tgoop.com/frgstl/1250
Last Update:
طـير بجناحه كسر
امنيته ع الگبه يمر
هيج انه روحي من اذكر طاريج
گلبي خيمه وبيها نار
فتره عايش بأنكسار
مو سنتي دارت وبس الهج بيج
سنه دارت ع الزياره
بكلبي راسملج مناره
البيه صارت يمته ازورج
ضايع ومنج قراره
شعدي من ارد اوصل يم گبرج غير الحسرات
وخادم مــــن خدام خوانج نص صحنج فات
وهيج يگولون هـــالخادم رايح للسوگ
وهناك من اللوعه مـات اباب الساعات
حلمي وحلم كل واحد يجي
حلمي واختصر كل الحجي
يمج كون يلفيني الاجل
حلمي وانفني من البچي
""""""""""""""""""""""""""
يمته اوصــل گبتج
دمعي حضرته الج
رايد ازورج زيارة مجروح
سنه صـار لرحلتي
وبيج كلها قـصتي
لشامج يزينب اوصل مذبوح
كل جــرح عنج اسمعه
روحي كلها تصير دمعه
زينب اعله التل غـريبه
وذاك اخوها انداس ضلعه
وجايب وياي هالمره تراب من حسين
مــن ذيج الــگاع الضيعتج اودتج ۅين
مستأذن منج بس رايد اوصل يأم عون
مشتاگ لحزنج وانتي اعرف بالمشتاگين
زينب رايد اوصلج جرح
زينب محترگ من الرمح
ميت الما يزورج اعتقد
زينب يگضي عمره منذبح
""""""""""""""""""""""""
غيري يوصل وانا اضل
حالي ميت بس عـدل
من انه ابقه وغيري يتعناج
مثل ام فــــگدت ابن
گلبي الج لمن يـحــن
دنيني يمج وجروحي ملگاج
انعه رايد وابجي حالج
شسوت الخيل بعيالج
هيج امنيتي من اجيلج
حته لو اموت ابــ وصالج
ياصوره التوجع عن عاشر احجيها جروح
زينب بالطف صـعدت تله والكل مذبوح
صاحـت الحگني ياكافل حضروها النوگ
وي سـلاب او ويه ارماح مكسوره اتروح
گلبي خاف يكسرلج گلب
گلبي وانتي لسه بالغرب
اسف انتي بس خليني اجي
گلبي لهفته لذاك الدرب
"""""""""""""""""""""""
خادم القصيده
عزيز المياحي
BY الشاعر عزيز المياحي
Share with your friend now:
tgoop.com/frgstl/1250