستحل منه والا لا تقبل صلاتك ولا صيامك ورصيد حسناتك يخلص لأنه يحول للمسلم الي استغابيته وإذا خلص رصيدك وانت مستمر لا سامح الله بتجاوزك عله الناس يجيبون من سيئات ذاك الشخص ويخلوه بسجل أعمالك.

أمير المؤمنين عليه السلام يقول :
(طوبى لمن شغله عيبه عن عيوب الآخرين )
الأخلاق والآداب الإسلامية ص ٥٤٢


-نجي نوگف على هل الحقيقة هاي شيريد الأمير يعني وين هدف هذا الكلام؟

*- احنه نعرف هذا الإنسان لما يفتش عن عيوب الناس وينسه عيبه هذا يبقه يفتر بهل الحجاية هاي ويسوي فتنه وممكن تسوي اشياء تأدي إلى القتل لا سامح الله وفعلا حدثت موجودة أمثلة هواي يعني هل الكلمة هاي ممكن تبني أسرة وممكن العكس ممكن هل الكلمة تهدم أسرة وتوصل للطلاق فهذا الانسان لما يجي يشتغل بعيوب الناس وينسه عيبه هذا معناها راح يضع أمامه شر الناس وينسه شر نفسه فشيريد يقول أمير المؤمنين بالحجاية مالته يريد يگول انت لما يتشغل بعيوبك معناها جاي تبحث عن سعادتك لأن لما انسه عيوب الناس واعتبر نفسي اني المو زين إذن لما أصلح نفسي أصبح سعيد لو ما أصبح سعيد.

-هاي أشبه بقضية واحد مريض ويون من آلام فد شهر وراح الى احد الأطباء وانطاه علاج صحيح العلاج مر اليوم بس هذا لما يشفه من ألمه والآلام تروح مال المرض مالته شگد يصبح سعيد، فامير المؤمنين يگول انت لما تفتش عن عيوب الناس راح تصير غيبة وهاي الغيبة راح تجي من وراها نار جهنم انت ليش تجيب الغيبة لنفسك جيب الأشياء الزينة لنفسك طوبى لمن شغله عيبه، انسه عيوب الناس انتِ ما زالج في البيت لا اتباوعين لعيوب زوجج
اختج هم من تشوفج مشتغله تصلحين عيوبج تأخذ طريقتج وهكذا، المجتمع من ينشغل كل واحد بعيبه، ينصلح.

- يروى امرأة مسلمة في المدينة كانت إله جارية فذات يوم جاءت المسلمة إلى رسول الله صلى الله عليه وآله قالت له اذنبت يارسول الله وأريد التوبة كله شنو ذنبك
كالته تجاوزت عله الجارية وقلت لها انتي زانية شنو الحل؟ بهل الأثناء الرسول گله استعدي لعقاب الله، فهاي المسلمة فزعت وخافت شلون ورطة ورطت نفسي بيه كيف الخلاص، يارسول الله انطيني حل اتخلص من هذا البلاء، گله الحل الوحيد ترضين الجارية،، طبعاً هو هذا دين الإسلام في محكمة الله ماكو مجاملات فيذكر انه أخذت سوط وخلته گدام الجاريه گلتله هاي اني گدامج وشنو تردين فعلي بيه، تضربيني تعفين عني على العموم هاي الجارية طلعت انسانة روحه كبيرة وانسانة مؤمنة اصفحت وعفت بكل احترام عنه، فالتالي السيدة أطلقت سراحها.

القصص الأخلاقية ص ٣٤٧

لكن ما اريد قوله شلون بينه إذا رحنه نستحلل من شخص ما يحمل روح التسامح ولا التفاوض.
إذا رحت استحلل من هذا الي اغتابيته ممكن تأدي هاي الحجايه مالتي إلى فتنه كبيرة و ما يتقبل هذاك
شنو اسوي؟ الامام الصادق استغفر الله اله، الأخلاق والآداب الإسلامية ص ٦٠
فممكن تستغفر لذاك وبهذا أن شاء الله ينصلح الأمر

- فالمسلم كون يراقب نفسه حته لا يقع في فخ الغيبة يكون دائم الذكر لله قليل الكلام من هذا المجلس مجلس الحسين المظلوم نطلب المغفرة من الله التوبة واحنه نذكر مصيبة سيد الشهداء

يذكر لما بقي الحسين عليه السلام وحيداً بعد أصحابه الكرام جاء إلى خيمة العيال ونادى يازينب يا ام كلثوم يا فاطمة يا سكينة يا فلانة يا فلانه يناديهن باسمائهن عليكم مني السلام فقالت سكينة يا أبت استسلمت للموت فقال يا بنية كيف لا يستسلم للموت من لا ناصر له ولا معين فقالت يا ابتاه ردنا إلى حرم جدنا فقال هيهات فتصارخن النساء فسكتهن وأوصى اخته زينب بالعيال والأطفال.
حياة السيدة زينب ص١٢٢

#انتهى
تمت بقلم خادمة
#أم فاطمة الشويلي.

حوار بین الامام الحسين (ع) والسيدة زينب (ع)

ضلمني الدهر توه وزاد .. ضلماي
وصارت دنيتي يحسين .. ضلماي
بچيت و ما اضن بالعين .. ضل ماي

الدمع والشوف هم شحّن عليه

*----------------------*---------------------*

منو اليمك گعد يا خوي.. سبال
اديك و من طلبت الماي.. سبال
يخويه شلون ساعه الشمر ..سب آل

بيتك و انته متوسد الوطيه

*----------------------*------------------
نعي مفجع
السيده زينب ع
اتخاطب الأمام الحسين ع


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*-----------------------*-------------------*
✍خـادم الـحـسيـن ع
الشاعر رعد الجريخي

*محاضرة عن النظافة*

تلبية لطلب الأخوات.




قال رسول الله صلى الله عليه وآله.
((تنظفوا فإن الإسلام نظيف)).

الرسول صلى الله عليه وآله.
لما يشير لمسالة النظافة تاره يقصد نظافة البدن وتاره نظافة الروح..

يعني هاي المرأة لما يكون بيته نظيف جسدها نظيف هذا يعكس على أطفاله على زوجها.. يعني هذا الرجل لما يدخل للدار ويجد افرضي اشياء مو مرتبة.. هذا هنا وذاك مشمور هناك يعني اشياء تحسس الناضر بالانزعاج
فيمكن لا سامح يتعصب الزوج، وتصير مشكلة...
وحقيقة الإسلام ما ترك عمل المراة داخل الدار بدون اجر لا،،

ورد عن الامام الصادق( عليه السلام)أنه قال : أيما إمرأة خدمت زوجها سبعة أيام أغلق الله عنها سبعة أبواب النار ... وفتح لها ثمانية أبواب الجنة تدخل من أيها شاءت" {{وسائل الشيعة ج٧}}

وكذا
الطفل من يشوف البيت مرتب اشويه اشويه يتعلم عله الترتيب، وحقيقة احنه نعاني من هاي الاشياء يعني لما ندخل إلى بيت الخلاء (الحمامات) إذا رحنه لزيارة المراقد نشوف أشياء نخجل نتكلم عنه من على منبر الحسين عليه السلام
فالمراة لازم تعتني اشويه بهل الموضوع..
يعني الله يبارك بالإنسان النظيف
لأن النظافة گلنه تحسس الإنسان بالارتياح.. وهاي الزبل وهل النجاسات تلتم عليه الشياطين، اما الإنسان لا، الله يحثه عله الطهارة.. ولهذا جعل الصلاة لا تقبل الا بالوضوء.
والكلام يطول بهذا المجال، بعض المناطق تمشي بشوارعها تحس بالقرف من الأشياء المتراكمة بيه، المفروض المسلم يكون غيور عله بيته على الشارع،، شوف الأمم شلون ارتقت وين وصلت، تره ما صعدت بالمباني والنظافة بأيدي الدولة فقط لا، لازم الفرد العنصر الأول، بعدين الدولة.. تنجح مشاريعها.
طيب عدنه الجزء الاخر من الحديث

تنظفوا فإن الإسلام نظيف. كانه إشارة لنظافة الروح
المفروض هل المسلمة تبتعد عن الأمور إلي تنجس روحها، يعني شلون...
يعني الكذب النميمة
افرضي الغيبة.. هذني من الكبائر الي ينجسن روح الإنسان
وبالتالي روحه تصير مغلقة ما تستقبل النفحات الرحمانية مثلا الي تجي لمجالس الحسين عليه السلام..يكون أكثر لوعة أكثر دمعة

البعض إذا سمع الناعي ما تنزل دمعته ليش؟!
لعله هناك تراكمات لا سامح ذنوب... فينقل المسح على روؤس الايتام يرقق القلب... واكل العدس كذلك يرقق القلب.

احنه نكول ساعد الله قلبك مولاتي في مثل هذه الأيام العصبية.. لا كفيل لا محامي لا خيمة بس النساء والأطفال،، بنات الرسالة وحدهن..


*تمت بقلم خادمة العترة ام فاطمة الشويلي*





#نعي #تراث

صاحت يوادي كربله عنك مشينا
بلايه غسل واكفان خلينا ولينا

غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه

لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه

وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة

#اللهم_عجل_لوليك_الفرج

https://www.tgoop.com/fatame00

إلى أي منحدر القضية الحسينية

الا من مغيث يغيثنا💔😭
الا من ناصر ينصرنا 😭💔

الحسين ع يريد نصرة من الخدام المخلصين ع
مو امهات التصوير والتشهير ❌❌❌❌



ولازم مقاطعة تسوون انتم اهل المجالس 🛑🛑🛑🛑🛑🛑




كافي تفتخرين بمجلسج لان جايبتج وحدة من اليويتوب ❌


انتي شاركتي وياها بالإثم وبجرح الحسين ع

كافي تجاملين على جروح الحسين ع



قاطعوهن حتى يرجعن لدرب الحسين ع. لان هسه هنه بعيدات كل البعد عن الحسين ع


إيد. 🤝بايد. معاً خواتي هذا الهاشتاك لنصرة الحجة عج لازم ترفعونه

#مقاطعة_ملايات_اليوتيوب_

محاضرة تاريخية عن السيدة خديجة عليها السّلام




قال رسول الله صلى الله عليه وآله : « أفضل نساء أهل الجنة: خديجة بنت خويلد، وفاطمة بنت محمد، ومريم بنت عمران، وآسية بنت مزاحم امرأة فرعون .

احنه نريد نسأل سؤال : هل السيدة خديجة نالت هذه المنزلة العظيمة يعني أصبحت من سيدات الجنة، بسبب زواجها واقترانها بالنبي محمد صلوات الله وسلامه عليه ام لا ؟

-الجواب كلا " لا ما كان حصوله عله هل المراتب العليا بسبب زواجها بالنبي ، والشاهد عدنه نساء زوجات انبياء مثل امرأة نوح وامرأة لوط، الآية الكريمة تقول فيهن : كانتا تحت عبدين من عبادنا، فخانتاهما،


هسه هذني زوجات انبياء. لكن زواجهن ما أضاف الهن شي، بقت عله خرابه، ليش، لأن صلاح الإنسان بيده ، الي يصلح نفسه يصلح سريرته هي هاي الي تقوده وتوصله للنجاة والفوز برضا الله عزوجل، مو صلت القرابة، هاي ما تشفعله إذا هو مو خوش آدمي، يعني شيريد يسويله النبي أو الوصي، والأمثلة هوايه منروح بعيد، كابن نوح عليه السلام، قال ربي هذا ابني، گله ابنك عمل غير صالح، زوجة الإمام الحسن عليه السلام جعدة بنت الاشعث،

فالله يگول عمل الإنسان هو الأساس زوجة نبي، ابن نبي ، احنه الاعوج ما نلفيه الا اذا تاب ورجع صار خوش آدمي ذاك الوگت تنفع شفاعة الشافعين، حاله حال اي مسلم تائب ورجع إلى ربه،


إذن :خديجة سلام الله عليها
كانت تمتلك مؤهلات مزايا وصفات اهلته تكون بهاي المنزلة وبهاي المرتبة، اما اقترانه وزواجه من سيد الخلق زاده شرف ورفعة.





الان ندخل إلى حياة هذه السيدة ونستلهم من نورها ورفعتها وعفتها.


طبعاً الأديان السائدة في الجزيرة العربية حينذاك وخاصة في مكة عبادة الوثنية، ويجي بالمرتبة الثانية من الكثرة الأحناف، يعني دين إبراهيم الحنيف، ما اختصرت عله ذني بل كان هناك عدة أديان
نصارى وصائبة وغيرهن، احنه گلنه السيدة خديجة عده مميزات من مميزاته كانت موحده تدين بدين إبراهيم الخليل، وتذكر الروايات
أن السيدة خديجة كانت تتمتع بصفات تميزه عن باقي النساء في عصرها كانت من خيرة نساء قريش واكثرهن مالا واحسنهن جمالاً ويقال لها سيدة قريش امتلكت هذا اللقب قبل ما تبلغ ٢٥ سنة من عمرها.




بالعادة المرأة الرجل يتقدم لطلب إيده، ف خديجة يذكر تقدم لخطبتها العظماء من قريش مثل، ابو جهل ابو سفيان عقبة بن أبي معيط وكثيرين، لكن خديجة هاي الشخصيات ما كانت تعني إله شي، لأن خديجة امرأة صالحة امرأة واعية، هولاء وان كان مستواهم آنذاك كبراء وعظماء، خديجة كانت تشوف الحقيقة، حقيقة الي خلته ترفض هؤلاء وتروح خاطبه هي بنفسه لشخص النبي محمد صلى الله عليه وآله، خديجة شافت بمحمد كرم أخلاقه علو الهمة، شافت نفسه الشريفة فابدت رغبته في الاقتران به صلوات الله وسلامه عليهما، الحقيقة المرأة الحرة العاقلة اللبيبة هي اللي ما تغيره زبارج الدنيه
المرأة الواعية ما تهمه الشهرة يعني البعض إذا أتقدم إله شخص افرضي مشهور معروف أو شخص عده معرض سيارات گبل توافق، ليش؟ لأن هذا صاحب المعرض اجه ضمن المقاييس والهدف الي مخليته هاي المرأة في باله، اما المرأة الواعية الفطنة ادور على من يخدم هدفه السامي بالحياة، مثل السيدة خديجة هدفه يختلف هدف السيدة هدف عظيم ما مزخرف بالأموال ولا المناصب،

طبعاً لم يحفظ التاريخ في أوراقه امرأة من فضليات النساء فاحت سيرتها بالعطاء مثل ام المؤمنين خديجة.
قال رسول الله ما نفعني مال ك مالها، وما قام الإسلام إلا بمال خديجة وسيف علي، حتى يذكر أن النبي لم يتزوج في حياته بامرأة أخرى اكراما لها، خديجة هي المرأة الوحيدة التي رُزق منها النبي الاولاد من دون نسائه اللواتي يتجاوز عددهن ١٤ امرأة ما عدا مارية القطبية ام إبراهيم.


ذكر المؤرخين حال خديجة عند احتضارها، وقد بدأت وطأة المرض تشتد على ام المؤمنين حيث قالت يا رسول الله عندي لك وصايا، كأنه النبي يگله وصيني يا حبيبة قلبي
قالت أوصيك بهذه وأشارت بيدها إلى فاطمة، فإنها غريبة من بعدي فلا يؤذيها احد ولا يلطم خدها ولا يصيح في وجهها.


*تمت بقلم خادمة العترة*

*-ام فاطمة الشويلي*
https://www.tgoop.com/fatame00

السلام عليك يا مولاي وعلى شيبك الخضيب
السلام عليك وعلى خدك التريب
السلام عليك وعلى بدنك العاري السليب
فاز من تمسك بكم سادتي وأمن من لجأ إليكم ياليتنا كنا معكم فنفوز والله فوزاً عظيماً

الغيبة

-عن النبي محمد صلى الله عليه وآله وسلم قال: من اغتاب مسلماً أو مسلمة لم يقبل الله تعالى صلاته ولا صيامه أربعين يوماً وليلة إلا أن يغفر صاحبة.

في قصصهم عبرة ص٩٢

-من الأمراض الروحية إلي تصيب الإنسان هي الغيبة والغيبة يعرفونه هو أن تذكر اخوك المسلم بما يكره في غيبته.

الأخلاق والآداب الإسلامية ج١ ص ٥٨

-يعني مثل تذكر عيب في أخلاقه عيب في خلقته شكله أو حته تذكر عيب في أمور آخرته مثل تگول عنه ما ملتزم افرض بصلاته صيامه وهكذا
الإمام الصادق يگول :الغيبة حرام على كل مسلم وأنها لتاكل الحسنات كما تأكل النار الحطب
الأخلاق والأداب الإسلامية ج١ ص ٥٩

*- والجميل يكولون المرء لا يتكلم الا لحاجته ولا يفكر إلا في آخرته

- يعني لما الإسلام يمنعنه من اظهار عيب الآخرين ليش الإسلام يمنعنه؟
بله خل نشوف هل القضية هاي
هذا لما احنه نفتش عن عيوب البعض هذا يضهر عيب ذاك المؤمن وهاي المؤمنة تضهر عيب تلك المؤمنة هذا شنو يأدي بالمجتمع هذا يأدي إلى المحبة والوأم أو يؤدي إلى هتك الإنسان يأدي إلى التفرقة يأدي إلى تشتت المجتمع الإسلامي فاذن الشريعة لما اجت تمنعنه من الغيبة إذن بيه مضار نعم اكو عدنه غيبه مثل ما نگول بناءه شلون غيبة بناءه
اجه فرضاً هل المسلم هذا يزوج هل بت الحلال هاي من منطقتي وسألني فهنا هاي المرأة إذا تادي للرجل مستقبلاً لزواجه تاديله مفسدة عظيمة الشريعة تگلي لا
انتي ظهري عيب هاي المرأة أو أظهر عيب هذا الرجل ليش؟
لأن هذا صحيح غيبة ولكن بي فائدة راح تدفع ضرر عن المؤمن أو المؤمنة.

- فاحنه نگدر نگول عند كل إنسان لسانين أن صح التعبير لسان خير ولسان شر لسان الخير اللسان الي مداوم عله ذكر الله تعالى أو الي يصلح بين الناس يحل مشاكلهم فمثله كمثل النحلة أين ما وضعته ينگط عسل ولسان الخير عاقبته إلى خير بالمناسبة الإنسان صاحب اللسان الطيب انسان صالح سريرته طيبة صالحة كما يذكر رحم الله من قال خيراً فنعم أو سكت فسلم فما دام هلسان ينطق خير الإنسان في خير لكن إذا يتكلم اما له أو عليه.

- إذن المعادلة واضحة قليل الكلام كثير التأمل والعكس صحيح.
الحقيقة الإنسان كثير الذكر
ما يتفعل عنده لسان الشرلأن نفسه وروحه مرتبطه بالله ماكو اي شي يگدر يجذبه للمعصية الإنسان المسلم الملتزم ماكو في قاموسه المتصل خارج نطاق الخدمة هيج انسان من الصعب نفسه تگدر تتعرض إلى المحرمات مثل الغيبة مثل وهتك حرمة الآخرين.

-الغيبة إله هواي مواقف مثل
بعض سواق السيارات يعني بالطريق مثلاً صار حادث أو أحد كسر عليه بعض السواق ما يتحمل افرض يشتم ويسب وهو ماشي محد سالم من اللسانه، يعني احنه نعرف الشارع مشتعل نار وهاي هم بيه هواي كلام للأسف صاير الشارع مثل الحرب العالمية الأولى قليل من ينطي مجال للآخر يعني التعاون حلو لو كل سائق إمراة أو رجل
يفسح المجال للآخر كان هواي أمور تغيرت السايق يمشي بأريحية
بدل هذا التشنج واللعن المستمر.

" هذا من جانب، من جانب آخر"

البعض يگول المرأة أكثر تعرضاً للغيبة من الرجل يعني افرضي شافت احد قريباتها أو زميلاتها بالعمل طالعة جميلة ومرتبة نفسه
فهاي ما تقبل تغار تبقى تتجي عنها يم هاي وذيج لحد ما اطلع اسوء ما بيه حته المقابل ما يشوفه جميلة.

وكثيرة الأمثلة وحدة لا مثلاً شافت جارته الي كانت ما ملتزمة لا بحجاب لا بمكياج اليوم مرتبة حجابه لابسه طويل لامه نفسه ما مخليه مكياج تابت هل المرأة ليش ماكو احد يتوب؟! الله تعالى نور قلبه ورجعت للصواب فبعض النساء ما يعجبهن هل الأمر تضل تحجي هنا وهناك حته ما تتحسن صورته بعيون المجتمع وهذا مرض لابد العلاج منه يعني انسانه تصلي وتساعد الفقراء وحجابه تمام لكن هل الصفة بيه تاكل بلحم الرايح والجاي ما ترتاح إذا ما تحجي شنو الفايدة؟!

-بالنتيجة هذا الإنسان عليه أن يتعظ يذكر نفسه بأن حسناته احترگن بنار الغيبة و حالة القرب من الله ما يگدر يتحصل عليه بعد
ما يتوفق يحضر مثلاً مجالس العزاء ما يتوفق ينفق للفقراء لأن العمل إله إثر صالح كان أو طالح.

فالمسلم من يسمع الروايات عن الغيبة يصيبه حالة من الندم من الحزن الشديد الرواية تقول : من مشى في غيبة أخيه وكشف عورته اي كشف سره كانت أول خطوة خطاها إلى النار
في قصصهم عبرة ص٩٢

يعني احنه خل نخلي لانفسنه ميزان كم مرة استغابينه كم خطوة وصلنه للنار نستجير بالله.

طبعا اللطيف انه
-ينقل عن احد العلماء اغتابه شخص
يگول جاب العالم طبق من الرطب وأهدافه للي استغابه گله تفضل هذا جزاء الخدمة الي قدمته لي گله شنو هي گله حسناتك اجت كله بديوان حسناتي يعني رصيد العالم صعد.
📕في قصصهم عبرة ص٩٢

🔸_إذن الغيبة ما بيه مغفرة الا من صاحبه شلون يعني اذا شخص تكاسل عن أداء الصلاة
أو مثل ترك غسل واجب عليه هذه الأعمال العبادية هو وربه لكن مثل الغيبة لا هاي مسألة حقوق الآخرين
هاي لازم تروح ذليل إلى ذلك الطرف وتستحل منه والا لا تقبل صلاتك ولا صيامك ورصيد حسناتك يخلص لأنه يحول للمسلم الي استغابيته وإذا خلص رصيدك وانت مستمر لا سامح الله بتجاوزك عله الناس يجيبون من سيئات ذاك الشخص ويخلوه بسجل أعمالك.

أمير المؤمنين عليه السلام يقول :
(طوبى لمن شغله عيبه عن عيوب الآخرين )
الأخلاق والآداب الإسلامية ص ٥٤٢


-نجي نوگف على هل الحقيقة هاي شيريد الأمير يعني وين هدف هذا الكلام؟

*- احنه نعرف هذا الإنسان لما يفتش عن عيوب الناس وينسه عيبه هذا يبقه يفتر بهل الحجاية هاي ويسوي فتنه وممكن تسوي اشياء تأدي إلى القتل لا سامح الله وفعلا حدثت موجودة أمثلة هواي يعني هل الكلمة هاي ممكن تبني أسرة وممكن العكس ممكن هل الكلمة تهدم أسرة وتوصل للطلاق فهذا الانسان لما يجي يشتغل بعيوب الناس وينسه عيبه هذا معناها راح يضع أمامه شر الناس وينسه شر نفسه فشيريد يقول أمير المؤمنين بالحجاية مالته يريد يگول انت لما يتشغل بعيوبك معناها جاي تبحث عن سعادتك لأن لما انسه عيوب الناس واعتبر نفسي اني المو زين إذن لما أصلح نفسي أصبح سعيد لو ما أصبح سعيد.

-هاي أشبه بقضية واحد مريض ويون من آلام فد شهر وراح الى احد الأطباء وانطاه علاج صحيح العلاج مر اليوم بس هذا لما يشفه من ألمه والآلام تروح مال المرض مالته شگد يصبح سعيد، فامير المؤمنين يگول انت لما تفتش عن عيوب الناس راح تصير غيبة وهاي الغيبة راح تجي من وراها نار جهنم انت ليش تجيب الغيبة لنفسك جيب الأشياء الزينة لنفسك طوبى لمن شغله عيبه، انسه عيوب الناس انتِ ما زالج في البيت لا اتباوعين لعيوب زوجج
اختج هم من تشوفج مشتغله تصلحين عيوبج تأخذ طريقتج وهكذا، المجتمع من ينشغل كل واحد بعيبه، ينصلح.

- يروى امرأة مسلمة في المدينة كانت إله جارية فذات يوم جاءت المسلمة إلى رسول الله صلى الله عليه وآله قالت له اذنبت يارسول الله وأريد التوبة كله شنو ذنبك
كالته تجاوزت عله الجارية وقلت لها انتي زانية شنو الحل؟ بهل الأثناء الرسول گله استعدي لعقاب الله، فهاي المسلمة فزعت وخافت شلون ورطة ورطت نفسي بيه كيف الخلاص، يارسول الله انطيني حل اتخلص من هذا البلاء، گله الحل الوحيد ترضين الجارية،، طبعاً هو هذا دين الإسلام في محكمة الله ماكو مجاملات فيذكر انه أخذت سوط وخلته گدام الجاريه گلتله هاي اني گدامج وشنو تردين فعلي بيه، تضربيني تعفين عني على العموم هاي الجارية طلعت انسانة روحه كبيرة وانسانة مؤمنة اصفحت وعفت بكل احترام عنه، فالتالي السيدة أطلقت سراحها.

القصص الأخلاقية ص ٣٤٧

لكن ما اريد قوله شلون بينه إذا رحنه نستحلل من شخص ما يحمل روح التسامح ولا التفاوض.
إذا رحت استحلل من هذا الي اغتابيته ممكن تأدي هاي الحجايه مالتي إلى فتنه كبيرة و ما يتقبل هذاك
شنو اسوي؟ الامام الصادق استغفر الله اله، الأخلاق والآداب الإسلامية ص ٦٠
فممكن تستغفر لذاك وبهذا أن شاء الله ينصلح الأمر

- فالمسلم كون يراقب نفسه حته لا يقع في فخ الغيبة يكون دائم الذكر لله قليل الكلام من هذا المجلس مجلس الحسين المظلوم نطلب المغفرة من الله التوبة واحنه نذكر مصيبة سيد الشهداء

يذكر لما بقي الحسين عليه السلام وحيداً بعد أصحابه الكرام جاء إلى خيمة العيال ونادى يازينب يا ام كلثوم يا فاطمة يا سكينة يا فلانة يا فلانه يناديهن باسمائهن عليكم مني السلام فقالت سكينة يا أبت استسلمت للموت فقال يا بنية كيف لا يستسلم للموت من لا ناصر له ولا معين فقالت يا ابتاه ردنا إلى حرم جدنا فقال هيهات فتصارخن النساء فسكتهن وأوصى اخته زينب بالعيال والأطفال.
حياة السيدة زينب ص١٢٢


حوار بین الامام الحسين (ع) والسيدة زينب (ع)

ضلمني الدهر توه وزاد .. ضلماي
وصارت دنيتي يحسين .. ضلماي
بچيت و ما اضن بالعين .. ضل ماي

الدمع والشوف هم شحّن عليه

*----------------------*---------------------*

منو اليمك گعد يا خوي.. سبال
اديك و من طلبت الماي.. سبال
يخويه شلون ساعه الشمر ..سب آل

بيتك و انته متوسد الوطيه

*----------------------*------------------
نعي مفجع
السيده زينب ع
اتخاطب الأمام الحسين ع


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*-----------------------*-------------------*
✍خـادم الـحـسيـن ع
الشاعر رعد الجريخي


https://www.tgoop.com/fatame00

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ

(  إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا)


✍*هذه الآيه برهان واضح على العصمة ، هاي (إنما) اداة حصر اهل اللغة يعرفوهه يعني العصمة محصورة بأهل البيت، هسه احنه مو هذا موضوعنه ،بس ردت اوضح ، الحقيقة اكو من يعتقد ان هاي الآية اله معنى اوسع تشمل نساء النبي ، طبعا كثير من الروايات الي دلت ان هاي الاية مختصه بهم صلوات الله عليهم ولا تدخل لزوجات النبي ص ،بالرغم ان زوجات النبي يتمتعن بإحترام خاص مثل ام المؤمنين خديجة ع هاي السيدة قدمت للاسلام الكثير حتى قال فيها الرسول ص ، ما قام ولا استقام ديني الابشيئين مال خديجة وسيف علي وما نفعني مال قط مثلما نفعني مال خديجة ،
▪المفروض المراة كون تتعلم شلون تدخل السرور عله قلب زوجهه،يعني باسلوب معين ،كلامهه وي الزوج ، لان احنه نعرف المراة تتمتع باشياء تساعده حته تملي السعادة في بيته في اسرته ، ف المراة اذا عانت الرجل على امر دينه ودنياه ، يعني ما تطلب منه اشياء تحمله فوق طاقته يقول رسول الله ص اينما امراة اعانت زوجها على الحج والجهاد او طلب العلم ، اعطاها الله من الثواب ما يعطي إمرأة ايوب ع . الحقيقة اكو بعض النساء فعلا نموذج رائع وتكون قدوة للاخريات ..
💎 خل نشوف شنو سبب نزول الآيه؟ ام سلمة تقول كان رسول الله ص في بيتي فأتت فاطمة "اجتي فاطمة " بقطعة حرير ،ف كالله النبي نادي علي والحسن والحسين؛ فأتوا، فجاء النبي بكساء خيبرياً وغطاهم به وقال : اللهم ان هولاء اهل بيتي وعترتي فاذهب عنهم الرجس وطهرهم تطهيرا ، فنزلت آيه التطهير
ف سئلت ام سلمة رسول الله كالتله أني معهم؟ كالله «إنّك إلى خير» ولكنّك لست منهم ،طيب

📝طبعا احنه عدنه بالشريعة الطهارة قسمين ..طهارة ظاهرية وطهارة باطنيه شلون يعني الطهارة الظاهرية معروفه تتوضأ نغتسل الاغسال الواجبة ، الحقيقة اكو البعض للاسف ما ملتفت اعماله الحلال والحرام، افرضي طهارته وضوءه صحيح لا، طبعا هاي مشكلة ،لان الوضوء مقدمة لكل اعمالنه العبادية تقريباً فكون الشخص ينتبه يسأل صلاته صومه ، مو بعد سنوات ويطلع عنده خطأ ويرجع يعيد ، تمر علينه هاي الرواية لما كان الحسنان صغار بالعمر وشافوا رجل كبير بالعمر ووضوءه مو صحيح فأرشدوه بأسلوب جميل ومقبول .ولهذا الآية تكول (واوحينا اليهم فعل فعل الخيرات واقام الصلاة وايتاء الزكاة وكانوا لنا عابدين)

🔸الطهارة الباطنية هاي شنو معناها طهارة نفس الإنسان كون كَلبه يعني نظيف طاهر مو يشيل بكَلبه ،يعني لبعض عايشين في بيت واحد لكن تشوف اعوام ما يتحاجون هاي تزرع بالكلب البعد العداوة لا سامح الله يصير قطيعة رحم ف امير المؤمنين ع يكول ( طهروا قلوبكم من الحقد فإنه داء موبئ) يعني المؤمن كون يكون يحمل في قلبه التسامح يتعلم فضيلة العفو لان هاي بيه رفعه يعني هاي ثقافة اللين بالكلام عدم رد الاساءة الحقيقة احنه هاي الثقافات محتاجينه ( فمن عفا واصلح فأجره على الله أنه لا يحب الظالمين ) نعم العفو تاج المكام سيد البلغاء يقول ، اذن اهل البيت هاي الامراض الباطنية ما موجودة عدهم

💎احنه نقرأ في زيارة الامام الحسين عليه السلام ..يعني لو نتأمل قليلاً ..
أشهد أنك طهرٌ طاهر مطهر من طهر طاهر مطهر ،طهرت وطهرت بك البلاد وطهرت أرض انت بها وطهر حرمك، فهذا التاكيد على الطهارة ،لان اهل البيت طهارتهم من الله وجودهم بالحياة كان سبب خلاص الناس من الذنوب ، اخلاقهم تعاملهم مع الناس كان سبب دخول حته ناس من غير ممل من غير اديان للاسلام ،نعم هُم من ارحام طابت وطهرت لم تنجسهم الجاهلية بانجاسها ولم تلبسهم من مدلهمات ثيابها ،كما جاء في الزيارة

🔸الحقيقة لما نريد نتكلم عن الحسين عليه السلام هذا الرجل العظيم يعجز اللسان ويعجز القلم ، ولد نوره المبارك سنة الرابعة للهجرة في( ٣ )شعبان كما ورد ،سماه الرسول بهذا الاسم ولم يسمى احد من العرب من قبل بهذا الاسم ..كان رسول ص يحب الحسنان حباً شديداً ويقول ( هما ريحانتاي من الدنيا اللهم اني احبهما واحب من يحبهما) وقد تولى بنفسه تربيتهما ، عاش الحسين ع مع جده (٦ )سنوات ،وكان اكثر الناس علماً وافضلهم عملاً واسخاهم كفاً واحسنهم خلقاً واوسعهم حلماً واكرمهم نفساً وارقهم قلباً واشدهم بأساً وشجاعة ، هاي حقائق ثابته لسيد الشهداء يشهدله بها العدو قبل الصديق ،كيف لا يكون كذلك وهو الذي جسد اكبر تضحيه عرفتها الإنسانية في سبيل الدين المحمدي حتى قيل ان الدين محمدي الوجود حسيني البقاء ،هذا المفكر الهندي غاندي يقول تعلمت من الحسين كيف اكون مظلوماً فانتصر .



انتهى

#لا_اجيز_حذف_الاسم_تمت.

#بقلم_خادمة_العترة_ام_فاطمة_الشويلي


https://www.tgoop.com/fatame00

السلام عليكم / محاضرة عن الطهارة، (الوضوء)
نظراً لطلب الخطيبات...لمحاضرة الطهارة و الوضوء.

👆👆👆

السلام عليكم
من تود الدخول لمجموعة تعليم أحدث الأطوار والمحاضرات
فل تتفضل على هذا الرابط
@Faoir90



"تنويه"
المجموعة للنساء فقط

دخلن على المعرف هذاااااا👆

محتاره وماعندچ قصائد وتبحثين عن قصائد تعالي وياي لقناة احزان ام البنين بيها الألم والمصيبه ولوعه لآل البيت
قصائد متنوعه فزاعي جنوبي مربعه ثگيل هوسات نعي حي الله خدام الحبيب أشتركو هنا حياكم الله

⬇️⬇️⬇️⬇️⬇️

https://www.tgoop.com/ertlgaaz

https://www.tgoop.com/ertlgaaz

من اروع واجمل القنوات التي يحتاجها كل طالب وطالبه بجميع الدراسات ونحن على ابواب مدارس وجامعات وهذه القناة توفرلكم الدفاتر المغلفه بصور جميله حسب طلبكم لصورة الدفتر وعبارات تريح النفس وكل شئ تحتاجونه تحصلونه من هذه القناة

ماعليكم سوى الأشتراك عبر الرابط وتصفحو بالقناة وحجزو اليعجبكم

👇🏻👇🏻👇🏻👇🏻👇🏻

https://www.tgoop.com/lntzir

https://www.tgoop.com/lntzir