tgoop.com/fiona23s/1784
Last Update:
لي صَديقةٌ سَريعةُ الوقوع بالحُب.. لَديها كل شَهر.. وقعتين.. أو ثَلاثة ( عَلى حَسب سرعة الانترنت ).. لذلك قررت منذ عام.. أن تتوقف.. وتختار ببطء وحذر.. والبارحة
أخبرتني بأنها منذ أشهر قَليلة.. تتكلم مع أحدهم..
-أي أنا كتير مرتاحة معو..
-ممكن نرتاح مع شَخص.. مو ضروري نحبو..
-اي بس هو كتير شخص صادق..
-الحياة مليانة أشخاص صادقين.. كل واحد بدنا نحبو؟ مع أنو الك عادة
-وبيهتم فيني كتير..
-اهتمام الأشخاص.. ليس سبب لنحبهم..
وبعد حَديث طَويل عَنه؛ وأنا مُدرك بأنها في هذه المرة من الممكن أنها اختارت شَخصاً صحيحاً.. ولكنني أحاول حمايتها.. إلى أن بدأت بقول ما أريد سماعه..
-بتعرف؟ خلاني اشرب متة ( لأنها من المستحيل أن تقوم بذلك )
-اي؟ يعني عم تعملي شغلات ماكنتي تساويها..
-كتير، حتى رجعت حب اعمل شغلات معد حسها حلوة انزل اتمشى.. نشرب نسكافيه ونقعد بالطريق.. عم حس بشغلات جديدة..
وهنا عَرفتُ.. بأنها على ما يبدو.. حقاً وقعت بالحب..
كانت وكأنها تُخبرني..
He made me feel things❤️
فما هو الحُب؟
هو أن نَشعرَ بالأشياء من حولنا
فرانسوا داراني
٢٠١٨
BY فيونا - Fiona
Share with your friend now:
tgoop.com/fiona23s/1784