tgoop.com/frgstl/1253
Last Update:
يا حبيبي
كل حواسي اتصيح بيك
روحي تعبت
بأي طــــريقه ارد اجيك
اخذ روحي
وسلمت گلشي ابديك
يا ماي بــارد وكت حر الظهر
يا نسيم ورايـــدك شهگه تمر
افتح دليلي وشوف شوگه الك
چن بدوي ويعرفونه من الجمر
هاي اهيه روحي تريدك مد ايدك ** يامهدي
هوه انه طحت ابحبك وبدربك ** ارد احدي
شوف انتضارك بيه ضل ياخذ ** ويودي
ياصاحب الزمان العجل
،،،،،،،،،،،،،،،
ياصفنتي
البيها انته شگد حنين
من يرسمك
بالي هم مثل الحسين
يوجهّ الله
البيك كلنه امــجلبين
جرحي الك والجرح كلش حلو
ياصاحبي وصرت انا احسك اخو
هيج الله ويكلولي عشگك ظهر
واركض عليك وليد ضـــيّع ابو
واحد بقالي عايش كل عمري ** انتضره
بي ريحه من حسيني ومن امه ** الزهره
كون بدرب يلگاني وياخذني يم ** صدره
ياصاحب الزمان العجل
،،،،،،،،،،،،،،،
يا هيامي
اندعيلك كــــــل غروب
فكري يمك
گلي ويـــــــن بيا دروب
شگد احبك
واليحب مـــثلك يتوب
ديوان گــــلبي موگده لحضرتك
مابي عـــطر وتــــــهيله بجيتك
صار انتضارك سوله مثل العشگ
وتذبحني لـــو طالت عليِ غيبتك
ياريت اشوفن طولك واتغزل. ** بعيونك
مو جذبه لا صدكني سموني ** مجنونك
الغيره تشب بصدري لو غيري ** يحبونك
ياصاحب الزمان العجل
،،،،،،،،،،،،،،،
ادعي ربي
اسمع بصوتك تـصيح
انا جدي
انذبح ع الــغبره ذبيح
هاي حرگه
بگلب كل واحد جريح
تطلع تشافي بچفك شجم صدر
ولثارك شگد نـــاس بس تنتضر
اليتاني هــــــم لاحته نار الخّيم
ومن ضلع امك كسره ما ينجبر
اين استقرت جرحي وتكتلني ** هالچلمه
خايف اذا ماشوفك وماتحصلي ** القسمه
حته بوصيتي كاتب بنص لحدي خلو ** اسمه
ياصاحب الزمان العجل
،،،،،،،،،،،،
خادم القصيده
عزيز المياحي
BY الشاعر عزيز المياحي
Share with your friend now:
tgoop.com/frgstl/1253