عادات غير صحية نفسياً:
-البقاء في الفراش رغم الاستيقاظ
-لوم النفس الدائم
-الأنعزال في المنزل
-الاعتذار عن المواعيد والدعوات
-التذمر المستمر
-رفض عادات جديدة
-كتم المشاعر
-حساسية تجاه النكد
-القاء اللوم على الاخرين والتنصل من المسؤولية

مقال كيف تعمل علاقة ناجحة مع شخص عنده Anxiety و Over thinking
ع الطريق❤

كيف تعمل علاقة ناجحة مع شخص عنده Anxiety و Over thinking؟

فيه شغلة اسمها Anxiety و Anxiety disorder وترجمتهم الحرفية القلق واضطراب القلق..بالعادة القلق هاد بيكون مرتبط بمشكلة تانية هي الـ Overthinking أو الإفراط في التفكير..وهم عرضين نفسيين بيجي معهن أعراض تانية متل الأرق والصداع أحيانًا ومشاكل الجهاز الهضمي واضطرابات التغذية متل النهم الشديد أو إنعدام الشهية والبكاء بلا سبب وشغلات تانية من غير الدخول في تفاصيل مملة.. يعني شبه فكرة المتلازمة في الأمراض العضوية.
نرجع للقلق والإفراط في التفكير.. حابب أتكلم أكتر عن تكوين العلاقة مع الشخص إللي عنده المشكلة هي، أيًا كان نوع العلاقة صداقة أو زواج أو علاقة عاطفية رح حاول أقرب لألكن الشخص هاد بيحس بشو عن طريق بعض الأمثلة..
مبدئيًا الشخص إللي عنده Overthinking دماغه ما بيتوقف عن التفكير حتى وهو نايم وبيتعذب جدًا بسبب هالشي طول اليوم..بيفكر في أمور جدية جدًا وعادةً سلبية في كل وقت حتى وهو بشوف فيلم في السينما، حتى وهو بيتحمم وبياكل، حتى وهو بيصلي..لو الله عطاك نعمة إنك تدخل الـNothing box شوي وتسرح في اللاشيء، فهو فعلا ما بيعرف معنى نوثينغ بوكس..عمره ما جرب إنه المخ تبعه ما بضل يلف ويدور متل الخلاط..ومن كتر تسارع الأفكار في مخه بيحس كأن فيه شخص ماسك مطرقة وعم يدق بسامير في مخه..بيدخل بعدها في حالة تشبه حالات الهوس، بيبقى عندو رغبة شديدة في الكلام والغناء ويطلع كل مشاعره وأفكاره فورًا بعد Over dose التفكير إللي هيجيب أجله، عشان هيك رح تلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة.. إنت مفكره ممل وما بمل بس الحقيقة هي أن مخه بضل يعيد ويزيد في نفس الفكرة بمحاور مختلفة كل يوم..
دايمًا مضطرب وقلقان في علاقاته وإفراط التفكير بيخليه يسأل حاله طول الوقت.. أنا غلطان؟ هو أصحابي بحبوني؟ هو حبيبي بحبني؟ هو أنا المفروض أقول هيك؟ هو كان متعود يتصل ليش اليوم ومبارح بطل يتصل..أكيد أنا عملت شي غلط؟ لو شفت رسالته وما ردت عليه بيصبر شوي وبيستحمل، بس بعد شوي الأفكار بتتمكن منو: أكيد هو بيعرف..أكيد فيه مشكلة..ممكن يوصل فيه التفكير لو اتأخرت عليه كم يوم أو اتغيرت معه في المعاملة كم يوم إنه بفكر إنك خلص ما بدك تعرفو مرة تانية! تخيل مدى الألم يلي بعيشو وهو بيترجم تصرفاتك إنك ما بتحبو ومابدك تعرفو مرة تانية؟! إنت بتكون مفكره مو مهتم أو بيتدلع أو اخد موقف لما بيقعد يقلك شبك رد عليي! أو يتصل فيك كتير، لكن هو الحقيقة بيبقى محتاج جملة واحدة بس تخليه يرتاح عشان يعرف ينام..لإنك بتبقى قاعد في بيتك بتتفرج على فيلم أو نايم (وهاد طبعًا مو ذنبك وما حدا يلومك وإنت مو مقصر في أي شي) بس هو بيبقى حرفيًا عايش ساعات سودة ناطرك تظهر وتطمنو إنه كل أفكاره المجنونة هي مالها أساس من الصحة ف بيبقى لا على حامي ولا على بارد عشان نفسو يرتاح ويعرف يعيش يومو عادي متل الناس الطبيعية يعني
اوعى في لحظة تكون مفكر إنه بيقدر يتحكم في هاد بسهولة..الموضوع صعب جدًا.. هو ما بيقدر يمنع نفسه إنه يفكر أو يتصرف هيك وبيلوم نفسو طول الليل والنهار وعلى طول حاسس بالذنب وحاسس إنه عبأ على أصحابه وحبايبه وعيلته
مافي غير سيناريوهين مع الشخص هاد:
1- يا مارح تعرف تتعامل معو ومارح تفهمو ورح يضل يحس طول الوقت إنه تقيل وزنان ورخم (مصطلحات تدل على الاحساس بالعبأ) ومع الوقت الإحساس هاد بيوجعو ف رح يبعد عنك وعلى قدر ألمه وتحمله وحبه لألك على قد ما رح يصمد معك، يا إما رح تعرف مفتاحه وتكسبه خصوصًا وإن الشخص هاد بيقدر جدًا الناس إللي بيفهموه وبيتعاملوا مع مشكلته لإنهم فعلا قليلين..
مفتاح الشخص هاد هو كلمة وحدة "الأمان"..كل إللي الشخص هاد محتاجه لو إنه يحس بالأمان كل ما تجيلو فكره سلبية كبيرة وإنت مع الوقت خلص بتعرف السيناريوهات إللي بتدخله في مود التفكير . لما بقلك هو أنت اشتقتلي؟، لما بنق كتير، لما بقلك هو إنت زعلان؟، لما بقلك وينك مختفي، لما بقلك إنت متغير معي، لما بقلك ذاكر زمان لما كنت بتعمل كذا..هي جمل معناها إنه متهدد وقلقان ومضطرب ومو محتاج أي حاجة أكتر من جملتين تلاتة بس حلوين و إيجابيين وهو بكون تمام..مو محتاج أكتر من مكالمة دقيقة..رسالة..أغنية لطيفة..ساعات بكون كل إللي محتاجه إنك حتى تعمله لايك على بوست..اللايك الهبلة يلي بنكرهها هي ممكن تشيل من مخه فكرة سلبيه مجننتو ويقول لحاله: " لا لا هو مو زعلان مني ولا شي هو حتى لسا عاملي لايك من شوي..أنا على باله صح".
ولو عندك Overthinking و Anxiety ابعت الموضوع لأصحابك وحبايبك وقوللهم هاد أنا، وأنا بحبكن وعايزكن جنبي وما بقدر استغنى عنكن وبحاول أشتغل على نفسي كرمال أتحسن وأكون مريح لألكن عشان انتو تستاهلو مني إني ما أتعبكن..ولو تعرف حدا هيك وفارق معك ومهتم فيه اقرأ الكلام هاد كويس وتمام وشوف رح تستفيد منه كيف عشان علاقتكن تبقى أحسن سوا❤️

متى ينتهي الاكتئاب؟
في المتوسط، بتستمر نوبة الاكتئاب الشديد من 4-8 أشهر وفينا نقصر هي المدة بالعلاج يلي بالرسائل فوق ،وبيتعافى معظم الأشخاص في حوالي 3- 6 أشهر مع العلاج، بس هاد الشي يعود للمريض وحالته وبيختلف من شخص لآخر بطول المدة أو قصرها

ما فرق المرض وولا نوع المرض المهم نكون بخير بٱخر رحلة الاكتئاب
Be strong ❤🔥

صحتك النفسية اهم من دراستك والمصاري والشغل واراء الناس وامنيات عائلتك ومزاج اصدقائك.❤

مهما كان عمرك
مهما كانت ظروفك
تستطيع في كل يوم أن تتطور فكريا و نفسيا.
د.همام عرفه

كيف تتعامل مع شخص عنده اكتئاب مفرط او حاد او خفيف ؟ مقسم الى جزئين
الجزء الاول - الخطوات -
كتابة Majd Knen
مبدئيا سويت شرح مرة عن كيفية التخلص من الاكتئاب في قناتي على تلغرام @fortherapy
طب عمرك فكرت كيف هنتعامل مع شخص مكتئب ما تعالج؟
قبل ما تعرف تتعامل لازم تاخد قواعد لحتى تبلش بالتعامل ورح اعطيك القواعد مع شروحات كاملة لكل قاعدة وطريقة التعامل الواضحة هتكون بالجزء الثاني

1- الاستماع فقط عند طرح المشاكل.
يعني ولو تكلم كتير ولو كرر الكلام ولو فتح الموضوع مليون مرة ما تمل لانو انت حرفيا مابتعرف كمية الراحة يلي رح يحصل عليها لما ما تقاطعو وتسمعلو كلشي وهو رح يعرف نفسو انه تقيل وعبئ بس انت اعطيه العكس دائما وخليه يفكر انو عم يحكي شي صح ولازم يحكي هيك كلام وحاول قول ( قلي شبك؟ شو صاير احكيلي انا رح اسمعك) ورح تكون افضل جملة بتنقال بهيك موقف

2 - يجب أن تُدرك أنك لا "تعرف كيف يشعر"
الاكتئاب غير الحزن اصلا وتقريبا 50% من الأشخاص المكتئبين بخافو يطرحو مشاكلهن خوف من التشبيه بالاتنشن واكثر من شخص بحاولو يساعدو الشخص المكتئب بقول (انا حاسس فيك وبشعورك) ولكن هالشي غلط ومن الافضل تقول ( ما بفهم الشي يلي عم تمر فيه بس بدي اعرف اكثر احكيلي )

3 - البقاء على تواصل.
صدقني مو صعب انك تقول ل شخص مكتئب اني انا جنبك على طول او رح ضل معك طول الوقت وانت مكتئب ومتل مقال الاوفر ثينغ يلي كتبته وقلت ~ رسالة فقط رح تخلي الشخص يحس بالامان~ ونفس الشي بالاكتئاب تماما وهالشي مابعالج الاكتئاب بس بيعطي راحة نفسية كبيرة للشخص

4- تقدير الانجازات.
اي شخص مكتئب رح يحب انه يسوي انجاز ولو انجاز بسيط مثل ( سويت اكلة صغيرة- تركت التدخين - نحفت كيلو )
وانت مهمتك هون انك تدعم الشخص المكتئب وتقول انه العمل رائع وهو اصلا شي رائع صراحة انه شخص مكتئب يسوي انجازات لان الاكتئاب هو كسل وعدم تقديم اي انجاز بسيط ف لذلك اي انجاز يحصل للشخص المكتئب ادعمه وكون جنبه وساعده بأي انجاز لحتى يصير شي عظيم

5- محاولة اسعاد الشخص المكتئب
رغم ان الأكتئاب حسب دراسات اطباء نفسيين هو بعيد شوي عن الحزن هو خمول او تفكير كتير او كتير صفات بس طبعا الحزن موجود
لذلك مهمتك هون اسعاد الشخص المكتئب بأي طريقة ولو كان ب نكتة او غنية بتضحك او فديو بضحك او اي شي ممكن يخليه يضحك وانت رح تعرف اكتر مني لاني مابعرف الشخص المكتئب يلي عندك على شو بيضحك او على شو بكون فرحان وانت تصرف وحاول اكتر من مرة ولو كان مكالمة بكون افضل من الرسائل عشان يمكن صوتك يبقى شي مريح بالنسبة للمكتئب.

6-عدم المقارنة ابدا ولا بأي شكل من الاشكال.
فعلا المقارنة اسوء شي يمكن تسويه للمكتئب واكتر شي بخليه يموت من القهر وبتوصل للانتحار
لازم تتجنب انك تقول ( عادي - في شخص متلك - في ناس ماعم تعرف تعيش لا تكون مكتئب عادي في ناس حالتها اسوء منك)
المقارنة شيء سلبي وانا عن نفسي مستحيل اتقبلها وانت ايضا
تجنب انك تقولها ل شخص مكتئب كون جنبه وقول ( والله رح ضل جنبك وماخلي حدا يأذيك) وقول هيك كلام على مهل وخليه يحس انو هو رح يكون احسن وافضل بكلامك
اكرر وأعيد الرجاء عدم قول هذا الكلام ل مكتئب

-حاج تكبرها ما في شي مستاهل
- ليه متدايق؟ في اهلك ورفقائك جنبك وعندك شغل وحياة رائعة ما تزودها
- ليش هيك عم تكون نكدي وسلبي! الحياة حلوة بس انت ما بتعرف تعيشها
-حاج تنطوي عل حالك وحاول تطلع برا البيت انت اصلا كسول
-لك ما حدا مرتاح دخيلك كلو عادي
-هي كلها أوهام براسك بس انت مكبرها
-روح تطلع على غيرك مو ملاقي آكل ولا بيت ، احمد ربك عل الحياة يلي انت فيا
"حاول" فهم السواد والخمول
واليأس والوحدة التي يمرون بها كن لهم عندما يأتون من الجانب الآخر أنه من الصعب أن تكون صديقا لشخص مصاب بالإكتئاب
ولكنها واحدة من أنبل وأفضل الأشياء التى يمكنك القيام بها على الإطلاق.

بعرف انك تعبان بعرف انك منهار بعرف انك مكتئب بعرف انك فشلت بعرف انك ماعم تعرف تتصرف بعرف انك ضايع وبعرف انك عم تفكر والارق مصاحبك والنوم طاير من عيونك، بس..
هتضل فاشل؟ هتضل هيك؟ هو الناس مين اصلا لحتى يتحكمو فيك؟ انت مين ؟ ما مليت من كلام الناس عنك ؟
الفشل مش عيب لا لا الفشل شي ايجابي جدا لانه بعد الفشل نجاح ومستحيل تنجح بدون فشل بس لايمت؟ العيب انك تضل بهي المرحلة بهاد الوضع هون بنفس البقعة يلي انت فيها
قوم اصحى وقف قدام مراية حكي نفسك
جيب ورقة وقلم واكتب عليها اقسى كلمات بتخطر ببالك اكتب انا فاشل انا عادي انا ضعيف
وحطها بعيونك وجمع كل قوتك ولما تبطل فشل بتحرق ورقة انا فاشل ولما تصير قوي بتحرق ورقة انا ضعيف ولما تكون مميز بتحرق ورقة انا عادي
احرقهن بقوة كتير ولو بأيديك لانك من كتر الفرحة مارح تحس بوجع،
بتعرف شي؟ تعال اقلك انو مافي انسان ناجح بدون فشل يلا ابحث عن شخص نجح بدون عذاب او شخص مشهور ما كان فاشل او فقير او مريض ب مرض كبير وشفي لما قوي
اسهر بس ما تسهر للتسلية فقط
اصحى بس ما تصحى ل مشواير فقط
ما بتقدر تدرس؟ مفكر النجاح بده شهادة؟ لا ابدا مو بس بالدراسة في ملايين الاحلام بدون دراسة بس طبعا في ناس احلامها بالدراسة ومابهمني وين احلام الناس يلي بهمني تتحقق بقوة وصبر وارادة
اسهر للشغل واتعب لحتى تصير انسان مميز جدا انسان بيوصل للعالمية انسان بيوصل لمرحلة فوق الغيم
انسى الغربة انسى التعب انسى يلي راحو انسى الشخص يلي خلاك تبكي والشخص يلي راح وانت بنص ضعفك انسى الأشخاص يلي بيكرهوك وحبهن
اي حب اي شخص كان سبب فشلك لانه فشلك بهي الثانية هو نجاحك بعد سنة
يلا صحصح وقوم اصحى بكير او اسهر بالليل واشتغل على حلمك
وتذكر
مافي انجاز بدون تعب ودموع
ولا تنسى التقرب ل رب العالمين اهم من اي انجاز
كون بخير
يلا!
بحبكن ❤
تصبحو على خير ولا تنسى انت وهيي

-من تحت الركام لعند النجوم❤-

مقال كيف تتخلص من الارق والقلق مُقسم الى ثلاث اقسام

-قسم تعريف الارق وخطرته

-5حلول للتخلص من الارق

-5حلول لتجهيز الجسم للنوم بشكل مريح

مقال كيف تتخلص من الارق والقلق
كتابة Majd Knen
اول شي خلينا نتعرف ع الارق
الأرق هو مواجهة صعوبة في النوم، يمكن تكون لفترة قصيرة، أو فترة طويلة الأجل ( مزمنة). يعني بيستمر الأرق من ليلة وحدة حتى أسبوعين، أما الأرق المزمن بيحدث لمدة 3 ليالً في الأسبوع ولمدة 3 أشهر او 4

أعراض الأرق؟
بيواجه الشخص صعوبة في ممارسة المهام اليومية، ومنها : مواجهة صعوبة في النوم،الاستيقاظ أكثر من مرة خلال الساعة،التعب والإعياء طوال الوقت،عدم الإدراك والتركيز،عدم إتمام المهام اليومية،الحزن والكآبة

في نوعان من الأرق، وهيي الاساسي والثانوي
الأرق الأساسي: هالنوع من الأرق لا يرتبط بأي مشاكل أو حالة صحية، يعاني منها الشخص ابدا، فقط قلة نوم وتعب

الأرق الثانوي: بيحدث الأرق الثانوي أن الشخص بيواجه مشاكل في النوم بسبب حالة صحية أو مرض مثل ( الربو، والاكتئاب، التهاب المفاصل، تعاطي المخدرات)

شو هيي عوامل خطر الأرق ومضاعفاته؟
بتشمل عوامل خطر الأرق التي بتخلي الشخص يعاني من
مشاكل في الصحة النفسية
نوبات الليلية
مرض طويل الأمد
وتشمل مضاعفاته طبياً

بيحتاج الجسم إلى النوم حتى يقدر من ممارسة مهامه اليومية بشكل جيد، بس اذا تمكن الأرق من حياته، فمن المحتمل أن يتعرض إلى

ارتفاع خطر التعرض لبعض المشاكل الصحية، مثل
السمنة والاكتئاب وارتفاع ضغط الدم
عدم التركيز
اضطراب القلق
ردود الفعل البطيئة

وهلق 5 حلول التخلص من الارق مع شرح مُفصل

1-اول شي إعداد غرفة النوم :
انه تكون غرفة نومك هادئة وجوها مناسب
بتساعد غرفة النوم الهادئة بالنوم والاسترخاء بشكل أفضل وأسرع، بالإضافة لازم تكون درجة حرارة الغرفة ملائمة للنوم يعني فاترة (بين الباردة والساخنة) عشان جسمك يستمتع بنوم هادئ وعميق، واذا كنت من الاشخاص يلي بتصير معهن مشكلة التعرق الليلي بهذه الحالة البحث عن طريقة لتبريد المخدة (الوسادة) والمحفاظة ع رطوبتها.

2- اطفاء الأنوار وجميع الأجهزة الموجودة بالغرفة:

الظلام بساعد بشكل كبير العقل ع الاسترخاء، وطلب النوم، وإفراز الهرمونات التي بتعمل على تحفيز العقل والجسد على النوم، واذا تركت الأجهزة بتعمل وضليت تشوف التلفاز لفترة طويلة.او هاتفك ،هون العقل بيصدر مجموعة من الهرمونات بتعمل ع عدم وصول النوم، وبالتالي ضروري أنه تكون غرفتك مظلمة، وتسكر كل الأجهزة قبل النوم على الأقل بـ60 دقيقة حتى تقدر


3-النوم بدون ازعاج أو الشعور باضطرابات النوم:

لازم تقوم بالاستغناء عن جميع الأجهزة الإلكترونية بغرفتك، متل التلفزيون أو جهاز PC او اي لابتوب وأنت على التخت، لأن غرفة النوم معروف عنها أنها مكان للراحة فقط، وفوق هيك لازم تسكر هاتفك بمجرد ذهابك إلى النوم، أو على الأقل اضبطه بوضع عدم الإزعاج ولا تحطه جنبك ع التخت، حتى ما يكون مصدر للإغراء، وتفتح الإنترنت وتتصفح وبيختفي عنك النوم، وبتعود من جديد إلى الأرق.



4- تأكد من أنه التخت (الفراش،السرير) مناسب للنوم:

إذا كان التخت الخاص فيك غير مريح ف بكون عامل مساعد على الأرق، لا تستغرب لأن الأرق بينتج عن عدم الراحة، وهيك ضروري تخصيص وقت مناسب للعناية بصورة كبيرة بتختك، والبحث عن تخت ثاني لحتى ترتاح وكتير من الاشخاص بعانو من أمراض الظهر والرقبة والعظام ف لازم انه تبحث عن وسائل نوم مريحة، ويفضل "التخت القطني" لأنه بكون مريح للظهر مما يساعدك ع التخلص من الأرق، ناهيك عن ضرورة غسل الأغطية مرة وحدة بالأسبوع ع الأقل، لإمكانية النوم بشكل هادئ ومريح نفسياً مع ضرورية ترتيب غرفتك كل يوم

5-اخلاء غرفة النوم من الضجيج والضوضاء:

الصوت العالي والضوضاء بكونو عامل مُساعد للأرق، وبالتالي لازم أنك بتقوم ببذل جهد أكبر لتخلص من الضوضاء الموجودة بغرفتك، متل إحكام غلق النوافذ والشبابيك والأبواب والتلفاز، وهيك عشان تمنع تسلل أي ضوء إلى غرفة نومك، ويفضل أنك تقوم بالاستغناء عن جميع الآلات الموسيقية الموجودة بغرفتك، ولا تترك سماعة الأذُن بأذنك، عشان لا يتسبب هالشي في الأرق.

ثانيا لعلاج الارق بشكل اكتر
تهيئة الجسم للنوم ب5 خطوات

1.ضرورة أخذ دش دافئ :
ضروري تاخذ حمام دافئ لأنو إحدى الطرق المقاومة للأرق، وبتساعد على النوم بشكل سريع،الحمام الدافئ بكون عامل مساعد ع رفع حرارة الجسم، وبساعد بصورة كبيرة العقل على إفراز هرمونات النوم، ومن الأفضل البقاء تحت الماء مدة ما بتقل عن 20 دقيقة.

2.شرب مشروب خفيف دافئ قبل النوم:

اكل الوجبات الدسمة قبل الذهاب الى النوم من الأمور غير المُستحبة بصراحة وبتدفع إلى الأرق، وبالتالي يُفضل انك تمتنع عن تناول الوجبات الدسمة قبل النوم مُباشر، ولازم ما تروح للتخت وأنت جوعان ، وبالتالي أفضل الحلول بهي الحالة انك تاكل وجبة خفيفة مكونة من فاكهة أو شوربة، او الشاي الأخضر، أو كاس كبير من الحليب، كل هالوجبات بتساعد بأفراز هرمونات النوم وتحد من الأرق.

3.تلبس ملابس نوم مريحة:

قبل النوم لازم تبحث عن ملابس نوم مريحة، لأنه الراحة بالنوم بتكون سبب ضروري للتخلص من الأرق ومواصلة النوم بكل هدوء، وبالتالي من الضروري ارتداء "بيجامة" تكون مناسبة للنوم ومصنوعة من مواد قطنية.

4.القيام ببعض تمارين التمدد:

تمارين التمدد من الأمور التي بتساهم أيضًا بعلاج مشكلة الأرق، وهي لأنها بتساعد بشكل كبير العضلات على عملية الاسترخاء قبل النوم،
من السهل انك تقوم بمحاولة الاستلقاء ع ظهرك بالفراش أو على الأرض مع ضرورة ثني الركبة، وذلك لمدة ربع ساعة

5-قراءة قصة او كتاب قبل النوم:

القراءة والكتابة أحد أهم الوسائل التي بتخلصك من الأرق، وبتجعلك تذهب إلى النوم في هدوء لتستمتع بنوم هادئ دون اضطراب، ولكن:

ضروري الابتعاد تماماً عن اختيار قصة تكون مخيفة، أو.فيها.اثارة حتى لا تشعر بالملل،
او تفريغ جميع المشكلات وأحداث اليوم في الدفتر الخاص بهم

بالتوفيق للجميع بمحاربة الأرق
واذا بتعرفو شخص معاني من الارق ابعتوله المقال
انتو اقوى من الأرق اتأكدو❤

تنويهات مهمة بخصوص بوت Good listeners

1- نحنا اشخاص مو روبوتات بتقدر ترد عليك بنفس الثانية نحنا فريق والبوت بكون متصل بكروب وبنرد عليكن من الكروب نفسو وكل شخص بيستلم شخص مع وجود رمز مشترك للتمييز

2- اسمائكن، معلوماتكن، صوركن وكلشي
شي مابنقدر نشوفه ابدا ولو طلبتو سكرينات هنعطيكن فورا مافي اي مشكلة وحتى اقصى شي بنسألكن عليه عمركن وتفاصيل ما بتبين مين انتو (لحتى نعرف كيف نتصرف)

3- البوت مش للتعارف وولا شي هو فقط لنحل شوية مشاكل او نعطيكن شوية نصائح ولو ما قدرنا نحل المشاكل تذكرو انو هنقدر نسمعكن دائما

4- اي مسخرة هيتعرض صاحبها للحظر واسفين سلف بس مافي وقت ونحنا مو نفسيات بس نحنا عنا باليوم 150 احالة اعتقد الضغط بيكفي لحتى نكون مابنقدر نسوي هيك

5- تاخرنا عليك يومين ل نرد؟ ما ردينا؟ ارجع ابعت وقول ما رديتو وانسخ الرسائل مع الرمز ولا تستحي او تعصب كلنا بنغلط ما بظن فينا نركز بوجود كل هالرسائل ف لازم تساعدونا ل نساعدكن اكتر

6- بكل رسالة اكتب رمزك
رح نخصصلك رمز واكتبو بكل رسالة لأن في كتير رسائل
كيف هنقدر نميز؟ لازم تبعت الرمز بكل رسالة ، واذا ما بعتت 90% مارح نرد عليك لأن رح تضيع رسالتك بين الرسائل وما رح نقدر نعرف شي من شي

7- قدر ظروفنا اخي ، نحنا اشخاص بنعمل بدون اي مقابل فقط بنحب نساعد
احيانا بيفصل النت واحيانا الكهربا ويمكن ننشغل ونعيش حياتنا ب شي محدد وغير انو في دراسة وشغل ووضع البلد معروف مافي داعي اشرح..

8- اذا صار اي خطأ بالبوت ، وصلك رسالة خاطئة او في شي زاعجك بالبوت لا تتردد وتراسلني @majdknen لان كلها اخطاء تقنية وبشرية وكلنا بنغلط

( انا مو من كادر الفريق انا فقط مطور يعني ما بساعد غير ب تطوير البوت واضمن انو ما يوقف ويضل بأسرع حال لتضلو مرتاحين ف لما شخص يجيني خاص رح حولو ع البوت لأن انا بدي مين يساعدني نفسيا اصلا )

بتمنى هيك مشروع يكون عاجبكن من لما بلشنا فيه واتفقنا ع انو نساعد الناس وما نخلي شخص حزين بأذن الله❤️

كل الحب لالكن من فريق good listener

مكتئب حقيقي
• لا يبكي كثيرا واذا بكى يبكي لانه انغمس في تفكيره
• يضحك امام الجميع ويحاول اخفاء حزنه حتى يعجز ، ويسمع اشياء يحبها لتخفف عن حزنه
• اذا سألته عن سبب حزنه يصبح غير منطقي ومزعج ولا يريد الجواب
• دائما يحاول اسعاد الناس ولا يريد الا اهتماما قليلا لبعض الوقت

" نصيحتي ورسالتي الأخيرة "
بحب خبرك معلومة واقعية وعلمية
كل يلي بصير بحياتك هو بصير بالاول بالمخ
كل يلي بتخاف منو بتلاقيه بصير
من قوة تأثير اللحظة
الاسد سرعتو اقل من سرعة الغزال ب 3 أضعاف يعني الغزال اسرع من الاسد ب 3 مرات
ومع هيك الغزال هو الفريسة الاسهل للأسد
لسبب واحد بس
لانه بيركض وبيتطلع وراه
ف طول ما انت متل الغزال ف انت فاقد هدفك وهو النجاة .

#نفسياََ
#الانفصام_الباروني .
تعريف :
-هو اضطراب دماغي حاد، يسبب الكثير من الهلاوس والضلالات، حيث يفسر المريض الواقع بشكل غير طبيعي , كما ويكون تفكيره وسلوكه مضطرب .
الأسباب :
صدمة نفسية .
رٌعب بعمر الطفولة .
بعض الابحاث النظريات التي تفيد بوجود بعض الأسباب الوراثية .
الأعراض :
1- يعاني هؤلاء المرضى من الأوهام والهلاوس.
2- عدم انتظام الكلام (مما يشير إلى عدم انتظام التفكير).
3- اضطراب شديد وملحوظ في السلوك .
4- يلاحظ عليه سلوك تخشبي، وقد يتراوح بين فقد الوعي الذي يشبه الغيبوبة إلى سلوك غريب وشاذ يتسم بفرط الحركة.
5- تظهر الكثير من الأعراض السلبية، والتي  ترتبط بانخفاض القدرة أو عدم القدرة على انجاز الأعمال بشكل طبيعي.
– اعتزال المحيطين به والرغبة الدائمة في العزلة .
قد يزداد المرض ويتضاعف الى حد التفكير في الانتحار.
واحد من أخطر الأمراض النفسية وأصعبها .
#هل تشعر أنكَ تعاني منه ؟
نحن معك ..❤️

#تثقيف نفسي صحي .