tgoop.com/frgstl/1331
Last Update:
مريم طلگــت بعيسى راحــت لبيت العباده
ولن اجاها الصوت طلعي هذا مو دار الولاده
ومن اجت بت اسد للكعبه الشريفه
الله شگ الها جداره
گلها يأم حيدره هذا البيت داره تفضلي
گلها هذا الكون كله مطعمه بطينة علي
هيه هاي الدنيه كلها بچفة يحكمها الـي
وصار امير المؤمنين
وكلشي بالدنيه فرح حتى الهوى
والسطوع بيومها يأذي البصر
يعني فرحان الضوى
الريح هبت والسمه تنگط مطر
والورد عطره انتثر
ولن اجه المصطفى مسرع
شم علي وحس بالنصر
والشفع شال الوتر
سور الله هنانه كملن عادياته والفجر
صار هيبة ال طالب اسمه مُظهر للعجب
الناس كلها تراب صارت وهوه صاير من ذهب
گماط مايرهم لطوله وامه محتاره بقت
بت اسد راحت لـ طه تكله يزعجني الولي
گلهه لتكليله بأسمه بأسمه كل هم ينجلي
لو تگمطينه بالسبعه يفلها لو صحتي علي
اخ من حبك علي
شگد احبك ياعلي
الهوى المابي شهيقك ماله بالريه مجان
الخالي جسمه من دخيلك مايحصل عالامان
يامفاتيح الجنان
والدي لو مايحبك ما اطيقه وما احبه
كون مارضعتني درك إللبن من حلگي اذبه
كون ماكو ابيتي اسمك اله اسوي البيت خربه
شگد احبك ياعلي
شما اسولفلك قليل
انتَ سويت اعلى مودي المستحيل
شما اسولف بيك يبقه العگل محتار وذهيل
يادواء لكل عليل وتستجيب لكل دخيل
على عيونك جانت اتبين علامه
صح شديد البأس انتَ لكن مراعي اليتامه
يا ابو الفقره الحنين الماكو منه
الرغيفه من ايدك تنگط محنه
يابخت تستنجد ابأسمك اهلنه
ذاك ابوي الكله شيب يردله حيله
يحجي وياك ابفطرته
يحجي چن مذبوح جفنه بكثر ماتنزل دمعته
لو وصل للگبه يمك يدخل اعگاله برگبته
إعرفت يعني انتَ شيخ ياصديقي من الطفوله
اصفن بسيرة حياتك سيره متروسه بطوله
من عشگتك انتَ جانت نضره اولى
عزيز المياحي
BY الشاعر عزيز المياحي
Share with your friend now:
tgoop.com/frgstl/1331