tgoop.com/frgstl/1252
Last Update:
يلتم الضـــــــلام ويطلع النه الضي
گــــمر طبعك! ولكن مايشبهك شي
من ادگ الباب تفتحلي شوكت ماريد
تستقبلني دوم ومـــــــا كلت شعلي
اجيك مــــذبل ومتروس كلي هموم
وارد من يمك اضحك تارس انته ادي
(علي) شما ســـولفو بيك الگلب يرتاح
مو بالنجف بيتك كمت احـــسك بي
منو مثلك عـلي! فر الشمس والكون
ودوم انته لمحمد صرت ســد وفّي
سفينة نــوح مو مثلك؟ يبو الحملات
يل بالحـــــــرب تتركها ركاض وعي
وجـــهك والگفه وبثنينهن خيال
كله بحگ تهد ما حــاربت ع الغي
جبت عمرك فقير وعايش بفد ثوب
بأفعالك مبين مـــلك مو من زي
ياهو الگال ميت؟ وانته حــامي الجار
تحل الصعبه وتعدل الحجي بكل شِي
الميت ليش ! قبل الدفن بيك ايطوف
حته يأمنون المات عـــــــــد الحي
الدين بغير حيدر صـــــدگ ما ينراد
الطب دينك يحس حاكم بملك الري
علي اعـتذر خــاف مقصر بمحچاي
ولاكن صــورتك عكست جمالك لي
نادي علياً 🤍
عزيز المياحي
BY الشاعر عزيز المياحي
Share with your friend now:
tgoop.com/frgstl/1252