tgoop.com/frgstl/1307
Last Update:
رايح
بــويه بيا درب محتاجه لعيونك
رايح
رحلة عمري صدّگ تنتهي بدونك
..
بحضنك حناني
كله لگيته … مابيه حيل الشوگ
جا وينه صوتك
شو ماسمعته … من رجبوني النوگ
..
ضايعه مـــا بين اهــــلي فراگك لوحده ضياع
زغيره مو مالت مجافه وماعرف شنهو الوداع
بكثر ما مشتاگه عطرك روحي وي گلبي بنزاع
بابا … بابا … حسين
------------------
وينك
بدرب شطوله ادورك روحي ملهوفه
وينك
بنيتك تمشي فـــوگ الناگه مجتوفه
..
اسمع شتايم
بأسم الهواشم … شصاير ولا حسيت
تعبوني كلش
فــوگ الهزايل … بــــويه الك حنيت
..
الشيب احسه بگلبي طالع بالدرب شفت العذاب
شجابني لهاي البلاوي والـــحزن ماســــدلي باب
سنيني خمسه وتيهتهن وانه مــو مالــت مصاب
بابا … بابا … حسين
--------------------
بويه
عليك من النِشد حته انگطع صوتي
بويه
من گــالو گربنه الشام احس موتي
..
بهوسه دخلنه
بين الشماته … وبكل مكان جروح
كل ساع اكولن
هسه يجيني … وترد اليه الروح
..
ياهو اليعوض حنانك رايده لمسه من اديك
تاخرت شو ماكو انته بكل وكت انشد عليك
يهظم فــراگك ذبحني مالگيتك حـته اجيك
بابا … بابا … حسين
------------------
روحي
دخلنه بالقصر مدري شجرى بروحي
روحي
نهايتها احس يـــــم راس مذبوحي
..
وجهك لمسته
بجفوف اديه … وجهك جروحه هواي
ذيج الصحاري
عطشت جمالك … وخلتك ابلا ماي
..
كل حواسي تنوح يمك بجـسمي ون حته الوريد
كمت احــس بــــروحي تطلع تريد تــوصلك اكيد
هـــوه اليفارگ دلالك يعيــــش عـــن روحه بعيد
بابا … بابا … حسين
------------------
خادم القصيده
عزيز المياحي
BY الشاعر عزيز المياحي
Share with your friend now:
tgoop.com/frgstl/1307