قصيدة مقتبسة من عالم الرؤيا


انه الزهره شافتني … مافد يوم فشلتني
شلون انسى عطاياها

بذيج امراضي والامي
نحيل وثاگلة اجدامي
شفت الزهرة باحلامي
وحيدر جان وياها

شگد توسلت بيهة
ابجي ومتجه ليهة
عليهة اقسم ابواليهة
ابوها المصطفى طه

غفت عيني على الدمعة
وابجي وانخة بالبضعة
شفتهة بالحلم تنعة
وتذكر موتت اظناها

تگول انه اللي ينخاني
اتلگة بيا هلة الجاني
عد كل شدة يلگاني
ومني الحاجة اخذاها

گالت الكم وصيتي
لاتنسوهة ذريتي
ذكرو حسين وبنيتي
وظيم الصار واذاها

صبرو من صبر زينب
وخلي الهة الگلب ينحب
شافت راس المخضب
عونة الون وعازاها

وصيتي الكم يالمحبين
ونو لزينب ولحسين
ضوگها مرار البين
محد عرف معناها

وكل شدة التمر بيكم
صبرو وانة اجازيكم
شماتردون انا انطيكم
وذيج الجنة محلاها

بقلم خادمة اهل البيت "ع" الشاعرة فاطمة علي صالح الحلفي
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة للقاسم ع طور (يخيمات)


يجسام ...ماعندي ولد غيرك يجسام
ليش اعلة التراب اليچوي اتنام
غدرت بية يايمه هالايام

يمة صحت/ يا كسرتي/ مني رحت /هظيمة
ياهو الي/ آ يالولد /ومصيبتي/ عظيمة
وحيد وفگـــ/ــدتك من وكت/ ياقصتي/ الاليمة
وسط الگلب /انصب الك/ چادر حزن/ اقيمة
اويلاه... دهري مارحم بية اويلاه
ابني عالتراب وغسله ادماه
ريت انة اموتن كون وياه

بعدك انا /شلي بعد/ يوليدي ابحياتي
هالساعة اريــ/ــدن لو يصح/ يگرب وكت/ مماتي
يافرحتي/ ياضحكتي/ ياسلوتي/ وغلاتي
ابطيحتك/ كلشي انتهة /او راحت امنياتي
تمنيت.... تبقالي سند يمة تمنيت
واشوفن زفتك ياشمعة البيت
منك ماشبعت ابسرعة وامشيت


الزفة يــ/ــبني والعرس/ والحنة ما / شفتهة
ابنفسي ظــ/ــلت امنية/ يا وسفة ما / عشتهة
بس جثتك/ فوگ الثرة/ ياويلي عا/ ينتهة
سهام ونبال /ابكل كتر/ يايمة تا /رستهة
التراب... حار ويچوي اجروحك التراب
روحي فدوة الك يااغلة الاحباب
شيب گلبي ايالقاسم وذاب

گلبي انكسر/ ظليت اون/ وونتي / ثگيلة
حيلي ثگل/ وادّوهنت/ وجدمي ما / اشيلة
هنانة اگعدت /ابخيمتك/ دمع النظر/ اسيلة
لوبيدي افــ/ــديك العمر/ لو بس ترد / لي ليلة
ذكرتك.... اجيت لخيمتك يبني وذكرتك
چانت تارسة ايامي ضحكتك
المنية ابساع من عندي خذتك

اتذكر ايـ/ـام المضت /يمة ويفز/ حنيني
مشتاگة الك/ ياضنوتي/ مابطلت/ ونيني
صوتك اسمـ/ـعة وابتشر/ وبشوفك امــ/ـلي عيني
شنهي العمر/ مايسوة لا/ لو مابعد/ تجيني
يالحنين....اگطع ظنتي منك يالحنين
ماترجع الي وتعود الاسنين
عالعريس كون اعميچ ياعين

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

ثگيلة لوداع القاسم"ع"
محاورة بين الولد والام

خل اقبّلهن اديچ ... يمة رايح مااجيچ
سامحيني يمّي و إرضي علية

خاف قصرت انة يمة سامحيني
خل اودعچ وانتي يمة ودعيني
هاي اخر گعدة مابينچ وبيني
يمة باچر عالترابة اتشاهديني
هاي لحضات الوداع ... باچر يصير الضياع
يمة عيني اتنام والجثة دمية

ارد اشبگچ حيل واشتمّچ يأمي
يمة ذاك الرمل حار ويچوي جسمي
لو اجيتي باچر وتبچين يمّي
مسحي بيدچ يالحنينة عني دمّي
وحنّي ايدچ بالدمة ... واشكي لرب السمة
الله لاينطيهة فرگتنة المنية

ضاگ صدري يمة موبيدي اعوفچ
يمّة اروحن فدوة يحبيبة لچفوفچ
ياللي ربيتي وسهرتي وزاد خوفچ
يمّة باچر خاف ماتسمح ظروفچ
يمّة لو ظعنچ خذاچ ... وانة عفتيني وراچ
راح اتاني جيّتچ يحبيبة اليّة

راح اظل امتاني ابشوگ لرجعتچ
يمّة الي اتردّين يامحلة لهفتچ
يمّة واتغسلين گبري انتي بدمعتچ
يمي اتگعدين تشكين ابحسرتچ
تسولفيلي عل درب ... والگلب نارة تشب
محملة بالهم وظيم الغاضرية

يمّة فرگتنة تطول وهذا حدنة
يمّة الله يصبرچ وهو ضمدنة
هية فترة وتنتهي ويمّة يردنة
ربچ ارحم بينة وايشاهد وضعنة
الله ينطيچ الصبر ...والچ ايعظم الاجر
هناك يم الله نرد احنة سوية

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

من ديوان مصائب ابكت الزهراء "ع" الجزء الاول

قصيده ثگيله للهلال

آ يالـهلال ...شفتك وهلت دمعتي
آ يالـهلال ... راح اشد حيلي الغربتي
يهل وياك الالم /// والسبي وحرگ الخيم
آ يالـهلال....................آ يالـهلال

شفتك وسالت دمعتي وهم اجاني
بس افكر وابچي والموقف خذاني
چن اشوف حسين بالمصرع يعاني
واسمع صريخ البنات ابترس اذاني
انة واهلي نفترگ /// والخيم هم تحترگ
آ يالـهلال....................آ يالـهلال

باچر العدوان تحرگ كل خيامي
وابقة وحدي لا اخو عندي ومحامي
الگمر يم الشريعه وجسمه دامي
بس جثث مطروحه اشوف انه امامي
وانده ومامن مجيب /// حايره وراسي يشيب
آ يالـهلال....................آ يالـهلال

انه امي خبرتني بكلشي يجري
بكربله شيصير بيه وباهلي ادري
حيل ماظل عندي او مكسور ظهري
حسبي الله ربي اشگداته صبري
شلون بعيوني اشوف /// راس مگطوع وچفوف
آ يالـهلال....................آ يالـهلال

راس ابو اليمه وابو فاضل عالرماح
والشمر يتشمت ويهظمني بصياح
يگلي ذول اهلچ يزينب واهوه مرتاح
راح كلشي منچ وحامي الضعن طاح
حچيه يكسر خاطري /// وابچي والمدمع جري
آ يالـهلال....................آ يالـهلال

بيك اذيتي وكل مصايبنه والمنه
المن اتهل وانت تاخذ كل اهلنه
عالترابه اتنام عزوتنه وزلمنه
وتالي ويا الغربه للمجلس دربنه
نگابل الطاغي يزيد /// الذبحهم عنده عيد
آ يالـهلال....................آ يالـهلال

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

من ديوان مصائب الزهراء ع الجزء الاول

هوسات لمسلم عليه السلام

هاليوم الزغيره تريد والدهه
على امصابه حميده الله يساعدهه
تبچي والدموع اتصب على خدهه
((وادگ عالراس... المهظومه))

ظلت تلطم الهامه وتون بته
تصيح اخذوني يمه الروح رايدته
صار اهواي غايب عني ماشفته
(ومن تالي بموته ...يفجعوني)

تانيته شكثر ماردلي الغالي
ومانامت عيوني وذاب دلالي
مايدري الحنين شصاير بحالي
(من ظيم افراگه.. انهد حيلي)

حنين الابو وكلكم تعرفونه
وتسوه الكون كله شوفه عيونه
وماتگدر ابنيته تعيش من دونه
(العيش ابدونه...مانهواه)

.................................
هوسات جنوبيه

تعاتب بالابو وماتدري شحاله
طاح من القصر محد تدناله
ماواحد ركضله وغسله وشاله

طاح ومااله /////واحد يتچيله
ومن فوگ الترايب مسلم يشيله
لاجوله الاهل لاحضرته العيله
مسلم غيبته يبنيّته طويله
ايسي مايردلج والدج ليله
((ماظن ايرد... بعد الهيبة ))
..........................................
ماظنه يعود لداره واولاده
وخل تنصب عزاه وتلطم الساده
ماينفع لجرحه اعلاج واضماده

ماينفع علاج /////ايطيّب اجروحه
انطرت هامته وادمومه مسفوحه
وظلت جثته بالگاع مطروحه
مسلم يالنشامه تمرمرت روحه
واعله حسين ظلت ونته ونوحه
((وغمض عينه بغربه ...ومايمه اخوانه))
...........................................
يامحله الخوان ابساعه الموت
يبچون اعله اخوهم والگلب مفتوت
ويجيبوله چفن وياهم وتابوت
مسلم ياخلگ/////چاوينهه اخوانه
مات بغربته والروح لهفانه
خل تحضر اله هاليوم دفانه
وكافوره تجيبه وياهه واچفانه
وتنصبله عزاه والدمعه جريانه
((يعموهه العين ...اعله امصابه))

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة مربوعة او فزاعية جنوبية للقاسم"ع"

جاسم وين ... چايمتة يردلنة
حضرت الشمع بيدية والحنة

للحومة گصد واتأخر الغالي
محتارة بقيت ومنشده بالي
بالقاسم اشصاير گول يالوالي
عماتة ترة كلهن يتاننة
(يفرحن بي /اليوم الغالي)

اليوم يريدن يفرحلة عماتة
حضرنة الشمع واعجنّة حناتة
بيدي ارد احنيهن ادياتة
ولابس ثوب عرسة بعيني اشوفنة
(يامحلاه /بثوب الزفة)

امنيتي اشوفة واگف اگبالي
بهدوم العرس وابطولة اليلالي
بي ريحة ابوه الحسن الغالي
نهلهلة ونزفة بالفرح كلنة
(نهنيهة /بالقاسم رملة)

شصاير ياحسين ومااجة جاسم
گلبي عالولد يابوعلي هايم
خافنة وگع واعلة الثرا نايم
واسيوف ورماح الگوم صابنة
(امصوبينة/خاف العرّيس )

خافنّة يرد وسايلة دمومة
چا خوية شگل لامه المهظومة
للقاسم تعد لزفتة ويومة
مايرجع بعد خل تگطع الظنة
(ماجورة/يارملة بابنچ)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

فزاعية سريعة للقاسم"ع"

للموت زفيت الولد
والدنية ظلمة بعيني

لبستة بيدي لامتة
ودعتة وابچي لروحتة
وطفيت جاسم شمعتة
ماظن بعد يلفيني

راح الوحيد ومايرد
واشلون لو شفتة بعد
بعيوني اشوفنة الجسد
وابدمة احنّي ايديني

هو وحيدي وسلوتي
ماتسوة بعدة دنيتي
ظليت اجر بحسرتي
وابچي واجر ونيني

خايف دليلي ومنهظم
ابموتت ابني چن علم
الحسين جابة للخيم
واينادي اتلگيني

اركضت ليه بلهفتي
وابلوعة اجر بحسرتي
جسّام هذا ضنوتي
خل احّضنة خليني

خليني اشبگنة واون
يايمة اگللة بحزن
يبني عفتني للزمن
مايرحم ايأذيني

مايرحم ازماني ترة
بعدك غريبة وحايرة
وهذا الگلب شيصبرة
يبني ويضيّ اسنيني

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيده ثگيله للاكبر "ع"

آ يالاكبر. آ يالاكبر
رحت من ايدي وبيش اتصبّر

يافرحة عمري وايامي ياسلوة گلبي المجروح
ماحسبت تروح من ايدي يالراحت وياك الروح
كون اعميهه اعليك عيوني مابطل وني والنوح
ميته ياريت وماشفتك دمك عالگاع ومسفوح
وابلا منحر. آ يالاكبر
رحت من ايدي. وبيش اتصبر

للخيمه من جابك ليه حسين يناديني بالويل
گلي اتلگيني ياليلى الاكبر بيدلي الحيل
شفتك يمه گبالي مگطّع. متغسل ابدمك تغسيل
ظليت الطم انه واصرخ آ يا رب الكون ادخيل
واشهل المنظر. آ يالاكبر
رحت من ايدي وبيش اتصبّر

يامهجة روحي وانفاسي يالحملتك تسع اشهور
شفت الام وهم بحملك وصار بجيتك عمري نور
ماكملت هالفرحة يبني بعيوني شفتك منحور
يالوجهك بي رحمة الله بدر ويامحلاتة ينور
فرحي اتطشر. آ يالاكبر
رحت من ايدي وبيش اتصبّر

راحت يبني وياك الفرحه. وسوده يالغالي دنياي
انه الردتك خيمه اعليه واعله راسي يمه افياي
بيديك اتشيعني الگبري واتغمض بيدك عيناي
يالذبحوك وراحت روحك وانت بحسرة شرب الماي
آ يمحسّر. آ يالاكبر
رحت من ايدي وبيش اتصبّر

حطك بالخيمه وظل يبچي ومدنگ راسه المظلوم
يگول اخواني وولدي راحت واتفقت ابذبحي الگوم
آ يالحيره وخنگت روحي أحا يادهري الميشوم
امري لله يگول وامرچ هذا مكتوب ومقسوم
گلبة اتفطر. آ يالاكبر
رحت من ايدي وبيش اتصبّر

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

اليوم العاشر
قصيدة للامام الحسين"ع"

*وخر عن اخوي… ولاتحز نحره*
*شعندك ياشمر صاعد على صدره*

ابعد ياشمر عن الولي ابعد
متعور اخوي وماگدر يگعد
ضامي من العطش دلاله متمرد
چا المن تذبحه مهجه الزهره
(ياظالم عوف اصبي عيني )

شمالك يالعين شطالب الوالي
عنه ماتوخر عذبت حالي
بالحافر اضلوعه مكسره الغالي
گوم ابساع لاتلچم بعد كسره
(ماسالم ضلع من اضلوعه)

يناديني يخويه واستمع ونه
اذيته يظالم ابتعد عنه
الوالي شلون بعيوني اشوفنه
گاعد تذبحه ودم منحره يجره
(وابعيني انظر حز وريده)

ماعندي بعد غيره يداريني
خليلي الحنين ايظل يباريني
شمالك ياشمر ماترحم ونيني
ظلت بالصدر متكسره العبره
(خليلي حسين يباريني)

يگللهه اذبحه وماارحم ابحالچ
من الغالي احرمچ گطعي امالچ
راسه اتشاهدينه انتي واعيالچ
فوگ ارماح ارفعه وجسمه عالغبره
(والشام وياي اطبينه)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

فزاعيه سريعه ليوم العاشر

ظل اعله الوجه مگلوب
محد يركض يعدله

طاح ومااله ناصر
اويلي بحالته اشصاير
كسّر صدره الحافر
يسلم ضلع ماخله

نايم بالشمس والحر
ودمه عالتراب ايخر
منه گطعو الخنصر
ياهو يروح ويفزعله

وين الگاه اليمشيله
وعن الحر يفييله
ومن فوگ الثره يشيله
ياهو بحالتي يگله

يخبر حسين باحوالي
وهمي ولوعة اطفالي
حرمه ومنشده بالي
ظيم الگلب شيحمله

بعده مابطل دمعي
اون ومنحني ضلعي
وعله الغالي اضل انعي
واعليه البچي يحله

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

ختاميه لفقد الاحباب

كون اعله النودهم … نعمي العيون
راحو من ادينه ومايعودون
عفناهم عله الغبره يونون
ومن غصبا مشت بينه هالظعون
آ يالبين وازماني اشتريدون
اخذتو احباب گلبي ومايرجعون
ولو ابچي عليهم مايقبلون
هذول الگوم كلش مايرحمون
بالسوط اضربونه فوگ المتون
وعندي ازغار لاذو بيه يبچون
ترفه امتونهم لا ما يحملون
ابچي يادليلي وابقه محزون
من بعد المشو چا عيشتي اشلون
حرمه وبيد ظلام ويشمتون
ماتو كل هلچ ليه يگولون
ظليتي وحيده وماالچ عون
(ذباح اهلي يشمت بينه)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

نعي للخميسات

مشتاگ الگلب ويريد ملگه
مفارگ هله ياناس حگه
تكتل كتل ساعه الفرگه

انه فارگت الاودهم
الچنت امدلله ومهيوبه عدهم
ماخذهم الموت ومايردهم

عالغبره خليت الغوالي
وبالظيم والهظمات حالي
واشسون ابگلبي الليالي

عليه الليالي اثگال مرت
وليله الجمعه اعليه حلت
ارد انصب عزه وروحي تحيرت

محتاره ياناس بعزاهم
ذوله اخوتي الماكو بغلاهم
ويلي اشعمل بيه جفاهم

عالناگه انه اتصب عيوني
وانده يولياني اعذروني
اسوي العزه مايخلوني

لو سمعو اعداكم ونيني
چتالكم يركض يجيني
يضربني ويطگني اعله عيني

آ ياهظم گلبي ومصابي
وللدنيه اوجهنه عتابي
چاليش تحرمني احبابي

ابچو يشيعه وساعدوني
عالراحو من ايدي گابلوني
من البچي راحت عيوني

نصبو العزيه ولطمو الراس
عالمنگطع من عدهم الراس
وخلوني وحيده ابين الارجاس

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة مربوعه وتقرأ فزاعيه جنوبيه للامام الحسين عليه السلام

لحسين وبنينة … اللطمة شديهة
وصرخاتچ علة المظلوم عليهة

شدنة اللطم لحسين شدنة
لحسين وبنينة لايگة الونة
ويانة الزچية اهنا وتسمعنة
تحضرچ فاطمة يالگابليتيهة
(بالمجلس تلطم ويانه)

تحضر بالمجالس فاطمة البضعة
وادگ عالوجه مولاتچ وتنعة
تصرخ ياعزيزي الكسّرو ضلعة
نايم بالشمس جثِّتة امسلبيهة
(وامغسل من فيض دمومه)

عيننهة الزچية اتريد عوانة
دگن عالصدر لحسين مولانة
عازن فاطمة هاليوم حزنانة
مكسورة گلب لاحيل ظل بيهة
(ماجوره يالتبچي وياها)

عون الگابلتهة وونت وياها
وي ام الحسن علتة مبچاها
عملت كربلة هيهات ننساها
ولاننسى العقيلة والجرى اعليهة
(نواسيهه كل عام يمر)

يالزهرة عهد للموت وفاية
ماننسى ابد هالفاجعة هاية
وننصبلة عزانة ونرفع الراية
حسين امصيبتة كل عام نحييهة
(ماننساه ودوم نذكره)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة مربوعة وتقرأ فزاعيه جنوبيه للامام الحسين (ع)

اون اعليك… يالنايم عالتراب
عطشان ودليلك يالولي ذاب

اون اعليك يالضليت مطروح
سابح بالدمه ياخوية مذبوح
ماتنعد يغالي هواية الجروح
تستاهل ونيني يغلة الاحباب
(احا يالفگدك هد حيلي)

موونة اجر اعليك ونات
يالعايفني حرمة ابين شمات
ماانسى مصابك والله هيهات
اشلون انساه مثلة ماكو امصاب
(مذبوح وصدره مكسرينه)

مصابك ماجرة يانور العيون
ياهو ينذبح واعليه يسحگون
واعيالة سبايا اخلافة يمشون
كلساع اضربوهم گوم الاجناب
(حتى الاطفال ايضربوها)

حالك يالولي لمن اذكرة
بدلالي تشب يحسين جمرة
حد الموت اظلن دمعي يجرة
اهلنة عليك ادموم سچاب
(للموت ابچي واعمي عيوني)

ياوسفة الدهر طشر شملنة
اخذ مني الاخو واحرمني منة
وين الگاك يالكلك محنة
وياالميت بعد شيفيد العتاب
(ضيعناه وميعود النه)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

هوسات للسبي

السيدة زينب ع في مرارة التعب والطريق تحت شمس الظهر الحارقة تخاطب الشمر اللعين

ياشمر هاي الشمس تذبح ذبح
راس ابو السجاد نزله من الرمح
من اشوفه حيل گلبي ينجرح
(اذاه الحر /نور عيوني)

نزله وخل احط راسه اعله صدري
وفييله انه ابعباتي اعزيز عمري
عينه عليه من اشوفه شلون صبري
(ياشمر ارحم حالي وحاله)

حار راسه من الشمس سوده عليه
عالي ياهذا الرمح واشسوه بيه
يلچم ابگلبي امن اشوف ابن الزچيه
(بالدم انصبغت شيباته)

حاد سن الرمح ويعور تره
شلون جبته ونبتت بي منحره
يبچي حته الصخر هذا منظره
(ماحن گلبك حيل اذيته)

الله اليساعدني شرد احمل بعد
من كثر شوغاتي دلالي انمرد
راح مني الچان ذخري والسند
(عفت اعله الگاع اهلي وناسي)

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

فزاعيه سريعه للسبي

رفعو روسكم برماح
يهلي اشلون اشوفنهه

اصعب موقف ابعمري
يخواني كسر ظهري
والله تحيرت بامري
جمره ابروحي احسنهه

شلون اگدر اشوف انه
هاي الروس فوگانه
يريت عيوني عميانه
ولاهاللوعه اضوگنهه

اباوع واشهگ وانحب
راسي والگلب شيّب
بعد شتحتمل زيّنب
مصايب كربله اذنهه

شسوت كربله بيه
خلت روحي محنيه
امشي وي بني ميه
وارض الشام اطبنهه

شسوي گولو يخواني
هذا الحال فجعاني
ظلت تبچي رضعاني
وعلّت هالنسه ونهه

يتباچن حرايركم
من شافن مناحركم
وانه بلوعتي اندهكم
چابيمن اسكتنهه

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

قصيدة لسان حال السيدة رقية"ع" عندما رأت الشمر يضرب الامام السجاد"ع"
❥❥ـــــــــــــ❁❂❁❂❁❂❁ـــــــــــــ❥❥
*ليش اخوي تضربة ماتدري عليل*
*گوة يمشي والجسم منة نحيل*
❥❥ـــــــــــــ❁❂❁❂❁❂❁ـــــــــــــ❥❥
والله تعبان وولا يگدر يگوم
شبيك شايل سوطك اعليه وتحوم
شوفة من گد الضرب تجري الدموم
*راح حيلة ومابقة بالغالي حيل*
❥❥ـــــــــــــ❁❂❁❂❁❂❁ـــــــــــــ❥❥
راح منة الحيل والظهر انكسر
بالحبال امچتف وگلبة انفطر
ليش كلساع وتضربة ياشمر
*احنة ماعدنة ترة غيرة كفيل*
❥❥ـــــــــــــ❁❂❁❂❁❂❁ـــــــــــــ❥❥
ماهو ابوي وعمي عباس البطل
چان كسرولك ادينك يانذل
شلون تتمرجل علينة ابلا خجل
*واحنة جدنة المرتضى حامي الدخيل*
❥❥ـــــــــــــ❁❂❁❂❁❂❁ـــــــــــــ❥❥
بس نسة واطفال ماعدنة ولي
هو بس ظل النة من ريحت هلي
حيل مرضان وخلص حيلة علي
*ارحم ابحالة ودمع عينة اليسيل*
❥❥ـــــــــــــ❁❂❁❂❁❂❁ـــــــــــــ❥❥
گبالي مااگدر اشوفة ينضرب
هذا اخوي الغالي واعزيز الگلب
من التعب كلساع يوگع بالدرب
*الجراح ابجسمة كثرة موقليل*
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://www.tgoop.com/fatimaalialhilfy

نعي للامام السجاد"ع"
❥❥ـــــــــــــ❁❂❁❂❁❂❁ـــــــــــــ❥❥
گضه العمر بالهم والاحزان
يبچي عالغريب المات عطشان
واللعبت عليه الخيل ميدان

يتذكر ابو وشلون موتة
وشلون شاهد ذبح اخوتة
واويلي عليهم هذا صوتة

الله يساعدة دلالة ذايب
من طف كربلة شاف المصايب
ماخلت اهل يمة وحبايب

كل اهلة گضو بالغاضرية
گطعو روسهم عدوان امية
ياعظم المصيبة والرزية

فوگ الجرة سمو العدوان
واتگطع دليلة وحيلة خلصان
عمت عين الدهر ياناس خوان

ملتمة بنينة اعليه تودعة
والباقر يصيح ويجري دمعة
فجعانة مصابة اشلون فجعة

ودع بنينة وغمض العين
وراح ومنفطر دلالة نصين
ونو اعليه. وابچو يامحبين

لمصابة ونو ولطمو الهام
وعازو عيلتة باحزان والام
مارحمت ابحالة الگوم ظلام
❥❥ـــــــــــــ❁❂❁❂❁❂❁ـــــــــــــ❥❥
*بقلم✍خادمة تراب الزهراء(ع) الكربلائية فاطمة علي صالح الحلفي*
*واسألكم الدعاء والفاتحة لروح جدي وامواتكم ودعواكم لي بالنجاح والموفقية*
*غير برئ الذمة امام الله والزهراء من يحذف الاسم والرابط*
https://www.tgoop.com/fatimaalialhilfy

قصيدة للامام السجاد عليه السلام

*اه يالوعة مصابي شلون اهيد*
*ولسة اذكر والدي الذبحوه شهيد*

والله ماانسة الجرة بطف كربلة
من بقة المظلوم ما واحد الة
وذبحتة الگوم وبقة بحر الفلة
من القفا ياناس گطعولة الوريد

شفتة ذاك اليوم مرمي عالثرة
وجثتة بحر الشمس متوذرة
اضلوع صدرة ويلي كلهة مكسرة
منة ماسالم ضلع لاحتى ايد

حتى من ايدة اگطعولة اصبعة
الخنصر الضاع ابفجيعة مصرعة
من رحتلة وجسمة بيدية اجمعة
ابقيت ادگ عالراس وبوني ازيد

مصايب المرت علية مو قليل
من خذونة لليسر وانة عليل
گبالي ركبو عمتي فوگ الهزيل
ومن دخلنة لمجلس الطاغي يزيد

هالاجاني الموت وانة ابياوضع
حسرة خنگتني وعمة عيوني الدمع
مانسيت احسين من ظل منصرع
ولانسيت اهلي واخوتي والعضيد

اخ منك يازمان شهالمحن
ماسلم منك بزر ام الحسن
شگد مصايب علة العترة تكاثرن
عتاب وي هذا الزمن لامايفيد

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f

اجيتك بربعينك روحي نحلانة
واشكيلك يخوية عالجرة ويانة

يم گبرك وصلت والطم الهامة
وروحي لشوفتك يبن امي محتامة
خليني اشتكي من الشام والامة
اجيتك ذابلة وامتوني ورمانة

من يوم الخذونة ورحنة بالگوة
شفنة الظيم واللوعات والبلوة
من سوط الشمر الايتام تتلوة
وحفاي بطريق الشوك مشانة

ابحر الشمس ياخوية مشونة
وكلساعة يبوسكينة يضربونة
ومن نبجي عليكم مايخلونة
وعد جتالكم يبن امي ودانة

گابلنة اللعين امجلسة وشفناه
گبال الناس يشتم بيكم اسمعناه
بخرابة گعدونة وياحسافة واه
ورقية اهناك فزت بيك حلمانة

بتك رادت اتشوفك يواليها
تبجي ويسمع الظالم بواجيها
گلهم راس ابوهة خلة بيديها
ولمن شافتة ماتت الوجعانة

بالغربة ادفنتها ابلا عزة وعيلة
كلها امذبحة وماعندي الاشكيلة
وهاي انة اجيتك يالولي انحيلة
من گبرك دگوم اگعد تلگانة

تلگاني يخوية وگلي اشلونج
وشمسوي البجي ياخوية بعيونج
انشدني يغالي اشصاير ابلونج
هد حيلي السبي وامرافگ اعدانة

فرگاكم يبو اليمة شعمل بية
خلاني يبعد اعيوني محنية
اگعد يالولي نتسامر اشوية
لصوتك يالحنين اهواي لهفانة

*بقلم✍خادمة تراب الزهراء(ع) الكربلائية فاطمة علي صالح الحلفي*
*غير برئ الذمة امام الله والزهراء من يحذف الاسم والرابط او يأخذ من القصائد وينسبها له*
https://www.tgoop.com/fatimaalialhilfy

قناة اليوتيوب
https://youtube.com/@um_hasan_f