tgoop.com/frgstl/1327
Last Update:
حرگ كل خيمه صار بگلبك رماده
وكل عام اليمر عـدنه الذبـح عاده
ولامرت سـنه بيهه انته ماعطشان
ولا عـــام اليمر گالو لگه اضـماده
كل عام يــنعاد الجـــــرح لا واكثر
بين الحــوافر طايــــــح انته موذر
ابسط تفاصيل الحــزن هـــم تنعاد
شما يمشي بينه العمر جرحك يكبر
يحسين چـا مالك دوه
كل عـــــام تلچم امك
من اسنين صار الهه تون
مشتاگه بس اتشـــمك
كـــل مــا تجي تلگه اثر
بالگــاع طــــايح دمـك
حسين
"" "" "" "" "" "''
النفس ذاك الاخير بحسره جريته
وزفيرك ع الـــــخيام حسين ذبيته
كلت بـــلكت تخف النار ع الاطفال
واليزحف زحــف شيوصله بيته
الگــــاع اخذت كلشي حته عيونك
وطايح ولا واحـــــد يگول اشلونك
من الحوافر والطعن مــا ضل لون
تراب و دمـه مختلط بالطف لونك
ياطـف يشيلك يا ارض
كلـش جبيره ارسومك
تتلوه شو من كل كتر
مثل الكهف شو نومك
ونايم على حر الرمل
وبالشمس يخلص يومك
حسين
،،،،،،،،،،،،،،،،،،،،
يـــــا اول حــــــزن راسم نصر دمه
وبذاك الضهر صـــــارت عليه زحمه
لا ضل ثوب لا محبس وكــت فرهود
الشارد هم رجـــع ينهب امن النعمه
مــذبوح يـل ريجك نشف ع البارد
وراسك صــعد ع الرمح اول واحد
صح الهضم ماعافك ويمشي وياك
وماتگدر اتـرد بـــس عيوّن اتشاهد
مــيت وتقهر ع الرمح
لــــــمن تعاين لأهلك
يانـــور الله من الهضم
شاحـب واصفر شكلك
قامــت الدنيه بوگفتك
وضل دوم عايش فعلك
حسين
،،،،،،،،،،،،،،،،،
يا اخـــــــر حــلم يجرح بـ عايلته
ويجـرحه الطيف لو سير عَلى بنته
وبذاك الطشت مكسور جنه جناح
وعزيزة گلبه مــــاتت لمن وصلّته
بنتك ازغيره اعــــــله النعش مابيها
بداعت حنانك اگـــــــعد وحاجيها
تعبوها مـن گد الضرب وانته تشوف
تشاگف بـــــــوحــده الثانيه تأذيها
بالعين مگطوع الضوه
بذاك الطشت ودعّتك
والخـاتمه درب اللحد
من طال كلش صمّتك
استقبلها ودموع الحزن
مـــتكفله بيهن اختك
حسين
،،،،،،،،،،،،،،،،،،
خادم القصيده
عزيز المياحي
BY الشاعر عزيز المياحي
Share with your friend now:
tgoop.com/frgstl/1327