tgoop.com/frgstl/1242
Last Update:
#استشهاد_الزهراء_ع
صار كله البيت ضلمه من مشيتي
اخ مكسور الضلع چــــا ماحجيتي
گام يلجمني الهـــــوىٰ من غربيتي
يمه .. يمه …
انسه ويـــــذكرني الليل
ولحضنج اشتاگ
كـــــام الجرح بيه يعيل
ياجــرح الفراگ
عمري صبي وراح الحيل
من عندي وانباگ
بكسرة ضلعج .. شفت الويل .. يم الباب .. دم طايح
روحي تمــــوت ..لو طبيت .. ضل تذكارج .. ما رايح
والباب اسود .. مـــن النار .. كلشي هنا .. ضل جارح
يمه ۅيـنج فاگدينج
"""""""""""""""""
الفاگد امـه يشيب راسه من شبابه
شحال فاگد ام واخو ونار اعله بابه
غير وجهج ابــــــد مايهده مصابه
يمه .. يمه ….
عايش لچن روحي تموت
واكضيها مالوم
مابيه حته احجي بصوت
من كثر الهموم
صــــــارن بثكل التابوت
عله جسمي الهدوم
عمري گضه .. صحوة موت .. من رحتي .. من عندي
مايوم كطعن .. الـــــدموع .. طبعن اثر .. عله خدي
بــــ الامس .. قد كانو .. وياي وافگدت .. امي وجدي
يمه ۅيـنج فاگدينج
"""""""""""""""""
ذاك ابـــوي الشال خيبر راح حيله
زغير مـــحسن ماكدر وحده يشيله
خــــلاف وجهج ما اضنه ينام ليله
يمه .. يمه ……
فراشه عاصـرها الباب
وميطحه ورده
هنياله بيــــكم التراب
يايمه احـسده
حيدر دفنكم بس جاب
شيله اعله زنده
يم هــدومج .. مـــلتمين .. ظـــلج راح .. مـــن عدنه
ذاك الحسن .. وانا حسين .. واختي .. اشبگت والدنه
يــا يمه كونج .. تدرين .. مـــــــــوتج نار … يحرگنه
يمه ۅيـنج فاكدينج
"""""""""""""""""
الناس هـــاي الكتلتج هم لاحكونه
بوكت عـــازتهم لبوي اهمه يجونه
شكثر شفنه ضـــــيم منهم تعبونه
يمه .. يمه …..
كتالج يــــمشي وانتي
مضيعنه گبرج
ثمنطعش عام وشلتي
جاوينه عمرج
الفراگ صارت حصتي
الدمعه من اذكرج
لكربله .. ايـــــــام هواي .. غير الموت .. يلفيني
عطشان وجـهج .. مو ماي .. وانه زغير .. تدريني
اسمج اذا .. مر ع البال.. جيش الدمع .. يغزيني
يمه ۅيـنج فاكدينج
"""""""""""""""""
خادم القصيده
عزيز المياحي
BY الشاعر عزيز المياحي
Share with your friend now:
tgoop.com/frgstl/1242