tgoop.com/for_her_AL/19
Last Update:
#نصائح_ليوم_الامتحان
اولاً/لاتروح للامتحان وانت مانايم بالليل لان راح يصير عندك ارهاق وتعب وهذا الشي راح يزيد عندك القلق والتوتر.. بالتالي راح تواجه صعوبه بتذكر المعلومات..ف انصحكم تنامون ع الاقل ساعة🍃
ثانياً/لا تراجعون المادة هواي.. يعني مرتين ثلاثة كافية.. بالكثرة عقلك راح يركز على شي اكثر من غيرو.
ثالثاً/لازم تاكلون قبل لاتروحون للامتحان وجبة طعام سريعه وركزو ع الفواكه..حتى يتنشط دماغك..وعقلك ويساعدك ومايخونك من تريد المعلومات من عندة لان العلاقه طردية بين الاكل والعقل😂.
رابعاً/اترك الكتاب قبل نص ساعه من بدأ الامتحان حتى العقل يرتاح شويه⚡️
خامساً🌷/المستلزمات اللي تحتاجها بالامتحان ( 1- قلم رصاص ﴿اذا ميكانيكي ترتاح اكثر ﴾ . 2- قطاطه <اذا مو قلم ميكانيك >. 3- مسّاحه. 4- مسطرة اذا تريد . 5- اخذ قلم جاف للاحتياط حتى اذا ماكو ليبل تكتب اسمك { شغله مهمه لاتكتب اسمك ع الدفتر الامتحاني الا اذا المراقبين طلبوا منكم في حال عدم وجود ليبلات } . 6- بُطل ماي ( يُفضل جامد ). 7-وكمية كبيرة كلينس (ضروري) حتى تنضف المقعد مالك من التراب وحتى تخليه بين كف ايدك والدفتر الامتحاني حتى الدفتر مايتلطخ بالوسخ .. 8- ولاتنسى الباج والبطاقه الامتحانيه (وهوية الاحوال للاحتياط ). 9- للبنات لاتنسون الزي الرسمي.
10- لاتاخذون موبايلاتكم ترى تتبهدلون.
سادساً/عند دخول القاعه الامتحانية ادعوا هذا الدعاء ( اللهم لاسهل الا ماجعلتهُ سهلا وانت تجعل الصعب اذا شئت سهلا)وبقية الادعية.
سابعاً/عند استلام الاسئلة قل ( بسم الرحمن الرحيم) وابدا بالسؤال الاول وغطي بقية الاسئلة بالدفتر ولاتحاول تشوف بقية الاسئلة لان راح تتشتت و جاوب بالتسلسل ولاتترك شي بالبداية..بعد ماكملت كل الاسئلة..السؤال اللي تشوف نفسك مامجاوبه زين اتركه (واكتب السؤال الفلاني ترك بخط واضح)
اما اذا شفت نفسك مامقتنع بأجوبتك تگدر تأجل المادة للدور الثاني بمسح الدفتر كاملا وتسليمهُ للمراقب.
ثامناً/اتجنب #الغش ولاتترك اي اشارة بالدفتر لان الغش يحرمك الامتحانات كلها..وراح تُعتبر راسب.
BY نصائح للدراسة||نصائح دراسية
Share with your friend now:
tgoop.com/for_her_AL/19