tgoop.com/fedniy/2088
Last Update:
عارف البطاقة اللي معاك ,,,, ايوة اللي شكلك فيها وحش دي
عارف أنك ممكن تستفيد بيها بما يساوي الاف الجنيهات تبقى تحت تصرفك😉
انت معاك صلاحيه جامده جدا عن بقيه دول العالم لان بلا فخر الموقع مش بيفتح غير ف ام الدنيا 💝
——————————–-
يعني لو انت مواطن مصري ف لازم تعرف عن حاجه اسمها بنك المعرفه المصري
الطبيعي ان اي حد فينا عايز يبحث عن معلومات او كتب بيبحث عن جوجل ده لو انت مش مصري
لكن لو انت مصري فالدوله عاملالك موقع اسمه (بنك المعرفه المصري ) فيه تقريبا كل الكتب و المقالات اللي ممكن توفر عليك جهد البحث علي جوجل والتصميم بتاعه جميل جدا وسهل في التعامل معاه
هاتسجل باسمك والبريد والرقم القومي وهايبعتلك رساله علي البريد لتفعيل اكونتك وبس كده
مبروك عليك الاكونت الجديد في اكبر مكتبه الكترونيه في العالم
****
الدوله عملت اتفاقيه بملايين الدولارات من اجل نشر البحث العلمي و العلم عموما مش متاحه
غير ليك ك مواطن مصري ليك رقم قومي
الاتفاقيه دي مع معظم الجامعات تخليك تقدر تدخل للجامعات ديه وتاخد المحتويات اللي بفلوس عندهم وبيقدموها
للطلبه عندهم وتخليك تاخد كل ده مجانا بشرط تكون مصري ومعاك بطاقه
افتحه هتلاقي الاتي
مقسم لاجزاء الاطفال — الطلاب — الباحثون —الزوار العاديين
هتسجل تبع القسم اللي انتا فيه ولو انتا باحث لازم تسجل من الجامعه بتاعتك وتدخل علي
الحساب مره علي الاقل كل 90 يوم من الجامعه والباقي براحتك من البيت
هتلاقي هنا طريقة التسجيل في بنك المعرفة المصري ekb للطالب والمعلم والباحث باخر تحديث :-
https://www.manjmy.com/798
خلاص سجلت وكله تمام التمام ,,,هتلاقي بعد كده علامه السيرش
هتكتب فيها اي حاجه انتا عاوزها وتعمل بحث — استني ثواني — هيوصلك احدث الكتب
والمقالات والفيديوهات
اللي موجوده في الجامعات اللي عامله الاتفاقيه ومع المؤسسات الكبيره لدور النشر اللي عشان تاخد اي كتاب
منها مش هتلاقيه غير علي امازون بفلوس محترمه
نزل الكتب والفديوهات وعيش يامعلم
ولو بتدور علي مقالات محترمه او ابحاث علميه الموقع هيفيدك بشكل رهيب
تعمل اكونت باسمك و برقمك القومي( خد بالك ليك تسجيل مره واحده لكل رقم قومي) و تعملك بروفايل
——————————–
جزء الطالب ده برده بيحتوى على كم مهول من الأبحاث و الي تستفيد منها لو بتعمل
research paper و انت طالب
او كمصادر مفيش اكثر ثقه منها ف مشاريعك و معلوماتك عموما تكون متوافقه مع احدث حاجه فالمجال الي متابعه
شخصيا ف الجامعه مطلوب مننا مشاريع ف مواضيع دراستنا ف كل المواد تقريبا… فيه مواضيع مكناش بنلاقيها
على عمو جوجل و لا جوجل سكولار.. لكن بنك المعرفه و وسيله البحث الي عنده مسهله طرق البحث بالمترادفات
——————————–
جزء الاطفال ده بقى متعه تانيه
بالتعاون مع Discovery Education بيحتوي على العاب و فيدهوات جامده جدا من ناشونال جيوجرافيك و غيرها….
——————————–
الموقع من جوه بيفتح لك مكتبات كبيرة و كنز عظيم الحقيقه ممكن نتوه فيه
الموقع عامل تعاونات مع مؤسسات زي Elsevier و ده للي ميعرفهاش هي المؤسسه رقم واحد عالميا لنشر
الورقات البحثيه والي بتضم مجلات زي nature
و هنلاقي معاه فيه access للعظماء دول و ببلاش
لو أول مرة تعرف المعلومة أو عجبتك أكتب تم أو أعجبتني في كومنت واعمل شير للبوست لتساعد في إنتشار المعلومة
BY Fedniy . فدني
Share with your friend now:
tgoop.com/fedniy/2088