በተለያዩ የበጎ አድራጎት ስራዎቹ ለሚታወቀው ኡስታዝ ኑሩ ቱርኪ የመኪና ስጦታ ተበረከተለት!

- ሀሩን ሚዲያ፥ ግንቦት 17/2017

የየሲር ለና በጎ አድራጎት ድርጅት መስራች እና ዋና ስራ አስኪያጅ የሆኑት ኡስታዝ ኑሩ ቱርኪ የቲሞችን በመንከባከብ እና ሙስሊሙን ማህበረሰብ በማስተማር ላበረከቱት አስተዋጽኦ የመኪና ስጦታ ተበርክቶላቸዋል።

የተሽከርካሪ ስጦታው የተበረከተው የበጎ አድራጎት ሥራዎቻቸውን በሚደግፉ አካላት እና በሥም ባልተጠቀሱ የቅርብ ወዳጆቻቸው አነሳሽነት መሆኑን ሚንበር ቲቪ ዘግቧል።

በመድረኩ ላይ የኡስታዝ ኑሩ ቱርኪ የቅርብ ወዳጆች እና ጥሪ የተደረገላቸው እንግዶች ተገኝተዋል።

ኡስታዝ ኑሩ ቱርኪ በተለይ ለየቲሞች ድጋፍ በማሰባሰብ ለበርካታ ሺሕዎች መድረስ ችለዋል። በዋነኝነት ከሚታወቁበት የቲሞችን ከመደገፍ ጎን ለጎን ወጣቶች የተለያዩ ድጋፎችን እንዲያገኙ እገዛ እንደሚያደርጉ በቅርበት የሚያውቋቸው ይናገራሉ።

ኡስታዝ ኑሩ ቱርኪ በመሠረቱት የሲር ለና የበጎ አድራጎት ሥራቸውን አጠናክረው በመቀጠል በበዓላት በሺዎች ለሚቆጠሩ የቲም ሕፃናት የአልባሳት ድጋፍ በማድረግ እንዲሁም በገጠሪቱ የሀገሪቱ ክፍል በመዘዋወር ከ385 በላይ ንፁህ የውሃ ጉድጓዶችን በማስቆፈር በርካቶች እንዲጠቀሙ አድርገዋል።

© ሀሩን ሚዲያ



https://www.tgoop.com/fethababora
https://www.tgoop.com/fethababora
https://www.tgoop.com/fethababora